Нигора Алимова

682 viewsНигор Алим Хан, 11:23

#Repost Шароит қилиб берса бир кун ҳам қолмайман!

Республикадаги мавжуд вилоят, туман ҳокимлари, Тошкент Қўйлиқ мардикор Аёллар ишлайдиган жойга келиб, бу ердаги Аёллар билан суҳбатлашиб, сарсон Аёллар нидосини амалий эшитиб ёрдам беринглар.

Сурхондарё вилоятиданман, 4 сотих ер сўраганман, кимга мурожаат қилишни билмаганман, икки болам бор, ота онамга ташлаб Тошкентда тирикчилик қилиб пул топиб, уйга жўнатиб, ижорада яшаб келмоқдаман, ҳар доим ҳам кунлик иш бўлмайди, энг камида 30 минг сўмлик ишга ҳам розимиз, пул ишласак бўлди, агар ўзим яшаб юрган Сурхондарёда 2 миллион сўмлик иш бўлса, болаларим бағрига кетиб, ортиқ, сарсон бўлиб бу ерларда юрмас эдим, иш йўқ, иш бўлса ҳам ойлик паст, нима қилай ўзга чорам йўқ, деб, бир Аёл ўз ҳақиқатини айтди.

Иккинчиси ҳам шундай, ер сўрасам бермади, Сирдарёданман, ер берса уй қуриб, ўзимни ўзим эплаб яшардим, лекин ўзим яшаётган худудда буни имкони бўлмаганидан шу мардикор бозорда қийналиб ишлаб ижорада базур яшаб келмоқдаман, агар ер берса кетардим тўғриси, бундай сарғайиб яшаш жонимга тегди.

Наманган вилояти Норин туманиданман, иш йўқ, иш бўлса ҳам ойлик паст, 1.5 миллионлик иш бўлса бир боламни бемалол боқиб катта қилиб яшашимга етади, иш топиб беринг, кетай шу пойтахтдан...

Кўп Аёллар ёлғиз Оналар.

Эридан безиб пойтахтга қочган Аёллар.

Ўз уйидан, ўз яшаб юрган юртидаги эътиборсизликдан, ишсизликдан, уйсизликдан, адолатсизликдан, жойлардаги раҳбарларнинг лоқайдликларидан безиб, кўнгли қолиб пойтахтдан қайсидир маънода паноҳ топган юртдошларимиз...

Айримлари фарзандлари билан турганини кўриб кўнглим оғриди Ҳурматли Президент Шавкат Мирзиёев - Shavkat Mirziyoyev.

Бу ерга жуда кўп раҳбарлар келиб кетаверар экан.

Натижа эса ноль.

Ҳар сафар ТВ, қанақадир раҳбар, қанақадир сенат келади, гапириб, расмга тушиб, у дейди, бу дейди, натижа йўқ, ишонч ҳам қолмади, дейишди.

Кўп Аёллар хаётнинг қийинчиликларидан, ўзлари ёш бўлсада қариб кетганлар.

Эркак Аёл бир.

Айрим эркаклар эса маст ҳолатда, устилари кир, қаровсиз, соч соқоллари олинмаган, ювинмаган...

Кўплари мани кўриб видеога олгани келди, деб, қочиб кетди..., кейин эса аста секин ёнимга келиб, нимага келганимни сўраб суҳбатлашиб кетишди.

Аёллар безиб кетган раҳбарларнинг самарасиз келиб кетишидан.

Илтимос сенатдан тортиб бошқа масъуллар, бундай самарасиз пиар учун бу инсонларни дилини оғритиб келманг!!!

Президент Fb.com/Mirziyoyev имкон бор, вилоят ҳокимлари, туман ҳокимлари, вилоят ва туман хотин қизлар масъуллари Тошкент Қўйлиқ мардикор аёллар бозорига келиб ўз фуқаролари билан кўришсин, суҳбатлашсин, муаммоларни ўрганишсин, ва кўпларини ўз уйларига олиб кетишсин, сўраган, айтаётган ишларини жойида ҳал қилиб ўз фуқароларини рози қилишсин.

Ҳурматли Шавкат Мирзиёев, Тошкент Қўйлиқ мардикор бозорига келиб қайси худуддаги раҳбарлар қандай ишлаётганини гувоҳи бўлишингиз мумкин ва ўша раҳбарга қаттиқ чора кўрсангиз адолатли булади.

Шароит қилиб берса бир кун ҳам қолмайман, деганлар кўп.

Шу ўринда мардикор аёллар бозорида бир неча ииб ходимларини кўрдим, улар ўз навбатида тартиб сақлашда фаол, атрофдаги инсонларга инсоний эътиборда эканликларини кўрдим.

16.04.2021 йил Тошкент Қўйлиқ мардикор аёллар бозори.

https://t.iss.one/Nigora_Alimova

Facebook

See posts, photos and more on Facebook.

697 viewsНигор Алим Хан, 11:23