Уй-жой коммунал хизмат кўрсатиш вазирлиги, Ўзбекистон Республикаси Бош прокуратураси ва Уй-жой фонди инспекцияси мутасаддилари томонидан Тошкент вилоятининг Ангрен, Чирчиқ, Олмалиқ, Янгийўл шаҳар ва туманларида кўп квартирали уйларни бошқариш тизимини такомиллаштириш бўйича қатор ишлар амалга оширилмоқда.
Хусусан, мазкур ҳудудларнинг оғир тоифадаги ширкатларини бошқарув сервис компанияларига бириктириш, барча тушумлар айланмасини "Менинг уйим" биллинг тизими орқали амалга ошириш, бошқарув сервис компанияларининг фаолияти самарадорлигини ошириш, компанияларда 24/7 иш режимидаги диспетчерлик хизматини самарали йўлга қўйиш бўйича тарғибот ишлари олиб борилмоқда.
Чирчиқ шаҳар ҳокимияти биносида ширкат ва БСКлар раҳбарлари билан ўтказилган учрашувда айни масалалар муҳокама қилинди.
Ангрен шаҳрида сектор раҳбарлари билан ташкиллаштирилган йиғилишда ҳам музокаралар қизғин тус олиб, "оғир" тоифадаги ширкатларни БСКга бириктириш юзасидан таклифлар кўриб чиқилди.
Йиғилишда ширкатларнинг қарздорлиги кун сайин ошиб бораётганлиги, улар хизмат кўрсатаётган уйларни куз-қиш мавсумига тайёрлаш бўйича ҳеч қандай иш амалга оширилмаётганлиги таъкидланди.
Олмалиқ шаҳри ҳокимияти мутасаддилари билан ўтказилган йиғилишда шаҳардаги кўп квартирали уйларга хизмат кўрсатиш соҳасидаги муаммолар, дебитор қарздорлик ва БСКлар фаолияти самарадорлигини ошириш масалалари муҳокама қилинди.

https://t.iss.one/kommunaluzb

“Дунёда кун сайин озиқ-овқат билан боғлиқ чекловлар ва нархларнинг ўсиши кучаймоқда. Албатта, бу бизга ҳам таъсир кўрсатмоқда.

Лекин, ҳамма вилоят, туман ва шаҳар ҳокимлари ҳам дунёда бўлаётган вазиятни баҳолаб, ишини тўғри ташкил қилаётгани йўқ. Буни бозорларимиздаги нарх-наво кўрсатиб турибди.

Жумладан, май ойида инфляция даражаси 1 фоизга ошиб, бу ўтган йилга нисбатан юқори бўлди.

Албатта, нарх-навонинг ўсишига жаҳон бозорларида буғдой нархи 50 фоизга, ўсимлик ёғи – 33 фоизга, шакар – 14 фоизга, нефть – 47 фоизга ошгани бевосита таъсир кўрсатмоқда.

Бундай шароитда ҳокимлар барча ички имкониятларни сафарбар этиб, бозорларни маҳсулотлар, энг муҳими – озиқ-овқат билан тўлдириш учун икки карра кўпроқ ишлашлари шарт.

Лекин, кўп ҳокимлар нарх-навога эътибор қилмасдан, жиловни қўлидан чиқариб юборган”, деди Президент йиғилишда.

Уч кун муддатда барча маҳалла ва қишлоқларда асосий маҳсулотлар билан таъминлаш даражасини ўрганиб, керак бўлса, бошқа ҳудудлардан тезкорлик билан етказиб бериш вазифаси қўйилди.

Жорий йилда 170 та йирик чорвачилик лойиҳалари ва хонадонларда кооперация орқали 249 та лойиҳани амалга ошириш белгиланган.

Бунинг учун, февраль ойида қабул қилинган қарор билан чорвачилик хўжаликларига:

- гўштнинг ҳар бир килограмми учун тўланадиган субсидия 2 минг сўмдан 4 минг сўмга, сутнинг ҳар бир литри учун 200 сўмдан 400 сўмга оширилди;

- олиб келинадиган қишлоқ хўжалиги техникаси барча тўловлардан озод этилди;

- соҳага 170 миллион доллар имтиёзли кредит линиялари очилди;

- 200 минг гектардан зиёд пахта ва ғалла майдонларига озуқабоп экинларни алмашлаб экиш белгилаб олинди.

Андижон, Бухоро, Фарғона ва Хоразм вилоятларида пахтачилик-тўқимачилик кластерлари томонидан амалий ишлар бошланиб, 18 минг бошли 35 та чорвачилик хўжаликлари ишга туширилди.

Лекин, Сурхондарё, Самарқанд, Сирдарё, Қашқадарё, Наманган, Жиззах ва Тошкент вилоятларида 35 минг бошли 70 та лойиҳа бўйича чорва комплексларини ишга тушириш кечикмоқда.

Президент ушбу вилоятлар ҳокимларини қатъий огоҳлантирди.

Президент аҳолини озиқ-овқат маҳсулотлари билан узлуксиз таъминлашни қўллаб-қувватлаш чоралари янада кенгайтирилишини таъкидлади.

Бунинг учун, 2023 йил 1 январга қадар:

- 22 та турдаги истеъмол ва озиқ-овқат маҳсулотлари (гўшт, балиқ, сут маҳсулотлари, мева, ўсимлик ёғи) божхона божларидан озод этилади;

- озиқ-овқатни импорт қилишда божларни оширилган ставкада қўллаш тўхтатиб турилади;

- давлат харидларида озиқ-овқат маҳсулотларини импорт қилиш бўйича чекловлар вақтинча бекор қилинади.

Монополияга қарши курашиш қўмитасининг бозордаги нарх-навонинг асоссиз ошириш, рақобатни бузиш, бозорга киришга тўсқинлик қилиш ҳолатлари бўйича ваколатлари кучайтирилади.

Вилоят ҳокимларига ўз ҳудудида етишмайдиган маҳсулотларни импорт қилувчи тадбиркорларга кредит бериш, логистика ва импорт қилиш билан боғлиқ барча жараёнларда амалий ёрдам кўрсатиш топширилди.

Йиғилишда соҳа мутасаддилари ва ҳудудлар раҳбарлари мавжуд ҳоллат ва белгилаб берилган вазифалар ижросини қандай таъминлашлари юзасидан ҳисобот берди.

❗️Ҳукумат энергия ресурслари бозори ислоҳотини бошлади

Ҳукуматнинг ёқилғи-энергетика ресурсларининг нархларини ўзгартириш тўғрисидаги қарори лойиҳаси жамоатчилик муҳокамасига қўйилди. Қарор лойиҳасига кўра:

2022 йил 1 июлдан бошлаб:

✅Электр энергияси бўйича:
➖ аҳоли учун 1 кВт соат электр энергияси истеъмоли ойига 250 кВт соатгача – 325 сўм (ҳозирда 295 сўм), 250 кВт соатдан юқори ҳар 1 кВт соат учун – 650 сўм;

(Табақалаштирилган нархларда 250 кВт.с гача электр энергия ишлатадиган абонентлар учун қўшимча харажат ойига 7,5 минг сўмгачани, 300 кВт.с гача ишлатадиган абонентлар учун 25 минг сўмгачани ва 400 кВт.с гача электр энергия ишлатадиган абонентлар учун эса 61 минг сўмгачани ташкил этади).

➖Навоий КМК, Олмалиқ КМК ва бюджет ташкилотлари (800 сўм)дан ташқари барча юридик шахслар учун – 600 сўм.

✅Табиий газ бўйича:
➖ аҳоли учун 1 куб м табиий газ истеъмоли ойига иситиш мавсумида 700 куб метргача – 410 сўм (ҳозирда 380 сўм), 700 куб метрдан юқори ҳар 1 куб метр учун –1 200 сўм, иситиш мавсумидан ташқари даврда 200 куб метргача – 410 сўм, 200 куб метрдан юқори ҳар 1 куб метр учун – 1 200 сўм.

(иситиш мавсумида 700 куб м гача табиий газ истеъмол қилувчи абонентлар учун қўшимча харажат ойига 21 минг сўмгача, 1 000 куб м гача истеъмол қилувчи абонентлар учун қўшимча харажат ойига 267 минг сўмгачани ташкил этади. Шунингдек, иситиш мавсумидан ташқари даврда 200 куб м гача табиий газ истеъмол қилувчи абонентлар учун қўшимча харажат ойига 6 минг сўмгача, 300 куб м гача истеъмол қилувчи абонентлар учун қўшимча харажат ойига 88 минг сўмгачани ташкил этади).

➖Навоий КМК, Олмалиқ КМК ва бюджет ташкилотлари учун – 1 300 сўм, автомобилларни газ билан тўлдириш компрессор станциялари учун – 1 200 сўм, иссиқлик электр станциялари учун – 1 000 сўм ҳамда қолган юридик шахслар учун – 1 150 сўм.

Умуман, ҳукуматнинг режаларига кўра, 2026 йилдан бошлаб электр энергияси, табиий ва суюлтирилган газнинг улгуржи бозорига ўтилади ҳамда нархлар эркин шаклланади.

❗️Ўзбекистонда энергоресурслар бозори ва энергия таъминот тизимини ислоҳ қилиш бўйича режалаштирилган ишлар ва норматив-ҳужжат лойиҳаси

АОКАда Энергетика, Молия, Иқтисодий тараққиёт ва камбағалликни қисқартириш вазирликлари, «Ўзтрансгаз», «Ҳудудгазтаъминоти» АЖ, «Ҳудудий электр тармоқлари» АЖ мутасаддилари иштирокида шу мавзуда матбуот анжумани бўлиб ўтмоқда.

Қуйидаги ҳавола орқали тўғридан-тўғри томоша қилишингиз мумкин:

📹 Жонли эфир
〰️〰️〰️

Telegram | Facebook | Instagram | Медиабанк

❓Оилавий тадбиркорликни бошлаш ёки давом эттириш учун имтиёзли кредит қандай олинади? Ариза топшириш тартиби қандай?

❓Маҳаллага бириктирилган ҳоким ёрдамчисидан кредит бўйича тавсия олиш тартиби ва шартлари ҳақида маълумот берсангиз?

❓Имтиёзли кредитлар қанча муддатга, неча фоиздан ва қайси соҳаларга ажратилади?

❓Қандай ҳолларда кредит берилмайди?

❓www.oilakredit.uz ягона электрон платформаси орқали ариза қандай юборилади?

📲 Ижтимоий тармоқлар орқали келиб тушган Оилавий тадбиркорликни ривожлантириш дастурлари доирасида имтиёзли кредитлар ва бошқа долзарб саволларга Марказий банкнинг Тадбиркорлик субъектларини молиявий қўллаб-қувватлаш бўйича тижорат банклари фаолиятини мониторинг қилиш департаменти бошқарма бошлиғи Турғун Ҳакимовдан батафсил жавоб берди.

Қуйидаги ҳавола орқали интервью билан тўлиқ танишиб чиқишингиз мумкин.

Telegram | Facebook | Instagram | Медиабанк