Bugun yigitlarimiz xitoylik shaxmatchilarga qarshi dona surishadi. Xitoy term jamoasi juda tajribali va intizomli jamoa, lekin ular ham hindistonlik shaxmatchilarga imkoniyatni boy berishdi. Ayniqsa, birinchi doskada o'ynagan Wei Yeining Gukesh Dommarajuga mag'lub bo'lgani umuman ortiqcha bo'ldi.

Bugun ham bizga oson bo'lmaydi. Yigitlar uchun katta sinov, faqat g'alaba kerak bizga. Shubhasiz, Xitoy bilan g'alabaga o'ynashning o'zi katta bosim, ammo boshqa imkoniyatimiz yo'q. Faqat g'alaba bizni qoniqtiradi.

Shu o'rinda shaxmat muxlislarining, yigitlarimizga, qizlarimizga ishongan har bir o'zbekistonlikning mehri va sabrini e'tirof etmaslikning ilojisi yo'q. Bir muncha vaqt oldin, "o'zbek shaxmatida jonli efirning ko'rishlar soni 200 mingdan oshadi desa" hatto tasavvur ham qila olmasdim. Lekin kecha muxlislar bu natijani ro'yobga chiqarishdi. Bu o'zbek shaxmat uchun katta voqeilik. Shaxmatni xalqimiz, ayniqsa yoshlarimiz o'rtasida ommalashayotganing isboti. Bu yo'lda mehnat qilayotgan OAV vakillari, ayniqsa joylardagi mahalla yetakchilari mehnatini aytib o'tmasam bo'lmasdi.

Bu jabhada mehnat qilayotgan @uzchesss jamoasining mehnatlarini alohida ta'kidlab o'tishim zarur. Jamoa a'zolari kechayu-kunduz shaxmat ixlosmandlari uchun kontent yaratishdan to'xtaganlari yo'q, ayniqsa Bobur Sattorov hamda Baxtiyor Jumayevlar shaxmat strimerlari uchun ustoz, kuzatuvchilar uchun haqiqiy shaxmat kumirlariga, jonkuyarlariga aylanib ulgurishdi. Loyiha rahbari Ulug'bek Ismatov o'z atrofiga to'plagan yosh va iqtidorli jamoa global chaqiriqlarga ham tayyor. Ularning kelajakdagi faoliyatlariga ham omadlar tilab qolaman.

Bugun ham shaxmatchi yigit qizlarimizni chin qalbdan qo'llab-quvvatlashingizga ishonib qolaman @uzchesss