#MUNOSABAT

❕ Bugun kun.uz nashri orqali Toshkent shahar Shayxontohur tumani Labzak ko‘chasida qurilgan yangi 10 qavatli uyning tom qismida qo‘shimcha uy qurilganligi bo'yicha e'lon qilingan maqola yuzasidan quyidagilarni ma’lum qilamiz:

Maqolada keltirilgan holat bo'yicha joriy yil 10-iyul kuni Qurilish va uy-joy kommunal xo‘jaligi sohasida nazorat qilish inspeksiya mutaxassislari tomonidan yuqorida keltirilgan manzil o’rganilgan va 96-xonadon mulkdori kadastr hujjatlarida mavjud bo‘lgan mansardaning yon qismiga o‘zboshimchalik bilan qo‘shimcha qurilma qurib olganligi aniqlangan.
Ushbu o‘zboshimchalik bilan qurilgan qurilmaga nisbatan inspeksiya tomonidan o’z vakolati doirasida fuqaroga 15 kun muddat ichida, ya’ni 25-iyul kuniga qadar bartaraf etish bo‘yicha majburiy ko‘rsatma berilgan. Shuningdek, O‘zbekiston Respublikasi MJtKning 159-moddasiga asosan ma’muriy jarima qo‘llanilgan. Ta’kidlash lozimki, mazkur o‘zboshimchalik bilan qurilgan qurilmaga nisbatan Inspeksiya mutaxassislari tomonidan qonunda belgilangan vakolatlar doirasida chora ko‘rilgan. Tartibga ko’ra belgilangan majburiy ko‘rsatma talablari fuqaro tomonidan bajarilmagan taqdirda Fuqarolik ishlari bo‘yicha sudga majburiy tartibda bartaraf etish to‘g‘risida da’vo arizasi kiritiladi.

🔤 Maqolada keltirilgan ikkinchi masalaga to’xtaladigan bo’lsak, joriy yilning 9-fevral kuni Toshkent shahar Yangihayot tumani “Yangi turmush” MFY Tursunzoda ko‘chasi 10-ko‘p kvartirali uyning 88-xonadon mulkdori tomonidan qonun hujjatlariga zid ravishda tegishli tashkilotlarning ruxsatisiz ko‘p qavatli uyning tom qismidagi ochiq ayvonga o‘zboshimchalik bilan qurilgan og‘ir turdagi qurilma aniqlangan.

Toshkent shahar hududiy inspeksiya mutaxassislari tomonidan o‘zboshimchalik bilan qurilgan og‘ir turdagi qurilmaga nisbatan fuqaroga tegishli tartibda ma’muriy bayonnoma rasmiylashtirgan va bartaraf qilish, avvalgi holatiga qaytarish to‘g‘risida bajarilishi majburiy bo‘lgan ko‘rsatma berilgan, biroq fuqaro tomonidan bartaraf qilinmagan. Inspeksiya o‘z vakolati doirasida o‘zboshimchalik bilan qurilgan og‘ir turdagi qurilmani bartaraf etish chorasi sifatida 2023-yil 28-mart kuni Toshkent shahar Yakkasaroy tumanlararo sudiga da’vo arizasini kiritgan.

Toshkent shahar Yakkasaroy tumanlararo sudining 2023-yil 4-may kuni 2-1005-2310/5395 - sonli hal qiluv qaroriga asosan ko‘p qavatli uyning tom qismidagi ochiq ayvon qismiga o‘zboshimchalik bilan qurilgan og‘ir turdagi qurilmani bartaraf qilish va avvalgi holatiga qaytarish to‘g‘risidagi da’vo arizasi qanoatlantirildi. Ma’lumki, sudning hal qiluv qarorini ijrosini ta’minlash Majburiy ijro byurosi tomonidan amalga oshiriladi.

Shu o'rinda Qurilish va uy-joy kommunal xo’jaligi vazirligi axborot xizmati maqola mualliflari bilan bo’lgan suhbat davomida ikki holatga doir ochiqlash mumkin bo’lgan ma’lumotlarni taqdim qilganligini ta’kidlaymiz. Mualliflarning mamlakatimizda noqonuniy qurilmalar muammosiga befarq bo’lmaganliklarini alohida e’tirof etgan holda aholi tomonidan bunday qoidabuzarliklar juda ko’p amalga oshirilayotganligini va bu muammoni bartaraf etishda barcha daxldor vakolatli tashkilotlarning majburiyatlari borligini eslatib o'tamiz.

Rasmiy sahifalarimizga a'zo bo'ling👇
|Web| Instagram|Facebook|Telegram| Youtube|

#MUNOSABAT

🔴 Andijon viloyati Qurilish va uy-joy kommunal xoʻjaligi sohasida hududiy nazorat qilish inspeksiyasi viloyatning Izboskan tumani Mirzo Ulugʻbek MFY hududida “Izzatbek savdo kapital” MCHJ tomonidan qurilayotgan koʻp qavatli turar-joy binolari boyicha ijtimoiy tarmoqlarda tarqalgan  holat yuzasidan quyidagilarni maʼlum qiladi:

Izboskan tuman hokimining 2019-yil 25-noyabrdagi qaroriga asosan tuman Qurilish boʻlimining Arxitektura rejalashtirish topshirigʻi ishlab chiqilgan. Loyiha tashkiloti  tomonidan 7 ta 5 qavatli jami 140 xonadonli turar-joy binolarining loyiha-smeta hujjatlari ishlab chiqilib, "Davlat ekspertiza sinov” XK tomonidan  ijobiy xulosa berilgan. Obyekt 2020-yil 15-iyulda  inspeksiya roʻyxatidan oʻtkazilgan.

2020-yil 9-oktabrdagi Qurilishi (rekonstruksiyasi) tugallangan bino va inshootlarni foydalanishga qabul qilish (yakka tartibda uy-joy qurish obyekti boʻlmagan obyekt uchun) boʻyicha ariza raqami bilan qilingan murojaat, maʼmuriy reglament asosida inspeksiya tomonidan koʻrib chiqilgan va 1 ta 5 qavatli 20 xonadonda iborat turar-joy binosi uchun  foydalanishga qabul qilish dalolatnomasi rasmiylashtirilgan.

Bugungi kunda ushbu qurilish obyekti hududida 4 ta 5 qavatli turar-joy binolarida qurilish-montaj ishlari davom etmoqda.
Jumladan, 2 - va 3-uyning tomi yopilib, yoʻlagi pardozlangan, xonadon eshiklari va deraza romlari oʻrnatilgan, ichki pardozlash, elektromontaj, santexnika ishlari bajarilmoqda/ 4-uyning 4-qavatida devor tiklash ishlari amalga oshirilmoqda/ 5-uyning poydevorosti beton tayyorgarlik ishlari bajarilgan holda toʻxtab qolgan. 6- va 7-uylarda qurilish ishlari hali boshlanmagan.

Murojaatda koʻrsatib oʻtilgan masalalar yuzasidan tegishliligi boʻyicha hududiy inspeksiya tomonidan pudratchi tashkilotga yozma koʻrsatma berilib, ijrosi belgilangan tartibda nazoratga olindi.

Rasmiy sahifalarimizga a'zo bo'ling 👇
|Web| Instagram|Facebook|Telegram|