Davlatimiz rahbari 1-oktabr – Oʻqituvchi va murabbiylar kuni munosabati bilan oʻqituvchi va murabbiylar bilan muloqot qilgan edi.

Muloqotda Prezidentimiz “Yil oʻqituvchisi” tanlovi oʻtkazilib, 208 ta tuman va shahardan gʻolib boʻlgan oʻqituvchilarga sovgʻa sifatida uy-joy berilishini eʼlon qilgan va bu xabarni soha xodimlari katta xursandchilik bilan kutib olgan edi. Oldimizda ushbu tanlovni shaffof, adolatli oʻtkazish vazifasi turibdi. Shu sabab bizga jamoatchilik, ayniqsa hurmatli pedagoglarimiz fikr, takliflarini eshitish muhim.

Tanlov qanday boʻlishi kerak, adolatli boʻlishi uchun qanday jihatlarga eʼtibor berish kerak, ishtirokchilar qaysi mezonlar asosida baholanishi lozim? Takliflaringizni @uzedu_vazirbot manziliga yuboring.

Biz uchun har bir fikr, taklif qadrli.

@hilola_umarova

***
Bulutlar visoli – yashindan
Tabiat tahlikada turarmish.
Kiftiga kamalak yashirgan –
Joniga shu oro kirarmish.
Shu mening ishonchim oshirgan,
Shu meni qaytadan qurarmish,
Muhabbat o‘ldirar ehtimol,
               umid – tiriltirarmish.

Voz kecha olmay qish bahordan,
Qor yog‘ar Navro‘zga tevarak.
Daraxtlar jontalash mahalda
Novdada nish urar bir kurtak.
Shul ilinj uyg‘otar saharda,
Shul ishonch qonimni yugurtar,
Muhabbat o‘ldirsa agarda,
                  umid – tiriltirarmish.

Kun va tun uchrashar shafaqda.
Yurakning rangi bu ufq – ol!
Kuntalosh tarqagach, falakda
Yulduzlar ko‘z ochar bezavol.
Shu basdir bir joni halakka,
Shu qadar bo‘lur-da hasbi hol,
Muhabbat o‘ldirar ehtimol,
                  umid – tiriltirarmish.

Abrda akobir tomchilar
Chilparchin – zaminning poyida.
Men senga inondim, tabiat,
Tomchini qaytargin joyiga!
O‘zingni mahkam tut, guldirak,
Yolg‘onchi qilmag‘il, Ona yer,
Husningdan iqtibos keltirib,
Yorga dil yorgali imkon ber!

Ko‘zlari bahorim, yurakni
Shahiddek ovutdim, ingradi.
Sel bo‘lgan yakunim kerakmi,
Nahotki kerakmas unmagim?
So‘ngso‘zim ohorlab falakni,
Bir qo‘shiq kuylayin, tinglagin:
Muhabbat o‘ldirar ehtimol,
Muhabbat o‘ldirar ehtimol,
Muhabbat o‘ldirar ehtimol,
                  umid – tiriltirarmish!

© Shavkat Doʻstmuhammad
@katarsis_kundalik

#Zakovat
#Uchrashuv

🔰 Joriy yilning 24-oktabr sanasida Ogahiy nomidagi ijod maktabining "Iste'dodlar markazi" da "Zakovat intellektual klubi" NNT Xorazm viloyati koordinatori, "Shuhrat" medali sohibi Azamat Matkarimov bilan uchrashuv bo‘lib o‘tdi.

💠 Uchrashuvni maktab direktor v.v.b Nodirbek Abdullayev ochib berdi va intellektual o‘yinlarning ahamiyati haqida fikr-mulohazalarini bildirib o‘tdi.

🔹 Azamat Matkarimov uchrashuv davomida yaqindagina ixtisoslashtirilgan ta'lim muassasalari agentligi tomonidan o‘tkazilgan "Zakovat" respublika bellashuvida munosib ishtirok etgan "Ogahiy" terma jamoasi haqida, ular ko‘rsatgan mardonavor o‘yin tavsilotlaridan so‘z yuritdi.

Shuningdek, respublikadagi bellashuvga jamoa murabbiyi sifatida boshlab borgan maktabning ma'naviy-ma'rifiy ishlar bo‘yicha direktor o‘rinbosari Boburjon Sa'dullayev ham unutilmas o‘yin oxirigacha hayajonli o‘tganini ta'kidladi.

Uchrashuv yakunida
“Zakovat intellektual klubi” NNT prezidenti Abdurasul Abdullayev tomonidan yuborilgan maxsus diplomlar o‘quvchilarga topshirildi.

Ogahiy ijod maktabi matbuot xizmati

👉Telegram|👉 Facebook|
👉YouTube| 👉 Instagram‌‌