•
﴿ لَّا تَجْعَلُوا دُعَاءَ الرَّسُولِ بَيْنَكُمْ كَدُعَاءِ بَعْضِكُم بَعْضًا ۚ قَدْ يَعْلَمُ اللَّهُ الَّذِينَ يَتَسَلَّلُونَ مِنكُمْ لِوَاذًا ۚ فَلْيَحْذَرِ الَّذِينَ يُخَالِفُونَ عَنْ أَمْرِهِ أَن تُصِيبَهُمْ فِتْنَةٌ أَوْ يُصِيبَهُمْ عَذَابٌ أَلِيمٌ﴾ [ سورة النور: 63]
+ ﴿ أَلَا إِنَّ لِلَّهِ مَا فِي السَّمَاوَاتِ وَالْأَرْضِ ۖ قَدْ يَعْلَمُ مَا أَنتُمْ عَلَيْهِ وَيَوْمَ يُرْجَعُونَ إِلَيْهِ فَيُنَبِّئُهُم بِمَا عَمِلُوا ۗ وَاللَّهُ بِكُلِّ شَيْءٍ عَلِيمٌ﴾ [ سورة النور: 64]

🍃 عندما تتأمل قول الله تعالى (فَلْيَحْذَرِ الَّذِينَ يُخَالِفُونَ عَنْ أَمْرِهِ أَن تُصِيبَهُمْ فِتْنَةٌ أَوْ يُصِيبَهُمْ عَذَابٌ أَلِيمٌ) ثم قوله تعالى (أَلَا إِنَّ لِلَّهِ مَا فِي السَّمَاوَاتِ وَالْأَرْضِ) يستقر في وجدانك معنىً جلياً:

لا تخالف أمر الله وأمر رسوله لأجل شيء من الدنيا أو هروباً من التكاليف التعبدية، فإن من تخالفه بيده ما تريد ويملك خزائن ما خالفته لأجله، فإياك والغفلة وإياك ومعصيته!

قال صلى الله عليه وسلم " من التمس رِضا اللهِ بسخَطِ الناسِ ؛ رضِيَ اللهُ عنه ، وأرْضى عنه الناسَ ، ومن التَمس رضا الناسِ بسخَطِ اللهِ ، سخِط اللهُ عليه ، وأسخَط عليه الناسَ" (صحيح لغيره)

وقالوا: قلب من تحب بيد من عصيت، والله قادر أن يقلبه عليك.. فاختصر على نفسك المسافات واحفظ نفسك من البلاءات وإياك ومخالفة أمره مهما كانت الضغوط والمُلِحات وضغط الاحتياجات!
•

•
⛔️ الفترة الجاية صعبة، بس مش مادياً..
علشان احنا بناكل وبنشرب من عند الله عز وجل؛ مش من المرتب ولا الوظيفة..
لكنها صعبة إيمانياً علشان سنن الله في المِحن والبلايا وشيوع الفتن والابتلاءات في دين المرء..

فاللي مش هيلحق نفسه من دلوقت؛ هيزل ويُذل!
هيزل في الأخطاء والزلات وهيكررها مرة ورا مرة، وهيُذل بهوى نفسه وتحكمها فيه!

خليك فاكرها: اللي مش هيتربى بالعافية، هيتربى بالبلاء والمِحن!

يعني لو مسوقتش نفسك إلى ربك وألزمتها وأرغمتها واستعنت بالله وتصبرت بالله وتركت ذنبك لله من دلوقت وأنت معافى، هتعمل كل دا برضة بس غصب عنك وبالبلاء!

ليه؟ علشان التربية والتزكية سنن من سنن الله في خلقه، ولازم تحصل لك!
فخد بالك، استعن بالله ولا تعجز..
وفر وقت لدينك ولو من وقت نومك وراحتك..
لو مش عارف حاجة خالص؛ عندك مبادرة استرداد المكانة، ابدأ فيها واعزم وتوكل على الله..

صدقني مفيش وقت للتردد والأيدي المرتعشة، والخواتيم سريعة جداً وموت الشباب في انتشار رهيب وموت الفجأة كثير!

ادرس واتعب وذاكر وانزل الجيم وروح نفسك واعمل اللي أنتِ عايزه...
بس الساعتين اللي بتوع ربنا؛ محدش ينازعك فيهم..
اللي أوقفته لله عز وجل؛ مش هيروح لحد غير الله عز وجل..

• خليك فاكر:-

اللي مش هيتربى بالعافية، هيتربى بالبلاء والمِحن!

»» نافع | Nafe3
»» صوتيات نافع
•

•

🍀 من الكتب الموجزة والمختصرة والنافعة جداً بفضل الله وكرمه واللي مش واخده حقها بين أوساط الشباب؛ كتب الدكتور الموفق بإذن الله؛ د. خالد بن عبد الكريم اللاحم.. أنصحكم بها لما فيها من خير عظيم وإيجاز ومباشرة في صلب الموضوع المتحدث عنه، أنصحكم بها عسى الله أن يجعلها رحمة منه لكم..
نسأل الله أن يكتب أجر المؤلف والناشر كاملاً غير منقوص ويتقبل منهم، آمين

◀️ رابط قناة جامعة لكتب الدكتور (https://t.iss.one/khalidkreem/28)
•

•
⚠️ من أجل هذه الكلمات نقول ونشدد؛ مهما كنت مقصراً في عباداتك وأورادك ومزحوماً بمشاغلك؛ لا تترك حرزك اليومي من مئوية التهليل أبداً!

الشيخ وحيد عبدالسلام بالي كان بيحكي في بودكاست لما كان يرقي، كان عند حالة وهو بيتكلم مع الجن وبيخرجه
الجن قاله مش هخرج والشيخ يقول اخرج، فالشيخ قال له سأقرأ عليك القرآن حتى تحترق
قال الجن: انتظر انتظر سأخرج منها ولكن بشرط
قال الشيخ: وما هو
قال: أن أخرج منها وأدخل فيك
الشيخ قال له: ادخل
زوج الست قال له يا شيخ انتظر! إذا دخل فيك واغمي عليك من الذي سيعالجك😆؟
فقال الشيخ للجن: ادخل .
فانتظر الجن قليلاً ثم بكى
قال له الشيخ: ما يُبكيك ؟
قال لا يستطيع جني أن يدخل فيك اليوم
قال الشيخ لِمَ؟
قال لأنك قولت بعد الفجر لَا إِلَهَ إِلَّا اللَّهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ 100 مرة
ودا ذكر من اذكار الصباح والمساء، المهم الشيخ قال صدق رسول الله ﷺ من قالها في يوم كَانَتْ لَهُ حِرْزًا مِنَ الشَّيْطَانِ يَوْمَهُ ذَلِكَ حَتَّى يُمْسِيَ..
فبلاش تهمل أذكار الصباح والمساء ولا تقصر فيها

رابط المنشور الأصلي
•

•
🍃 مش هتعرف تنجز مشروعك الخاص بك طول ما أنت مادد عينك ومركز مع مشاريع الآخرين!

ومتضحكش على نفسك بحجة

"أنا بس بتابع علشان أستفيد من التجارب والآراء وأكون updated لكل جديد"

دي خدعة نفسية الغرض منها الكسل والتفلت من العمل وفي الغالب مش بيحصل اللي بتقوله دا!
لازم تفهم أنك متأخر ومتعطل علشان مادد عينك لعطاءات الله عز وجل لإخوانك؛ بدل ما تنشغل في سعيك وتسأل الله من فضله!

◀️ ركز على مشروعك الشخصي، مشروعك العمري، ولما ينجح ويقف على رجليه؛ ابقى حدث براحتك واستفد من تجارب الآخرين!

علشان محدش بيتفق مع مهندس الديكور يزين له شقته قبل ما يتفق مع مقاول يبني له أساسات ودور أول قوي وبحديد مسلح يستحمل 10 أدوار..
الأساسات بتتبنى الأول قبل الزينة والديكور..
انجح الأول في تأسيس متين لمشروعك وبعدها دور على الزيادة!

انجح أولاً في التأسيس قبل ما تنشغل بالزيادة والتحديث!

»» نافع | Nafe3
»» صوتيات نافع
•