Amir Temur saltanati

⚡️ Bugun oʻzbek milliy romanchiligining asoschisi, publitist, hajv ustasi, tilshunos va tarjimon Abdulla Qodiriy tavallud topgan kun.

✅1894 yil 10 aprelda Toshkent shahrining Eskijoʻva mahallasida tavallud topgan. Adibning otasi Qodirbobo (1820-1924y) xon, beklar qoʻlida sarbozlik qilgan, rus bosqini paytida Toshkent mudofaasida qatnashgan.
✅1904-1906 yillarda boʻlajak adib musulmon maktabida taʼlim oladi.
✅1908-1912 yillarda rus tuzem maktabida, 1916-1917 yilda Abulqosim shayx madrarasida arab va fors tillaridan saboq oladi,
✅1924-1925 yillarda V.YA Bryusov nomidagi Moskva adabiy kurslarida oʻqiydi.
✅1918 yil- eski shahar oziqa qoʻmitasining sarkotibi, 1919 yil - “Oziq ishlari” gazetasi bosh muharriri, 1920 yil- Kasabalar shoʻrosining sarkotibi, 1923-1926 yillarda “Mushtum” jurnali tashkilotchilaridan biri va tahrir hayʼati aʼzosi sifatida faoliyat yuritgan.

Rasmiy sahifalarimiz:
Telegram Facebook

#Abdulla_Qodiriy_tavalludining_129_yilligi

📌Abdulla Qodiriy adib va shoir sifatida 1912 yillarda faoliyatini boshlagan. “Toʻy” “Ahvolimiz”, “Millatimga”, “Fikr aylagil” kabi sheʼrlari “Baxtsiz kuyov” dramasi, “Juvonboz” hikoyasi uning ilk asarlaridir. Qodiriy shunday xotirlaydi: “1913 yilda chiqqan "Padarkush" taʼsirida "Baxtsiz kuyov" degan teatr kitobini yozib yuborgʻanimni oʻzim ham payqamay qoldim (1915 yilda). Yana shu yilda teatrlarda chiqib turgʻon hikoya va roʻmonlarga taqlidan "Juvonboz" otliq hikoyachani yozib noshir topilmagʻonidan, oʻzim nashr qilib yubordim. Nikolay taxtdan yiqilgʻondan keyin oddiy xalq militsiyasiga koʻngilli boʻlib yozildim...”.
🎯Abdulla Qodiriy “Ahvolimiz” sheʼrini 21 yoshida yozgan. Sheʼrda koʻtarilgan muammo oʻzbek xalqi uchun hamon dolzarb. Adibning bu kabi sheʼrlari millatparvarlik, maʼrifatparvarlik ruhida yozilgan boʻlib jadidchilik gʻoyalari bilan sugʻorilgan. Muallif unda millatning zabun holatidan kuyunib soʻzlaydi, uygʻonishga daʼvat etadi, fikrlashga undaydi.
AHVOLIMIZ
Koʻr bizning ahvolimiz, gʻaflatda qanday yotamiz,
Joyi kelgan chogʻida vijdonni pulgʻa sotamiz.
Oʻgʻlimizgʻa na adab, na fan, na yaxshi soʻylamak,
Na xudoni buyrugʻi bulgan ulum oʻrgotamiz.
Korimiz shundan iborat boʻldi ushbu vaqtda,
Oʻntadin bedona boqib yozu qish sayrotamiz.
Hamda har kun takyalarda nasha koʻknori chekib,
Bachchagʻa kokil solib, oh-voh ila oʻynotamiz.
Qarimiz, boyonimiz, balki bu vaqt oqvondamiz,
Nogahon koʻrsak agar bir besoqolni qotamiz.
Oʻrtadan chiqsa agar millatni yaxshi suyguchi,
Biz ani dahriy sanab, toʻfangcha birla otamiz.
Kelingiz yoshlar, ziyolilar bu kun gʻayrat qiling,
Uxlaganlarni agar qodir esak uygʻotamiz.

Rasmiy sahifalarimiz:
Telegram Facebook