O‘qituvchilar o‘rtasidagi “Zakovat” turnirida ro‘yxatdan o‘tganlar diqqatiga!

📆 24-sentabr, yakshanba kuni barcha hududda turnirning hududiy bosqichi o‘tkaziladi.

Hududiy bosqich o‘yinlari ishtirokchi jamoalar soniga qarab barcha jamoalar bilan bitta manzilda yoki barcha jamoalarni bir joyga sig‘dirish imkoni bo‘lmagan taqdirda, jamoalarni bir necha guruhga bo‘lgan holda bir necha manzilda o‘tkaziladi.

Bunda, barcha jamoalar bir manzilda bellashadigan hududlardagi o‘yinda jami 30ta savol 15 tadan 2 turga bo‘lgan holda o‘ynaladi.

Jamoalar bir necha guruhga bo‘lingan holda bir necha manzilda o‘tkaziladigan hududlarda esa avval har bir guruhda 15ta savoldan iborat saralash bosqichi, keyin esa 20ta savoldan iborat final o‘yini o‘tkaziladi. Final o‘yinida eng yuqori natija ko‘rsatgan jamoalar turnirning respublika bosqichiga yo‘l oladi.

Hududiy bosqichda eng yuqori natija ko‘rsatgan 3tadan jamoa turnirning respublika bosqichiga yo‘l oladi. Kelib tushgan arizalar soni ko‘pligidan kelib chiqib, tashkiliy qo‘mita qarori bilan Qoraqalpog‘iston Respublikasiga 4ta hamda Farg‘ona viloyatiga 5ta yo‘llanma taqdim etildi.

Hududiy bosqich o‘yinlari bo‘lib o‘tadigan manzillar haqida quyidagi hududiy kanallar orqali ma'lumot beriladi:

Andijon viloyati;
Buxoro viloyati;
Farg‘ona viloyati;
Jizzax viloyati;
Namangan viloyati;
Navoiy viloyati;
Qashqadaryo viloyati;
Qoraqalpog‘iston Respublikasi;
Samarqand viloyati;
Sirdaryo viloyati;
Surxondaryo viloyati;
Toshkent viloyati;
Toshkent shahri;
Xorazm viloyati.

❗️Hududiy bosqich o‘yinlari barcha hududda bir vaqtda - 24-sentabr kuni, soat 10:00 da boshlanadi. Soat 09:30 da jamoalarni ro‘yxatga olish boshlanadi. Ishtirokchi jamoalardan 09:30 dan kechikmasdan o‘z hududlaridagi manzilda hozir bo‘lishlari so‘raladi.

PS: O‘yin manzili o‘zgaradigan taqdirda ushbu kanallarda alohida xabar beriladi.

Telegram I Facebook I Instagram I YouTube I TikTok