Янги йил арафасида фарзандларига байрам совғасини улашиш учун ота ўз қайнонасига телефон қилди.

Янги йил кириб келишига саноқли кунлар қолди. Янги йил кўпчилик катталар ва болаларнинг энг севимли байрамларидан биридир.

Одамлар дўстлари ва оиласи учун совға излашга тушади, байрам куни учун энг чиройли либосларни танлайди ва байрам дастурхони таомномаси ҳақида бош қотиради.

Фарғона шаҳрида яшовчи Насибахон опа ҳам икки нафар набиралари учун Янги йилни кўнгилдай кутиб олиш, набираларига бахт улашиш ниятида МИБ Фарғона шаҳар бўлимига йўл олди, чунки унга Фарғона шаҳар бўлими давлат ижрочиси қўнғироқ қилиб, уларга Қорбобо(яни собиқ куёви Шавкатжон) совға олиб келгани ҳақида хабар берган эди.

Насибахон опанинг қизи Нозимахон ва Шавкатжонлар анчадан буён бирга яшашмас эди, шу сабабли Фуқаролик ишлари бўйича Фарғона туманлараро судининг суд буйруғига асосан 2 нафар фарзандларининг моддий таъминоти учун 1/3 қисм миқдорида алимент ундириш белгиланган бўлиб, Шавкатжондан ундириш чоралари кўрилди ва ижро ҳаракатлари олиб борилди.

Натижада “Қорбобо” болажонларнинг қувончи учун 61 млн. 843 минг сўм миқдорида алиментдан бўлган қарздорлик пулларини ишончли вакили бўлган қайнонасига тўлаб берди .

Ана энди Насибахон опа Янги йилни бошқача кайфиятда кутиб оладиган бўлди.