ХОРАЗМГА ТАЪЗИМ

Хоразмга бир келганни бахтли атанг,
Келган борки, жамолига тўяверсин!
Хоразмга ким келмаган бўлса, аттанг,
Бу дунёга келмапман деб қўяверсин!

Бунга келар сайёҳларнинг нозик таъби,
Боқсанг, ҳатто шўрхоки ҳам гулзор, чаман.
Эртаклар шаҳрига тушиб қолган каби,
Хоразмга қачон келсам "хазатаман".

Не-не зотлар бу воҳанинг тузин тотган,
Шундан ҳатто тошларига ҳавасим бор.
Ишонинг, шу азиз жойда яшаётган,
Ҳам кекса-ю ёшларига ҳавасим бор.

Шўх қизлари шабодадай шўхликкина,
Келин керак бўлса буён келгин, дўстим.
Истараси жуда иссиқ - кўҳликкина,
Ҳова, деса ҳаволарга тўлар кўксим.

Йигитлари мард, ҳар кунин қилар байрам,
Бири шоир, бири хофиз куйлаб юрар.
Балки раис, ҳатто ҳоким бўлсалар ҳам,
Феъл-атвори Огаҳийга тортиб турар.

Хоразмга келсам, кетгим келмас нари,
Бунда улуғ аждодларнинг келар иси.
Ростин айтай, ал-Хоразмий фарзандлари,
Ер юзида фарзандларнинг энг бахтлиси!

✍Ботиржон ЭРГАШЕВ

@Botirjon_Ergashev

Ўқитувчилар ҳақида:

“Яхши ўқитувчи билан буюк ўқитувчининг фарқи нимада? Яхши ўқитувчи ўқувчисининг қобилиятларини сўнгги чегарасигача ривожлантиради. Буюк ўқитувчи эса бу чегарани бир қарашдаёқ кўра олади”

© Иоганн Гёте,
немис ёзувчиси.



“Ўқитувчи оғир ишларни енгил бажара оладиган кишидир”.

© Ральф Эмерсон,
америкалик ёзувчи



“Ўқитиш икки карра ўрганиш демакдир”.

© Жозеф Жубер,
француз ёзувчиси



_&“Болаларни ўқитиш – зарурий юмуш. Бироқ ўзимиз ҳам улардан ўрганишимиз ғоят фойдали эканини англашимиз керак”__

© Максим Горький



“Муаллимлик санъати ўқувчилар қалбида қизиқиш уйғотиш, сўнг бу талабни қондиришдир”

© Анатоль Франс,
француз ёзувчиси.


“Мен қилган нарсани қайтар”, деган одамдан ҳеч нарса ўргана олмаймиз. Бизнинг ягона чинакам ўқитувчиларимиз “Мен билан бирга бажар”, дейдиган кишилардир”

© Жиль Делез,
француз файласуфи.


“Ўқитувчи учун энг катта шодлик – шогирдини мақташгани”

© Шарлотта Бронте

"Мактабларга пул ишлатмаган давлат, пулини қамоқхоналарга сарфлайди."

© Отто фон Бисмарк