#Hafta_ijodkorlari
#7_ta_iqtidor
#Nazm
#2_kun

Har hisni qog'ozga to'ka olmasman,
Goh qalam dosh bermas, gohida ko'ngil.
Tub-tubiga ko'mib dard-u alamim,
Asli mozor bo'ldi bechora bu dil.

Gohida qo'llarim titrar yozishga
Og'riqlar bir zamon qo'rquvga solar.
O'shanda ulardan qutulish uchun
Qalam ham nachora hamkorim bo'lar.

Bo'ldi bas, bu dardlar tugaydi qachon,
Bormikan ularning intihosi ham.
Hali yorug‘ kunlar keladi, albat,
Shodlikning kuyin ham yozadi qalam.

Ne uchun faqat g'am, demang do'stlarim,
She'rlarim aslida ulardan bunyod.
Baxtning parilari kelsin, deb dilni
G‘amning lashkaridan qilyapman ozod!

✍: Boynazarova Muxlisa,
Ogahiy nomidagi ijod maktabining 11-"A" sinf o‘quvchisi

Ogahiy ijod maktabi matbuot xizmati

👉Telegram|👉 Facebook|
👉YouTube| 👉 Instagram|

#bilasizmi

Bugun 14-iyun haftaning chorshanba kuni. Ushbu kundagi muhim voqealar bilan tanishing.

🔷BMT – Xalqaro donorlar kuni.
🔹Ma’lumotlarga ko‘ra, har bir mamlakat o‘z aholisining qonga bo‘lgan talabini qondirish uchun 1000 nafar kishiga donorlar soni 30 nafar va undan ortiq bo‘lishi, qon komponentlari bilan ta’minlash uchun esa donorlar soni har 1000 nafar kishiga 10 nafar yoki aholi soniga nisbatan 1 foizni tashkil etishi zarur.

🔷Xalqaro veb-blogerlar kuni.

🔺Qoraqalpogʻistonlik estrada xonandasi, Oʻzbekistonda xizmat koʻrsatgan artist, Qoraqalpogʻiston xalq artisti Maxset O'temuratov tavallud topgan (1978).

🔺Oʻzbekistonlik sport jurnalisti va sharhlovchisi, teleboshlovchi Davron Fayziyev tavallud topgan (1983).

🔺O’zbekistonlik futbolchi, O’zbekiston milliy terma jamoasi aʼzosi Sardor Rashidov tavallud topgan (1991).

👉 Rasmiy sahifalarimiz: Telegram | YouTube

#Xushxabar
#Tarix

🔰 O‘zbekiston Respublikasi oliy ta'lim, fan va innovatsiyalar vazirligi huzuridagi bilim va malakani baholash agentligi tomonidan Ogahiy nomidagi ijod maktabining 11-sinf o‘quvchisi Hayitboyeva Kumushoy 93.1% bila tarix fanidan yaxshi natijaga erishib hammani xushnud qildi.

👏 O‘quvchimizning yaxshi natijaga erishishida jonbozlik ko'rsatgan barcha ustozlarimizga va ularning ota-onalariga minnatdorchilik bildiramiz.

Ogahiy ijod maktabi matbuot xizmati

👉Telegram|👉 Facebook|
👉YouTube| 👉 Instagram|

#Hafta_ijodkorlari
#7_ta_iqtidor
#Nazm
#3_kun

Dilimga hamisha bergin hidoyat

Allohim o'zingdan yolg'iz o'tinchim
Iymonimni butun saqlagin faqat.
To'g'ri yo'ldan hech ham adashtirmagin,
Dilimga hamisha bergin hidoyat.

Qalbimga sanchsalar och nayzalarin,
Qilgan yaxshiligin qilsalar minnat.
Shunday payt o'zing bo'l yolg'iz taskinim,
Dilimga hamisha bergin hidoyat.

Ko'ngilning pokligi saodat men-chun,
Har dam pok saqlayin, asli shu niyat.
Shayton vasvasasin yengmog'im uchun
Dilimga hamisha bergin hidoyat.

Bu foniy dunyodir sinovga to'la,
Biz senga bo'laylik munosib ummat.
Sening rizoliging olmog'im uchun
Dilimga hamisha bergin hidoyat...

✍: Boynazarova Muxlisa,
Ogahiy nomidagi ijod maktabining 11-"A" sinf o‘quvchisi

Ogahiy ijod maktabi matbuot xizmati

👉Telegram|👉 Facebook|
👉YouTube| 👉 Instagram|

#Hafta_ijodkorlari
#7_ta_iqtidor
#Nazm
#4_kun

Onamga

( Halima Xudayberdiyeva ijod maktabi o‘quvchisi Sitora Naimjonova she'riga nazira)

"Ona, ko'z yoshlarim bolalab ketdi
Qishloqda qaqragan nigohing qo'msab.
Yuragim dashtida sog'inch o'tlagan, barra o't, barra.
Qo'llaringni qavartirgan, qoraytirgan
tandirdagi olov kabi mehring tusab,
So'lib borar shaharlashgan qizing, qara!"

G'am insonni zumda ulg'aytirarkan,
O'zidanda dardi katta,
Ahdi katta qizing bu kun
Seni o'ksimasin deya yig'lar chetda.
Yaqin ko'rganlarim yoqam tutsalar ham
Bo'htonlar-la qalbim chil-chil etsalar ham
Har gal tinmay ta'na toshin otsalar ham
Lek o'rnidan tura olar qizing qayta.

Ona, faqat sen o'ksima.
Asli bir dardingni o'n qilgan men,
Go'zal yuzlaringga erta ajin tushirgan men,
Necha marta qalbing xira qilgandirmen
Bari uchun umrim bersam, yetmas, ona
Mehring uchun,
Xavotiring uchun,
Azoblaring uchun,
Umring uchun,
Yetmas, ona...

Sen o'ksima faqat
Hali baxtga ko'ngling o'rab,
Seni baxtli qiladirmen!

"Ona ko'z yoshlarim bolalab ketdi..."

✍: Boynazarova Muxlisa,
Ogahiy nomidagi ijod maktabining 11-"A" sinf o‘quvchisi

Ogahiy ijod maktabi matbuot xizmati

👉Telegram|👉 Facebook|
👉YouTube| 👉 Instagram|