YURTIM BAYROG'I

Cheksiz samo uzra, yuksaklik sari,
Hilpirab, bo'y cho'zsa yurtim bayrog'i.
Zavq bilan ko'z tiksa odamlar bari,
Junbushga keltirar tanam titrog'i.

Faxr-u iftixordan yurak tez urib,
Qinidan chiqqudek bo'lib ayqirar.
Shu parcha mato deb qaddini kerib,
Muzaffar o'g'lonlar nechun hayqirar?

Ko'zidan yosh to'kar er yigitlar ham,
Hislarin jilovlay ola bilmasdan.
Shu holat kim uchun qiladi alam,
Gar qolsa bayrog'i ko'kka ilmasdan.

Asli yurt ishqi bu, yurak parchasi,
Bir bo'lak matomas, g'urur timsoli.
Mehringdan kuch olib xalqing barchasi,
Sevgaylar Vatanni Kubro misoli.

Qo'lini kesmoqqa jazm etdi yog'iy,
Ne bo'lar beparvo, boqmasa qiyo?
Shunchalar muhimmi millat bayrog'i,
Uning egilishi fojiami yo?

Qizil chiziqlaring–ulug' ajdodlar,
Bemavrid to'kilgan qirmizi qoni.
Yuksakka ko'tarsa toki avlodlar,
Doim omon bo'lsin shu aziz joni.

SAIDA SAFO
Ogahiy nomidagi ijod maktabi ona tili va adabiyot fani o‘qituvchisi

Ogahiy ijod maktabi matbuot xizmati

👉Telegram|👉Facebook|
👉YouTube| 👉Instagram‌‌

🇺🇿Rekord darajada kattalikdagi O‘zbekiston bayrog‘i Xorazmga olib kelindi

Bugun, 18-noyabr — O‘zbekiston Respublikasi davlat bayrog‘i qabul qilinganining 33 yilligi munosabati bilan rekord darajada — 100 metr kattalikdagi bayrog‘imiz 14-noyabr kuni Xorazmga keldi.

Bayrog‘imiz bir necha kun davomida Xorazmning Urganch shahri, "Ichan qal'a"si, Buxoro Arki va Samarqanddagi Registon maydonida bir guruh harbiylar, yoshlar va boshqa vatandoshlarimiz qo‘llarida hilpirab, poytaxt tomon harakatlandi.

©️UrDU Matbuot xizmati
🌐 Sayt| Telegram| Facebook|Instagram| in | YouTube

#Bayrogʻim_faxrim
#Ogahiy_ijod_maktabi

🔰Joriy yilning 18-noyabr sanasida Ogahiy nomidagi ijod maktabida O‘zbekiston Respublikasi Davlat bayrog‘i qabul qilinganligining 33 yilligi munosabati bilan "Muqaddasdir vatan bayrog'i" shiori ostida bayramona tadbiri bo'lib o‘tdi.

🔵 Bayram tadbirida maktab direktori vvb Nodirbek Abdullayev so‘zga chiqib, mustaqilligimiz ramzi bo‘lgan bayroq haqida so‘z yuritdi. Barchani ushbu bayram bilan samimiy tabrikladi.

🔸 Shundan so‘ng o‘quvchilar tomonidan bayramga bag‘ishlangan teatrlashgan chiqishlar, o‘z ijodimdan nazm bo‘stoni, harbiylar maydoni, sahna ko‘rinishlar namoyish etildi.

🔹Bayramona tadbir yakunida ma'naviy-ma'rifiy ishlar bo‘yicha direktor o‘rinbosari Boburjon Sadullayev kecha o‘tkazilgan tanlovda munosib ishtirok etgan o‘quvchilarni munosib e'tirof etib o‘tdi. Shundan so‘ng g‘oliblar diplomlar bilan taqdirlandilar.

Ogahiy ijod maktabi matbuot xizmati

👉Telegram|👉Facebook|
👉YouTube| 👉Instagram‌‌