#bahor_ilhomlari
#ijod_zavqi

***

Quyosh, sening nurlaring erka,
Bahor, sening taftingni sezdim.
Kuy uyg'onar – egizdir senga,
Vujudimda iliqlik kezdi.

Odamlarning shodligi ortiq,
Bahor, sening mehringdandir bu.
Go‘zal gullar qilding-ku tortiq,
Sening ajib sehringdandir bu.

Gulday qizlar charx urar xandon,
Yigitlarning ko'zlari quvnar.
Bu go'zallik qilar aql lol,
Toza baxtlar qalblarni chulg'ar.

Kamol topar ezgu niyatlar,
Ezgu so'zlar, ezgu amallar.
Bu qadim yurt bahorday totlig'
Uni sevar qutlug‘ odamlar.

✍: Jumanazar Yo‘ldosh,
Ogahiy nomidagi ijod maktabining "Nasr" to‘garagi rahbari

Bizning telegram kanalimiz:
https://t.iss.one/Ogahiy_ijod_Maktabi

#ÒQUVCHILAR_IJODIDAN
#IJOD_ZAVQI

HAQIQATIM

Kulsam kulibman-da bir o'zim uchun,
Armonga ko'may, deb bo'lma hech halak.
Buncha parishonsan, bunchalik nechun?
Aytgin, nima kerak g'amimdan bo'lak?

Tabassum shunchaki bir qiziqishim,
Jiddiy olmoq mushkul balki hayotni.
Ortsin, ortaversin bisyor tashvishim,
Xotirda saqlayman abad bayotni.

Endi beparvoman, ha, sal bexotir,
Ko'ksimga botmaydi endi nafrating.
Balki tark etgancha dilni xavotir
Erish tuyiladi menga hasrating.

Bo'ldi, bas! Sabrimni sinama hayot!
Tutqazay qo'lingga hayot tilsimin.
Endi tortaverar bu daydi xayol
Dilga o'yib yozib bu dardning ismin...

29.03.2022

!:Ro'zmatova Mohinur,
Ogahiy nomidagi ijod maktabining 7-"B" sinf o‘quvchisi

Ogahiy nomidagi ijod maktabi kanaliga ulanish uchun shu yerga bosing
👇👇👇
https://t.iss.one/Ogahiy_ijod_Maktabi