#саховат_ва_кўмак

"Темир дафтар"даги оилаларга моддий ёрдам кўрсатилди

⚡️Олмалиқ шаҳар ҳокимлиги томонидан тасдиқланган №139-Ф сонли Фармойишга асосан, “Саховат ва кўмак” жамғармасида жамғарилган маблағни самарали сарфлаш мақсадида Халқ депутатлари Олмалиқ шаҳар Кенгашининг 2021 йил 31 майдаги VI-ХХХI-II-сонли қарори қабул қилинди.

📌 Мазкур қарор асосида ҳозирда “Саховат ва кўмак” жамғармасидан 112,1 млн. сўм сарфланди. Яъни, эҳтиёжманд фуқароларнинг соғлигини тиклаши учун тиббиёт бирлашмасига ўтказилди. Шунингдек, бандлигини таъминлашга қийналаётган фуқароларга турли маиший техника ва дастгоҳлар олиб берилди.

✅Жумладан, куни кеча шаҳар сектор раҳбарлари Кенгаш котибият мудири ҳамроҳлигида "Тотувлик" кўчаси, 9-Б уйда истиқомат қилувчи фуқароларнинг хонадонларида бўлиб, ҳолидан хабар олишди. Йўқловдан сўнг уларга ўзларининг мурожаатларига кўра, тикув машинаси, пайвандлаш ускунаси, ётоқ мебели ҳамда эшитиш мосламаси ва оптик кўзойнак каби зарурий ускуна ва жиҳозлар тақдим этилди.

@Olmaliq_shahri

#обод_маҳалла

"Обод маҳалла" дастури ижроси сектор раҳбарлари назоратида

⚡️ Олмалиқ шаҳар ҳокими Қобил Хамдамов бошчилигида сектор раҳбарлари бугун "Олмалиқсой" ва "Зарбулоқ" маҳаллаларида бўлиб, топшириқлар ижросини кўздан кечиришди.

📌 Ўрганиш давомида ҳар бир кўчага бириктирилган ҳашарчи ва бригада ходимларининг амалга ошираётган ишлари синчковлик билан назоратдан ўтказилди.
Аниқланган камчиликлар бўйича масъулларга топшириқлар юклатилди.

@Olmaliq_shahri

#обод_маҳалла

"Зарбулоқ" маҳалласи йўллари асфальтланди

⚡️"Обод маҳалла" дастурига тушган "Зарбулоқ" маҳалласида бугунги кунда кенг қамровли ободонлаштириш ишлари олиб борилмоқда.

📌 Жумладан, маҳаллада оқова сув тизими ҳамда ичимлик сув қувурлари янгиланиб бўлгач, бугун ички кўчаларга асфальт қопламаси ётқизилди.

@Olmaliq_shahri