***

Orzularim mo‘l edi...
Afsus, yoshlar ko‘l endi.
Menga umidlar bergan –
Qalblar bo‘ldi ko‘r endi.
Yengdi g'amlar zo‘r endi,
Yashash ham bazo'r endi!
Men – mehmoni dunyoning
Davram bo‘lgan to‘r endi.

Peshonalar sho'r endi,
Menga – g'arib yo'l endi.
Yuragimga iliqlik
Berdi hasrat – qo'r endi.
Ne qilardim men sho'rlik,
"G'amginangga ko'n, endi!"
Sof, osuda tuyg‘ular –
Joyi bo'lgan go'r endi...

Orzularim mo'l edi...


✍Jumanazar Yo'ldosh, Ogahiy nomidagi ijod maktabi tarbiyachi-pedagogi, yozuvchi, shoir

🌈 Bizni ijtimoiy tarmoqlardagi sahifalarimiz

👉Telegram|👉 Facebook|
👉YouTube| 👉 Instagram‌‌

@Jumanazar_Yuldash