Kambagʻal oila farzandlarining bogʻcha toʻlovi qisman qoplab beriladi

Toyloq va Kosonsoyda “Ilk rivojlanish markazlari” ochilib, kambagʻal oiladagi va nogironligi boʻlgan 4 ming 200 nafar bolaga bogʻcha taʼlimi berildi. Bu haqida Prezident Shavkat Mirziyoyev raisligida ijtimoiy himoya sohasida amalga oshirilgan ishlar va 2025-yildagi ustuvor vazifalar yuzasidan oʻtkazilayotgan videoselektor yigʻilishida ma'lum qilindi.

Viloyat hokimlariga oʻzidagi har bir tumanda bittadan shunday tajribani tashkil qilish topshirildi.

Maktabgacha va maktab taʼlimi vaziri H.Umarovaga 2025-yilda kambagʻallik yuqori 1 mingta mahallada bittadan oilaviy bogʻcha faoliyatini yoʻlga qoʻyish topshirildi.

Yangi yildan oilaviy bogʻcha oʻrinlarini 15 foiziga kambagʻal oila farzandlari qabul qilinadi va bogʻcha toʻlovi qisman qoplab beriladi.

Bogʻcha va maktab yoshidagi nogironligi bor bolalarning taʼlim bilan qamrovi Qashqadaryo, Samarqand, Surxondaryo, Toshkent viloyatida eng pastligi koʻrsatib oʻtildi.

Respublika boʻyicha bunday bolalarni 16,5 mingi maktabga, 17,5 mingi bogʻchaga bormaydi, yana 11 ming bola maxsus maktab-internatlarda ota-onasidan uzoqda oʻqiyapti.

Shuning uchun Ijtimoiy himoya agentligi, MMTV, viloyat hokimlariga 1-fevralgacha har bir tumanda bittadan bogʻchada inklyuziv taʼlim guruhini ochish topshirildi. 1-sentyabrgacha 954 ta maktabda inklyuziv sinf tashkil qilinib, yana 1 ming 800 nafar nogironligi bor bola taʼlim olishi uchun sharoit yaratiladi.

Ijtimoiy himoya agentligiga harakati cheklangan bolalarga maktabga kelib-ketish xarajatini 75 foizini qoplash tizimini joriy qilish topshirildi.

Shuningdek, mental va jismoniy nuqsoni bor bolalarni oʻqitadigan 90 ta maxsus maktabni koʻp funksiyali maktabga aylantirish kerakligi taʼkidlandi. Bu orqali nogironligi bor 2 ming bola ota-onasi bilan yashab, yaqin hududdagi maktabda oʻqish imkoniga ega boʻladi.

Yangi oʻquv yilidan Toshkent shahrida bitta shunday maktab faoliyati yoʻlga qoʻyilib, namuna qilinadi.

@hilola_umarova

“Bu bizning, jamiyatimizning juda katta yutugʻi” – Prezident

Davlatimiz rahbari nogironligi bor bolalar tengdoshlari qatori oddiy maktablarda oʻqishi naqadar muhim ekani haqida gapirdi.

@hilola_umarova

Ogahiyning xalqparvarlik g‘oyalari

Mahmud Zamaxshariy nomidagi viloyat axborot-kutubxona markazida Muhammad Rizo Ogahiy (1809 – 1874) tavalludining 215 yilligiga bag‘ishlab
“Ogahiyning xalqparvarlik g‘oyalari” mavzusida adabiy-badiiy tadbir o‘tkazildi. Markazimiz sektori mudiri Sh.Sodiqova ochib bergan davrada O‘zbekiston Respublikasi Milliy gvardiyasi viloyat Qo‘riqlash boshqarmasi harbiy xizmatchilari, Xiva shahridagi Ogahiy ijod maktabi o‘quvchilari ishtirok etishdi.
Tadbirda davomid Ichki Ishlar Vazirligi Xorazm akademik litseyi
tarix fani katta o'qituvchisi E.Matyaqubov Ogahiy hayoti va ijodi bo‘yicha olib borayotgan ilmiy ishi haqida gapirdi. Markazimiz xizmati rahbari, O‘zbekiston Yozuvchilar uyushmasi a'zosi, taniqli yozuvchi Sh.Matkarimov, Milliy gvardiya viloyat Qo‘riqlash boshqarmasi bo‘linmasi boshlig‘i O.Komiljonov, Urganch Davlat pedagogika instituti o‘qituvchisi Z.Asqarova o‘zbek mumtoz adabiyotining taniqli namoyondasi Erniyozbek o‘g‘li Ogahiy lirikasi, uning tarixiy asarlari, tarjimalari, davlat arbobi sifatidagi faoliyati to‘g‘risida atroflicha so‘z yuritdilar. Ichki Ishlar akademik litseyi o‘quvchilari Ogahiy hayoti va ijodini rus va ingliz tillarida so‘zlab berdilar. Ogahiy ijod maktabi o‘quvchilari, pedagogika instituti talabalari Ogahiy ijodidan namunalar o‘qidilar. Shoir g‘azallarini maromiga yetkazib o‘qigan ijod maktabi o‘quvchilari Milliy gvardiya viloyat Qo‘riqlash boshqarmasi tomonidan “Tashakkurnoma” bilan taqdirlandilar.