#ryok_xorazm
#ona_tilim_faxrim_mening
#ishtirokchi_001

🔹Millatning ikki asosi bordur. Biri uning tili va dinidur.Agar millat hayotidan shu ikkisidan biri sug'irib olinsa, millat tanazzulga yuz tutar. ( Ismoilbek Gaspirali )
Til-millatning ma’naviy boyligi.Til millatning buyuk boyligi, bebaho xazinasi, tu-
ganmas mulkidir.Tilsiz millat rivojlanmaydi, o’smaydi va yuksalmaydi. Chunki millatning tarixi, uning madaniy, ma’naviy merosi, urf-odatlari va an’analari unda mujassam bo’ladi.
Mamlakatga tanilgan tilshunos olim Ravshan aka bu galgi safarini Rossiyaga uyushtirishni rejalashtirdi. Ravshan aka kim o’zi deb o’ylayotgandirsiz? Ravshan aka tilshunos olim. Har yili bitta mamlakatga borib, u yerning tilini, madaniyatini o’rganadi. Bugun esa Rossiyaga ketyapti. Ketishdan oldin esa ota- onasining duosini hamda ona vatanining bir hovuch tuprog’ini olib yo’lga chiqdi. U yerga yetib borarkan o’z ona tilisida maza qilib gaplashishni xohlardi, xalos. Lekin unga iloj ham yo’q, sherik ham. Rossiyaga borib rejalashtirgan ishlarini birin-ketin amalga oshirishni boshladi. Ona Vatanini sog’inganda ona tilisida yozilgan asarlarni zavq bilan o’qir, yurgan joyiga vatani tuprog’idan sepib,o’z yurtida bo’lgandek his qilardi o’zini. U yana bir bor boshqa davlatlardagidek Rossiyailik olim-u tilshunoslarni ham lol qoldirib, o’zbek tili naqadar boyligini ko’rsatdi.Turli tadbirlarda, konfrensiyalarda ishtirok etib,haftaning yettinchi kunida uyga ya’ni o’z vataniga qaytishga qaror qildi. Ketish oldidan ota-onasiga sovg’a olish uchun do’konga kirdi. U yerda eng go’zal ro’molni onasiga, otasiga esa dunyodagi eng chiroyli hassani oldi. U do’kondan chiqar ekan ko’zi bir chekkada yotgan onaxonga tushdi.Yugurib borib uni o’ng qo’lidan ushladi va ko’zlariga qarasa…Ha, o’sha Gulchehra aya. Ravshan akaga birinchi “Vatan”, ”Ona “ “Til “ so’zlarini yozishni, uni qadriga yetishni o’rgatgan ikkinchi onasi hamda muallimi edi.Ming afsuslar bo’lsinkim, Ravshan aka esiga solsa Gulchehra ayaning o’g’li uni majburlab Rossiyaga olib ketgandi. Necha yil bo’ldi ulardan dom-darak yo’q edi. Gulchehra aya ham Ravshan akani darrov tanidi.Uni yuz ko’zlaridan o’pdi. Chunki hali bu begona yurtga kelgandan beri hech qanday tanishini ko’rmagan Ravshan akani esa bu yurtga kelgandan beri birinchi ko’rishi edi. Gulchehra aya barcha bo’lgan voqeani Ravshan akaga aytib berdi ya’ni: u yurtga kelib o’g’li tayinli bir ish topolmaganini,bu yerni madaniyati, tilini tushunmagandan so’ng sarson bo’lganini va endi ish topganida baxtsiz hodisaga uchrab vafot etganini va Gulchehra aya ikki yildan buyon qo’li ishga bormay, cho’ntagida bir so’m yo’qligini aytib berdi. U yuzida ming faryod ila Ravshan akaga qarab shunday dedi:
-Bolaginam,men bu yerda yetti yil yashadim, rus tilini bot-bot eshitdim. Lekin bironta so’zni ham o’rganmadim. Chunki boshqa tilni o’rganish uchun o’zimda intilish boshqa tilga bo’lgan mehrim yo’q edi. O’zimizning ona tilimiz naqadar buyukligi haqida sizlarga takror –takror aytardim va bu yerga kelib shunga amin ham bo’ldim. Ammo, bu yerda o’tirsam ham, tursam ham o’z ona tilimni qumsadim. O’zbek tilimda mazza qilib gaplashgim keldi. Lekin buning hech ham iloji yo’q edi bolam-dedi yeg’lab Gulchehra aya. Ravshan aka ularga turli xil narsalar olib berdi va Gulchehra aya tufayli mashhur tilshunos olim bo’lgani haqida gapirib berdi. Gulchehra aya esa:
-Menga bunday boylik –u hashamatlik kerakmas. Menga o’z vatanim-u tilim turib begona yurtlar kerakmas. Sendan iltimos, meni o’z tilimda mazza qilib gapira oladigan ona Vatanimga olib bor o’g’lim-dedi.
Mayli qashshoq bo’lsin, mayli, behasham,
Lekin mening uchun aziz va suyuk.
Jahon minbaridan yangramasa ham,
Ona tilim menga muqaddas, buyuk.
✍️Xorazm viloyati Xiva shahar Ogahiy nomidagi ijod maktabining 9-sinf o’quvchisi Ravshanbekova Gulmira

🔸"Ona tilim-faxrim mening!" tanlovi uchun

☘@ryok_xorazm

✍Bugun, ya‘ni 7-oktabr kuni Ogahiy ijod maktabida Prezident, ijod va ixtisoslashtirilgan maktablarning o‘quvchilari o‘rtasida tashkil etilgan "Eng yaxshi insho muallifi" tanlovining maktab bosqichi o‘tkazildi. Tanlovda ijod maktabining iqtidorli, ijodkor bir qator o‘quvchilari ishtirok etishdi. Yuqorida ☝️ insho tanlovi jarayonidan lavhalar. Bu tanlovda g‘olib bo‘lgan 3 nafar o‘quvchining inshosi tanlovning keyingi bosqichiga yuboriladi. Keyingi bosqich g‘oliblarini Prezident, ijod va ixtisoslashtirilgan maktablarni rivojlantirish agentligining Diplom va qimmatbaho sovg‘alari kutmoqda. Ajabmas, ijod maktabimiz o‘quvchilari orasidan g‘oliblar chiqsa. Shunga umid bildirib qolamiz.

РЕСПУБЛИКА ЁШ ОЛИМЛАР КЕНГАШИ вилоят бўлими расмий телеграм канали - @ryok_xorazm da эълон қилинган "Она тилим-фахрим менинг!" танловида Огаҳий номидаги ижод мактабининг жонкуяр устозлари ҳам ўз ижодлари билан фаол иштирок қилмоқдалар. Марҳамат, қуйида Огаҳий номидаги ижод мактабининг она тили ва адабиёт фани ўқитувчилари Муҳаббат Жуманиёзова ва Барно Юсуповаларнинг Она тилимиз гўзал тарзда мадҳ қилинган шеърларидан баҳраманд бўлинг ва албатта каналга кириб, ижодкор устозларимизни қўллаб-қувватлашни 👍 унутманг.

#Огаҳий_ижод_мактаби

#ryok_xorazm
#ona_tilim_faxrim_mening
#ishtirokchi_014

ҚАДРИНГ БАЛАНД БЎЛАВЕРСИН,
ЭЙ ОНА ТИЛИМ!

Тингласанг гар эрта саҳар булбул ноласин,
Ёқимли куй, овози-ла этади шайдо.
Англагайсан бир он тинглаб она алласин,
Гўзал тилим жозибаси ундан-да аъло.

Эшит, дўстим, жилғаларнинг майин садосин,
Шилдир-шилдир шўх сози-ла этар қалбинг ром.
Тингла, эй ёр, дилдан халқим назму навосин,
Она тилим каломидан оларсан ором.

Кошғарийни чўлу даштда қилдинг саргардон,
Бебаҳо дур, жавҳарларинг ақлин этмиш лол.
Навоийни дунёларга этдинг намоён,
Доно тилим, бебаҳосан, топма ҳеч завол.

Бутун денгиз дурларидан тизилган маржон,
Тенглашолмас сен яратган инжуларингга.
Алишмасман қанча бойлик бўлмасин, ишон,
Қалбга ором, дилга малҳам она тилимга.

Томиримда оқиб турган оби ҳаётсан,
Билсанг агар сен ғурурим, орим, нафасим,
Нурдай азиз, жонга Масиҳ бир дилдоримсан,
Қадринг баланд бўлаверсин, эй она тилим!

✍Муҳаббат Жуманиязова
Огаҳий ижод мактаби ўқитувчиси

🔸"Ona tilim - faxrim mening!" tanlovi uchun

☘@ryok_xorazm

#ryok_xorazm
#ona_tilim_faxrim_mening
#ishtirokchi_017

ONA TILIM

Begʻubor dil tarjimoni,
Donish-ilm, hikmat koni.
Yaratganning armugʻoni,
Ona tilim, ona tilim.

"Devon"lardan toshgan tilim,
Ne-ne dovon oshgan tilim.
Kamsitsalar-koʻksim tilim,
Ona tilim, ona tilim.

Jahon minbaridan yangrab,
Yurtboshimni dunyo tinglab.
Armon tuydik, tuydik sharaf,
Ona tilim, ona tilim.

Kelajakni yorit nurday,
Avlodlarga ganjing eltay.
Mahshargacha yangrab turgay,
Ona tilim, ona tilim!

✍Ogahiy ijod maktabi oʻqituvchisi Barno Yusupova.

🔸"Ona tilim- faxrim mening!" tanlovi uchun

☘@ryok_xorazm

Қадрли дўстлар.
Хабарингиз бор, Хива шаҳридаги Огаҳий ижод мактабининг тарих фани ўқитувчиси Алламова Назокат Азадовна 1-октябрь-"Ўқитувчи ва мураббийлар куни" муносабати билан давлатимизнинг юксак мукофоти "Шуҳрат" медали билан тақдирланган эди. Кеча, 8-октябрь куни Огаҳий ижод мактабига Таълим ва фан ходимлари касаба уюшмаси Кенгашининг Хива шаҳар бўлими раиси Гулнора Отамуратова ташриф буюриб, қисқа фурсат бўлсада, ижод мактаби жамоаси катта ютуқларни қўлга киритаётгани ҳақида гапириб, юксак эътирофга сазовор бўлган устозни самимий табриклади ва совғалар тақдим қилди. Ўз навбатида Огаҳий ижод мактабининг педагоглари ҳам Алламова Назокатнинг жонкуярлиги ва намунали фаолиятини эътироф этиб, яна бир бора давлат мукофоти билан муборакбод қилдилар.
Қуйида ушбу жараёндан фотолавҳалар.

#Огаҳий_ижод_мактаби