#Taqdirlash_marosimi
#Jarayon

❇️ Kreativ  o‘quvchi-yoshlar uchun uning tarovati, o‘ziga xos o‘zgacha manzaralarni noodatiy tarzda namoyish etishlariga imkon yaratish maqsadida joriy yilning 1-dekabr sanasida Ogahiy nomidagi ijod maktabi tomonidan o‘tkazilgan "Kuz ilhomlari" nomli fototanlovning g'oliblarini taqdirlash marosimi bo‘lib o‘tdi.

🔹 Marosimda maktab direktori Sarvar Abdullayev tanlov juda o‘zgacha va kutilmagan yangiliklarga boy tarzda o‘tganini, o‘quvchilar tanlovda ancha faol ishtirok etganini alohida e'tirof qilib o‘tdi.

➡️ Shundan so‘ng munosib g‘oliblar e'tirof qilindi. Unga ko‘ra

ENG YAXSHI MANZARA
🥇Yo‘ldosheva Durdona 10-"A" sinf o‘quvchisi
🥈Shomurodova Mavluda 10-"B" sinf o‘quvchisi
🥉Maqsudova Anora 7-"A" sinf o‘quvchisi

ENG YAXSHI OILAVIY FOTO
🥇Rahmonova Zahro 9-"A" sinf o‘quvchisi
🥈Odamboyeva Dilnoza 8-"A" sinf o‘quvchisi
🥉Baxtiyorova Jasmina 10-"A" sinf o‘quvchisi

ENG FAOL SINF
🥇7-"B" sinf jamoasi
🥈10-"A" sinf jamoasi
🥉9-"A" sinf jamoasi

🔸 G‘oliblar diplom va esdalik sovg‘alari bilan taqdirlandi.

Ogahiy ijod maktabi matbuot xizmati

👉Telegram|👉 Facebook|
👉YouTube| 👉 Instagram‌‌

#Fan_olimpiada
#Taqdirlash

🔰 Joriy yilning 1-dekabr sanasida Ogahiy nomidagi ijod maktabida fan olimpiadasining III (viloyat) bosqichi g‘oliblari hamda ularning o‘qituvchilarini taqdirlash marosimi bo‘lib o‘tdi.

🔸 Maktab direktori Sarvar Abdullayev tomonidan e'tirof qilingan va barchani shodlantirgan xushxabar sababchilari maktabning ustoz va o‘quvchilarni samimiy qutlab o‘tdi. Shundan so‘ng viloyatimizda ham e'tirof qilingan bir qator ustozlar ona tili va adabiyot fani o‘qituvchilari Madina Matyoqubova, Barno Yusupova, Saidova Inobat va ingiliz tili fani o‘qituvchisi Xajaniyazova Aksanalar Tashakkurnoma bilan taqdirlandi.

Shundan so‘ng bir qator o‘quvchilarimiz
➖ ona tili va adabiyot fanidan  1-o‘rinni egallagan 9-"B" sinf o‘quvchisi Aminboyeva Nafisa

➖ ingliz tili fanidan 2-o‘rinni egallagan 10-"B" sinf o‘quvchisi Yangiboyeva Nurhayot

➖ ona tili va adabiyot fanidan 3-o‘rinni egallagan 9-"B" sinf o‘quvchisi To‘liboyeva Mohinurlarga diplom va esdalik sovg‘alari topshirildi.

🔹Ushbu jarayonlarni kuzatib o‘tirgan o‘quvchilarimiz g‘oliblarni ko‘rib "men ham keyingi yil bo‘lib o‘tadigan fan olimpiadalariga hozirdanoq tayyorlagarlikni boshlayman" deb maqsad qilgan bo‘lsalar ne ajab.

Ogahiy ijod maktabi matbuot xizmati

👉Telegram|👉 Facebook|
👉YouTube| 👉 Instagram‌‌

#Tanlovga
#Nazm

Ogahiyga ehtirom
12-ISHTIROKCHI

         Xorazm dilbandi

Ijod mangu umr ko‘rsin dunyoda,
Ijodsiz dunyo ham bo‘lar jahannam.
San'atsevar insonga xalq duoda
San'atni bilganga har kuni bayram.

Ogahiy ham shundayin yetuk insondir,
Uning qalamiga ojiz xofizlar.
Barcha shoirlarni eslasam bir-bir
Ogahiy nomiga urg‘u o‘zgarar.

Sheriyat qalbiga homiylik qilib,
Ulug‘ xonlarning uzoq tarixin bitgan.
Mirob bo‘lib, elga suv berib,
Ham olqish-u ham, duolar olgan.

Ruhidan har yurak oladi madad,
Biz tirikmiz demak Ogahiy hayot,
U yaratgan asar o‘lmas, bebaho
Qalblarda cheksizdir ehtirom, hurmat.

✍: Farangiz Qadamboyeva,
Yangiariq tuman 5-son maktabning 8-"B" sinf o‘quvchisi

https://t.iss.one/Ogahiy_ijod_Maktabi

#Tanlovga
#Nazm

Ogahiyga ehtirom
13-ISHTIROKCHI

Ogahiyga ehtirom

Ko‘hna diyorimning asl farzandi,
Avlodlarga faxr bergan bobomsiz.
O‘zbek she‘riyatin eng zabardasti,
Tarixning qaymog‘i bo‘lgan bobomsiz.

Iqbol bog‘in siz asl bog‘boni,
Go‘zal she‘riyatda umringiz yashar.
Xiva xonlarining asl tarixi,
Saodat bog‘ida to‘liq
aks etar.

Hayotni sevdingiz,tinmay
izlanib,
Sultonlik voqeasin yozdingiz jamlab.
"Haft paykar","Guliston",
"Shoh-u gado"lar,
Asl muxlislarin topdi
siz sabab.

Jomiy bobom yozgan
"Yusuf Zulayho",
Tillarda doston bo‘lgan
sevgi sadosi.
Siz o‘girgan satrlarda
bo‘ldi eng yorqin,
O‘qiganlar bo‘ldilar
asar shaydosi.

So‘zning sehri bor deb
aytmish donolar,
Balki ,siz o‘zingiz
mohir sehrgar.
Ming jilva,ming xirom
ila o‘ynaydi,
Sizning tilingizda
jamiki so‘zlar.

Komiljon, Hojixon, Og‘abek
hofiz,
Tillarida yana hayot bo‘ldingiz.
Tog‘lar yemrilar,toshlar
yo‘qolar,
Lek mangu yashar
har bir so‘zingiz.

Madhingiz kuylashga
ojiz qalamim,
Yozmay turmoq
o‘zimga mosmas.
Axir bir qizingizman
men ham,
Hissamni qo‘shmaslik
aslo mumkinmas.

Yillar shamoldek o‘tib ketarlar,
Kun botib bir zumda
tong ham otadi.
Siz yozgan satrlar
abadiy yashab,
Yil sayin ,kun sayin
qadri ortadi.

Yashayvering qalblarda
har doim,
U yerda siz uchun
eng aziz makon.
She‘riyatni sevgan
har bir she‘rxonning,
Yuragida yashaysiz
har soat,har on.

✍ Yuldasheva Gulnora,
Xonqa tuman 14-son maktabning ona tili va adabiyot fani o‘qituvchisi

https://t.iss.one/Ogahiy_ijod_Maktabi

#Tanlovga
#Nazm

Ogahiyga ehtirom
14-ISHTIROKCHI

Ogahiyning izlarin izlab

Qiyot tuprog'iga qo'ysam gar qadam,
Bobom izlarini izlayveraman.
Ular ekkan tutni ziyorat qilib,
Atrofin aylanib bo'zlayveraman.

Ruhimga ruhlari ko'chib boradi,
Vujudim oralab shirin bir titroq.
Bobom hayotidan shivirlab so'zlar,
Oqtut butog'ida har bitta yaproq.

Uy muzeyi tomon buraman yuzim,
Ko'zim qarog'ida qalqib borar yosh.
Nahot shu uylarda yashagan bo'lsa,
Ijod osmonida nur sochgan quyosh.

Ariq bo'ylariga chopar hislarim,
Suv yoqalab yurgan izlarin qo'msab.
Maysalar qo'limga tutqazar qog'oz,
Ogahiy bobomni suratin yasab.

Ijod maskaniga shoshib boraman,
Menga tutqich bermas hayollar bilan.
Ogahiy izdoshi bo'lmoq orzusi,
Qiynaydi,ming bitta savollar bilan.

O'ylayman ularga munosib izdosh,
Bo'lmoq baxti menga nasib qilarmi?
Kuni kelib bir kun shoira qizing,
Osmonning toqiga durlar ilarmi?

Tarixshunos olim hamda tarjimon,
Ezgulikka da'vat qilgan shohlarni.
Har bir ko'chatiga mehrini bergan,
Navoiy bobomiz kezgan bog'larni.

Ogahiy yaratgan har bitta asar,
Kelajak avlodga manguga mayoq.
Zulmatli tunlarni nurafshon aylar,
Xorazm elida u yoqqan chiroq.

"Riyoz ud-davla"ni òqir ekanman,
Xiva tarixiga solaman razm.
Qon to‘kib jon kechgan ajdodlar haqqi,
Bugun baxt nuriga cho‘mgan Xorazm.

Inja tuyg'ularim oqqa ko'chguncha,
Ko'z yoshim siyoh-u,kiprigim qalam.
Nurli sukunatga singib ketadi,
Mitti yuragimga sig'magan olam.

✍Yuldasheva Asalxon
Xorazm viloyati Urganch tumanidagi 7-sonli maktabning 10-A-sinf o‘quvchisi.

https://t.iss.one/Ogahiy_ijod_Maktabi

#Tanlovga
#Taqdimot

Ogahiy g‘azallarining mohir ijrochisi
3-ISHTIROKCHI

🎬: Madrahimova Gulasal,
Xiva shahar 1-son ixtisoslashtirilgan maktab-internati 9-sinf o'quvchisi

https://t.iss.one/Ogahiy_ijod_Maktabi

#Tanlovga
#Nazm

Ogahiyga ehtirom
15-ISHTIROKCHI

Ey ko‘ngul, hijron  dog‘i tushdi mani yosh boshima,
G‘amzala bir sarvinoz nozanin keldi qoshima .
 
Ishq mayin tutdi masih , xiromon aylab qaddini,
Tashnalikdan to‘ldi qalb daryosi selob yoshima.
 
Dilni xufton ayladi xo‘b, gul sifat so‘lg‘on yuzim,
Do‘st-u ag‘yor hasaddin og‘ular soldi oshima.
 
Ahli bashar dedikim: “Olam ko‘rmadi oncha ishq!”
Tangri nasib ayladi, chin muhabbat yo‘ldoshima.
 
Ming sitam, ohlar chekib o‘z so‘zin bitmish Nasiba,
Ey, Ogahiy nurli yo‘l ko‘rsat avlod – izdoshima.

✍ Avazova Nasiba,
Yangibozor tumanidagi 17-sonli maktabning ona tili va adabiyot fani o'qituvchisi

https://t.iss.one/Ogahiy_ijod_Maktabi