Айрим ҳуқуқбузарликлар ҳақида хабар берганларга қанча миқдорда мукофот пули берилади?

Қонунчиликда бир қатор ҳуқуқбузарликлар тўғрисида ваколатли органларга хабар берилганда ундирилган жаримадан мукофот пули бериш белгиланган.

👉йўл ҳаракати қоидаларига оид ҳуқуқбузарликлар тўғрисида ejarima портали орқали хабар берилади ва БҲМнинг 5 фоизи (13 минг 500 сўм) миқдорида;

👉дарахт ва буталарни ноқонуний кесиш ва шикастлашга оид ҳуқуқбузарликлар тўғрисида Давлат экология қўмитасига хабар берилади ва БҲМнинг 1 бараваригача (270 минг сўмгача) миқдорида;

👉лицензиясиз ёки рухсатномасиз, хабарнома юбормасдан шундай ҳужжатлар талаб қилинадиган фаолият билан шуғулланганлик тўғрисида лицензия, рухсатнома бериш ваколатига эга органларга (масалан, хусусий нотариуслар бўйича Адлия вазирлигига) хабар берилади ва ундирилган жариманинг 10 фоизи миқдорида;

👉коррупцияга оид ҳуқуқбузарликлар тўғрисида Бош прокуратура, Давлат хавфсизлик хизмати, Ички ишлар вазирлиги, Иқтисодий жиноятларга қарши курашиш департаментига хабар берилади, ҳуқуқбузарлик туридан келиб чиқиб БҲМнинг 7 бараваригача (1 млн 890 минг сўмгача) миқдорда;

👉харид чекларни бермасдан товар сотганлик ва хизматлар кўрсатганлик тўғрисида солиқ органларига махсус дастур орқали хабар берилади ва жариманинг 20 фоизи миқдорида;

👉давлат молиявий назоратига оид қоидабузарликлар тўғрисида “Давлат аудити” тизими орқали хабар берилади ва ундирилган жарималардан келиб чиқиб мукофот пуллари тўланади

Фойдали маълумотни танишларга юборинг!

@Musayev_s_s

ТАЛАБА МАКТАБДА ФАҚАТ ЎРИНДОШЛИК АСОСИДА ИШЛАЙДИМИ?

САВОЛ.
Мен мактаб директори сифатида фаолият кўрсатмоқдаман. Савол: Олий ўқув юрти талабасини ишга асосий қилиб ишга олдим. Аммо ТХТБ эконамисти талаба ўриндош сифатида ишга олиниши керак деб тарификацияни ўтказмаябди. Бу иш қанчалар қонуний тўғри? Жавоб учун олдиндан рахмат.

ЖАВОБ.

Вазирлар Маҳкамасининг 2012 йил 18 октябрдаги 297-сонли қарори билан тасдиқланган “Ўриндошлик асосида ҳамда бир неча касбда ва лавозимда ишлаш тартиби тўғрисида”ги низомга кўра:

асосий иш жойи — Ўзбекистон Республикаси Меҳнат кодексининг 81-моддасига мувофиқ иш берувчи томонидан ходимнинг меҳнат дафтарчаси юритиладиган ташкилот;

ўриндошлик асосида ишлаш – ходимнинг ўзининг асосий ишини бажаришидан ташқари асосий ишидан бўш вақтида меҳнат шартномаси асосида бошқа ҳақ тўланадиган ишни бажаришидир.

Талабанинг олий таълим муассасасидаги таълим олиш жараёни меҳнат фаолияти ҳисобланмайди, негаки бунда талаба ўқиш жойига ходим сифатида ишга олинмайди ва у билан ҳеч қандай меҳнат шартномаси тузилмайди, ё бўлмасам, бу ерда ходимга меҳнат дафтарчаси очилмайди ва юритилмайди.

Шундай экан, талаба меҳнат шартномаси асосида ишга кирган ва меҳнат дафтарчаси юритилаётган биринчи иш жойи – унинг асосий иш жойи ҳисобланади. Бу асосий иш жойи Сиз раҳбарлик қилаётган ўша ўрта таълим мактабидир.

Туман ХТБ иқтисодчисининг эътирози асоссиз.

@Musayev_s_s

📌Савол: Мен қон топширдим шунинг учун қонун ҳужжатларида ушбу ҳолат учун ходимларга қандай имтиёзлар бор?

✅ Жавоб:

👉 🩸 Ўзбекистон Республикасининг «Қон ва унинг таркибий қисмлари донорлиги тўғрисида»ги Қонунининг 20-моддасига кўра,

👉 Қон ва унинг таркибий қисмларини топширадиган куни,
шунингдек тиббий кўрикдан ўтадиган куни донор ана шу кунлар учун ўртача иш ҳақи сақланган ҳолда ишдан озод қилинади.

👉 Ўрта махсус, касб-ҳунар таълим муассасаларининг ўқувчилари, олий ўқув юртларининг талабалари, таълим олувчиларнинг бошқа тоифалари қон ва унинг таркибий қисмларини топширадиган куни, шунингдек тиббий кўрикдан ўтадиган куни машғулотлардан, ҳарбий хизматчилар эса нарядларни бажаришдан, хизматни ўташнинг вахта ва бошқа шаклларидан озод қилинадилар.

👉 Донорга ҳар сафар қон ва унинг таркибий қисмларини топширган куннинг бевосита эртасига дам олиш учун ўртача иш ҳақи сақланган ҳолда қўшимча бир кун берилади . Донорнинг хоҳишига кўра мазкур дам олиш куни ҳар йилги меҳнат таътилига қўшиб берилиши мумкин.

📌Савол: Ҳар ой қайта-қайта донорлик қилсам бўладими?

✅ Жавоб:

👉Ўзбекистон Республикаси Адлия вазирлиги томонидан 2014 йил 15 январда 2556-сон билан рўйхатдан ўтказилган Ўзбекистон Республикаси Соғлиқни сақлаш вазирининг 2013 йил 16 декабрдаги 423-сон буйруғи билан тасдиқланган “Қон ва унинг таркибий қисмларини топшириш тартиби тўғрисидаги” низомнинг 45-бандида шундай дейилган:

👉яхлит қон донациясининг даврийлиги бир йилда 5 маротабадан ошмаган ҳолда — эркаклар учун 5 мартани, аёллар учун 4 мартани ташкил қилади.

👉Организмда зардобдаги темир захирасини тўлдириш учун донациялар ўртасидаги вақт оралиғи эркаклар учун — 2 ойдан, аёллар учун — 3 ойдан кам бўлмаслиги керак.

❗️Бундан келиб чиқадики Сиз ҳар ойда қон топшира олмайсиз!

@Musayev_s_s

❓Савол: Мен асоссиз равишда жиноий жавобгарликка тортилиб кейин оқландим. Жазони ижро этиш муассасасида бўлган вақтим стажга ҳисобга олинадими?

📌ЖАВОБ:

💬Ўзбекистон Республикасининг “Фуқароларнинг давлат пенсия таъминоти тўғрисида”ги Қонунининг 38-моддаси “е” бандида Иш стажига имтиёзли тарзда қўшиб ҳисобланадиган фаолият даврлари белгиланган бўлиб унга кўра асоссиз равишда жиноий жавобгарликка тортилган, асоссиз равишда қатағон қилинган ва кейинчалик оқланган фуқароларнинг қамоқда бўлиш ва ҳибсда сақлаш жойларида турган вақти — бир ярим ҳисса баробарида стажга имтиёзли тарзда қўшиб ҳисобланади.

❗️Бундан ташқари, Вазирлар Маҳкамасининг 2011-йил 8-сентабрдаги 252-сонли қарори билан тасдиқланган “Давлат пенсияларини тайинлаш ва тўлаш тартиби тўғрисида”ги Низомнинг 67-бандига кўра, Олдини олиш чораси сифатида қамоқда бўлиш вақти, жазони ўташ вақти, шахс лавозимдан ноқонуний четлатилганлиги муносабати билан ишламаган вақт, тиббиёт муассасасида бўлиш вақти тергов органлари ёки ички ишлар органларининг маълумотномалари билан тасдиқланади ва реабилитация (оқлов ҳукми, реабилитацияловчи асослар бўйича иш тўхтатилиши тўғрисидаги ажрим (қарор) ҳақидаги ҳужжатлар мавжуд бўлганда иш стажига ҳисобланади.

@Musayev_s_s

❓Савол: Мени 3 нафар фарзандим бор. Кўп болали оилаларга имтиёзлар бор дейилябди. Мен хам уч нафар фарзандим билан кўп болали оила хисобланаманми ?

📌ЖАВОБ:

💬Йўқ сизни оилангиз кўп болали оилалар қаторига киритилмайди. Оила кодексининг 4 прим биринчи моддасида, кўп болали оилалар деб, тўрт нафар ва ундан ортиқ ўн саккиз ёшга тўлмаган боласи бўлган оилаларга айтилиши кўрсатилган.
Агар тўрт нафар ва ундан ортиқ болалардан бир нафари ёки ундан кўпроғи ўқувчи ёки талаба бўлса ва 22 ёшдан ошмаган бўлса ундай оилалар хам кўп болали оила хисобланади.

❗️Давлат кўп болали оилаларга қонунчиликка мувофиқ имтиёзлар ва ижтимоий кафолатлар берилишини таъминлайди. Масалан боқувчисини йўқотган кўп болали оилалар Солиқ кодексининг 436-моддасига асосан ер солиғи тўлашдан озод қилинган.

@Musayev_s_s

❓Савол: Ишга қубул қилишда қандай ҳужжатлар сўралади ?

📌ЖАВОБ:

❗️Ўзбекистон Республикасининг Меҳнат кодексининг 80-моддасида ишга қабул қилиш вақтида талаб қилинадиган ҳужжатлар тоифаси белгиланган бўлиб унга кўра иш берувчи ишга кираётган шахсдан

👉паспорт ёки унинг ўрнини босадиган бошқа ҳужжатни, ўн олти ёшгача бўлган шахслар эса, — туғилганлик тўғрисидаги гувоҳномани;

👉меҳнат дафтарчасини, биринчи маротаба ишга кираётган шахслар бундан мустасно. Ўриндошлик асосида ишга кираётган шахслар меҳнат дафтарчаси ўрнига асосий иш жойидан олган маълумотномани;

👉ҳарбий хизматга мажбурлар ёки чақирилувчилар тегишинча ҳарбий билетни ёки ҳарбий ҳисобда турганлик ҳақидаги гувоҳномани;

👉қонунчиликка мувофиқ махсус маълумотга ёки махсус тайёргарликка эга шахсларгина бажариши мумкин бўлган ишларга кираётганда олий ёки ўрта махсус, касб-ҳунар ўқув юртини тамомлаганлиги тўғрисидаги дипломни ёхуд мазкур ишни бажариш ҳуқуқини берадиган гувоҳномани ёки бошқа тегишли ҳужжатни тақдим этади.

❗️Ишга қабул қилиш вақтида ишга кираётган шахсдан қонунчиликда кўрсатилмаган ҳужжатларни талаб қилиш тақиқланади.

❓Савол: Ишга қубул қилишда нималар сўраш тақиқланади?

📌ЖАВОБ:

❗️Ўзбекистон Республикаси Президентининг 2021 йил 23 мартдаги “Аҳоли ва тадбиркорлик субъектларига давлат хизматларидан фойдаланишда янада қулай шароитлар яратиш, бу борада бюрократик тўсиқларни қисқартириш бўйича қўшимча чора-тадбирлар тўғрисида”ги ПФ-6191-сонли фармонига асосан 2021 йил 1 июндан бошлаб давлат органлари, хўжалик бирлашмалари, маҳаллий ижро этувчи ҳокимият органлари, давлат ташкилотлари ва муассасалари томонидан аҳолидан, шу жумладан тадбиркорлик субъектларидан талаб қилиш бекор қилинган.

а) қуйидаги фактларни тасдиқловчи ҳужжатларни:

👉руҳий касалликлар бўйича диспансер ҳисобида туриши ёки турмаслиги;

👉наркология бўйича диспансер ҳисобида туриши ёки турмаслиги;

👉судланганлик;

👉манзил-маълумот ахбороти;

👉фуқаронинг номида шахсий уй-жой мавжуд ёки мавжуд эмаслиги;

👉турар жойнинг майдони;

👉солиқ қарзи мавжуд ёки мавжуд эмаслиги;

👉солиқ тўловчи жисмоний шахсларнинг давлат солиқ хизмати органларида ҳисобга қўйилганлиги;

👉пенсия ва нафақа миқдори;

👉пенсия ва нафақа олувчилар рўйхатида мавжуд ёки мавжуд эмаслиги;

👉никоҳ қайд этилганлиги, никоҳда турмаслиги ёки никоҳдан ажралганлиги;

б) қуйидаги ҳужжатларни:

👉шахсни тасдиқловчи ҳужжатнинг нусхаси;

👉шахснинг белгиланган шаклдаги фотосурати;

👉тиббий-ижтимоий эксперт комиссияларининг маълумотномалари;

👉меҳнат дафтарчалари ва уларнинг нусхалари (фуқароларга пенсия тайинлаш жараёнида ушбу ҳужжатни «Ягона миллий меҳнат тизими» идоралараро дастурий-аппарат комплекси орқали олиш имконияти мавжуд бўлмаган ҳолларда сўраш бундан мустасно);

👉иш ҳақи ва иш стажини, олий ва ўрта махсус таълим муассасасида ўқиганликни тасдиқловчи архив маълумотномалари (фуқароларга пенсия тайинлаш жараёнида ушбу ҳужжатни «Ягона миллий меҳнат тизими» идоралараро дастурий-аппарат комплекси орқали олиш имконияти мавжуд бўлмаган ҳолларда сўраш бундан мустасно);

👉кадастр ҳужжатлари ва уларнинг нусхаларини

@Musayev_s_s

❓Савол: Аёлни хомиладорлиги ва ёки ёш болани парвариш килаётганлигини била туриб уни ишга олишдан бош тортишга нисбатан жавобгарлик белгиланганми?

📌Жавоб:

👉Ўзбекистон Республикаси Жиноят кодексининг 148-моддаси 2-қисмида Аёлни ҳомиладорлиги ёки шахсни ёш болани парвариш қилаётганлигини била туриб, уни ишга олишдан ғайриқонуний равишда бош тортиш ёки ишдан бўшатиш, — базавий ҳисоблаш миқдорининг йигирма беш бараваригача миқдорда жарима ёки уч йилгача муайян ҳуқуқдан маҳрум қилиш ёхуд уч йилгача ахлоқ тузатиш ишлари билан жазоланишлиги белгиланган.

❓Савол: Ушбу ҳолат юз бергандан қайси органга мурожаат қилиши керак?

📌Жавоб:

👉Ўзбекистон Республикаси Жиноят-процессуал кодексининг 345-моддаси 2-қисмида белгиланган тартибга кўра ушбу жиноят иш юзасидан дастлабки тергов прокуратура органларининг терговчилари томонидан амалга оширилишлигини инобатга олиб Сиз истиқомат қилиб келаётган туман (шаҳар)да жойлашган прокротура органларига мурожаат қилишингизни тавсия қиламиз.

@Musayev_s_s

❓Савол: Мен оилавий поликлиникада патронаж хамшираман. Бизга йил бошида мажбурий обуна белгилаб тўлов қилдирди. Лекин шу пайтгача биронта газета олганимиз йук. Айтингчи, иш жойларида мажбурий обунага рухсат этилганми?

📌Жавоб:

👉Ўзбекистон Республикаси Меҳнат кодексининг 164-моддасида Меҳнат ҳақидан ушлаб қолиш юзасидан қуйдагилар белгиланган бўлиб умумий қоидага кўра, ходимнинг ёзма розилиги билан, бундай розилик бўлмаган тақдирда эса, — суднинг қарорига асосан меҳнат ҳақидан ушлаб қолиниши мумкинлиги кўрсатилган. Ушбу моддада иш ҳақидан ҳодимнинг розилигисиз қандай ҳолларда ушлаб қолиниши мумкинлиги хам келтирилган бўлиб, сиз айтган обуналар у рўйхатга киритилмаган яъни, бирор-бир газета, журнал ёки бошқа бир ёзма манбаларга ҳодимни ёзма розилиги бўлмай туриб унинг ойлигидан мажбурий тартибда пул ушлаб қолиниши мумкин эмас.

@Musayev_s_s

📝 Ходимларни байрам (ишланмайдиган) кунлари иш берувчининг фармойиши бўйича ишга жалб этишга фақатгина жамоа шартномасида, агар у тузилмаган бўлса, – иш берувчи томонидан касаба уюшмаси қўмитаси ёки ходимларнинг бошқа вакиллик органи билан келишиб белгиланган асослар бўйича йўл қўйилади.

️ Ишлаб чиқариш-техника шароитлари ва бошқа шароитларга кўра ишни тўхтатиб туриш мумкин бўлмаган жойларда, аҳолига хизмат кўрсатиш зарурати бўлган ишларда, шунингдек, кечиктириб бўлмайдиган таъмирлаш ва юк ортиш-тушириш ишларида байрам (ишланмайдиган) кунлари ишлашга йўл қўйилади.

💰 Дам олиш кунлари ва байрам кунларидаги ишлар учун камида икки ҳисса миқдорида ҳақ тўланади.

‼️ Байрам (ишланмайдиган) кунлари арафасида кундалик иш (смена) муддати барча ходимлар учун камида 1 соатга қисқартирилади.

Telegram | Instagram | TikTok |

⚡️ 9 июль Қурбон ҳайити байрами этиб белгиланди

“Қурбон ҳайитини нишонлаш тўғрисида”ги Президент қарори қабул қилинди.

Қарорга кўра, 2022 йилда Қурбон ҳайитининг биринчи куни 9 июль – шанбага тўғри келиши муносабати билан Қурбон ҳайити байрами сифатида нишонланади.

❗️Президент фармонига мувофиқ, 2022 йилда қўшимча дам олиш кунлари белгиланган.

🔰 Шунга кўра, Қурбон ҳайити арафасида иш ҳафтасининг туридан қатъи назар 4 кун дам олинади. Бунда:

● 9 июль (шанба) – Қурбон ҳайити байрами;
● 10 июль (якшанба) – дам олиш куни;
● 11 июль (душанба) – барча ходимлар учун қўшимча дам олиш куни;
● 12 июль (сешанба) – 6 кунлик иш ҳафтасида ишлайдиганлар учун қўшимча дам олиш куни, 5 кунлик иш ҳафтасида ишлайдиганлар учун 16 июль (шанба) дан кўчирилган дам олиш куни.

Telegram | Instagram | TikTok |

ОТМга ўқишга киришда кимлар имтиёзга эга?

❗️Қуйидаги абитуриентлар олий таълим муассасаларига ўқишга киришда имтиёзга эга:

🔰 Қуролли Кучлар ҳарбий хизматчиларининг фарзандлари;

🔰 халқаро ва республика олимпиадалари, танловлар ва мусобақалар ғолиблари бўлган битирувчилар;

🔰 Зулфия номидаги Давлат мукофоти лауреатлари;

🔰 “Мард ўғлон” давлат мукофоти соҳиблари;

🔰 “Йилнинг энг яхши тарбиячиси” республика танлови ғолиблари;

🔰 тиббиёт муассасалари ҳамшираларининг “Ҳамшира” республика танлови ғолиблари;

🔰 Бадиий академиянинг тасвирий санъат бўйича республика танлови ғолиблари;

🔰 “Ниҳол” мукофоти совриндорлари;

🔰 Ўзбекистон ёшлар иттифоқи республика комиссияси берган тавсиянома совриндорлари (педагогика йўналишларига);

🔰 тўлиқ давлат таъминотидаги етим болалар;

🔰 Қуролли Кучлар сафида ҳарбий хизматни ўтаб, ҳарбий тавсияномага эга бўлганлар;

🔰 чет тилини билиш даражаси тўғрисида давлат намунасидаги В1 ва ундан юқори даражадаги сертификатга эга абитуриентлар;

🔰 ҳарбий қисм қўмондонлиги ва Ёшлар иттифоқи бошланғич ташкилоти тавсияномасига эга бўлганлар;

🔰 ички ишлар органлари ходимларининг фарзандлари.

✅ Шунингдек:

🔰 Исҳоқхон Ибрат номидаги хорижий тилларга ихтисослаштирилган мактаб-интернатнинг бутун ўқиш даврини аъло баҳоларга ўқиган битирувчилари;

🔰 мутахассислиги бўйича 5 йил иш стажига эга хотин-қизлар;

🔰 эҳтиёжманд оилалардаги хотин-қизлар;

🔰ички ишлар органларида 3 йилдан ортиқ иш стажига эга профилактика (катта) инспекторлари;

🔰 иқтисодиёт тармоқларида камида 5 йил иш стажига эга фуқаролар;

🔰 Тошкент давлат юридик университети қошидаги академик лицейнинг битирувчилари.

Telegram | Instagram | TikTok |

Нега айнан 8 соат ишлаймиз❓

1840 йил 8 февралда Янги Зеландияга келган дурадгор Samuel Parnell дўкон қурилиши давомида "8 соатлик иш куни"ни йўлга қўйган. Унинг фикрича, ишчилар 8 соат ишлаши, 8 соат ҳордиқ чиқаришлари ва ўз қизиқишлари билан машғул бўлишлари, 8 соат ухлашлари керак эди.

Ғоя тезда Янги Зеландия ва Австралия бўйлаб тарқалди. Сўнгра бутун дунё шу режимда ишлай бошлади.

Telegram | Instagram | TikTok |

⚖️ 3 ва ундан ортиқ иш ўринига эга озиқ-овқат дўконларида битта назорат тарози, майдони 1500 кв.м ва ундан ортиқ бўлган савдо залларида эса иккита жойда назорат тарозилари ўрнатилади.

✅ Ҳар бир истеъмолчи ўзи харид қилган маҳсулотини мазкур назорат тарозиларида тортиб, текшириб олиш ҳуқуқига эга.

Керакли маълумотларни яқинларингиз билан бахам кўринг!

Telegram | Instagram | TikTok |

❓Савол: Мен яшаётган қишлоқда масжид қурилган бўлиб ушбу масжидни рўйхатдан ўтказиш учун Ўзбекистон мусулмонлари идораси орқали Дин ишлари бўйича қўмитага бир қанча ҳужжатлар топшириш кераклигини билиб қолдим ушбу ҳужжатлар қандай турдаги ҳужжатлар эканлиги тўғрисида маълумот берсангиз?

📌Жавоб: Ўзбекистон Республикаси Вазирлар Маҳкамаси ҳузуридаги дин ишлари бўйича қўмитанинг тегишли (Ўзбекистон Республикаси Адлия вазирлиги томонидан 2021 йил 30 октябрда рўйхатдан ўтказилди, рўйхат рақами 3071-2) қарорига асосан Қўмитага диний ташкилотни ташкил этиш ташаббускорлари ёки улар томонидан вакил қилинган шахслар хулоса олиш учун мурожаат қилади. Мурожаатга қуйидаги ҳужжатлар илова қилинади:

маҳаллий диний ташкилотлар учун:

👉таъсис йиғилишининг маҳаллий диний ташкилотни ташкил этиш, унинг уставини тасдиқлаш ва раҳбар органларини сайлаш тўғрисидаги маълумотларни ўз ичига олган қарорининг нусхаси;

👉маҳаллий диний ташкилотни давлат тилидаги уставининг нусхаси;

👉Ўзбекистон Республикасининг тегишли тумани (шаҳари) ҳудудида доимий яшаётган, маҳаллий диний ташкилотни ўз ташаббусига кўра тузаётган, ўн саккиз ёшга етган эллик нафардан кам бўлмаган маҳаллий диний ташкилотни ташкил этиш ташаббускорлари томонидан имзоланган мазкур Низомнинг 3-иловасидаги шаклга мувофиқ маълумот;

👉маҳаллий диний ташкилотнинг раҳбар органи аъзолари тўғрисидаги мазкур Низомнинг 2-иловасидаги шаклга мувофиқ маълумот;

👉маҳаллий диний ташкилот раҳбарида диний профессионал маълумот мавжудлигини тасдиқловчи ҳужжатнинг нусхаси, бундан таълимоти диний профессионал таълим тизимини назарда тутмайдиган конфессиялар мустасно (диний маълумот ҳақидаги ҳужжат хорижий давлатда берилганда унинг тан олинганлиги бўйича ҳужжат нусхаси ҳам тақдим қилинади);

👉маҳаллий диний ташкилотнинг почта манзили сифатида фойдаланилиши мўлжалланаётган кўчмас мулкнинг шаҳарсозлик нормалари талабларига мувофиқлиги тўғрисидаги хулосалар илова қилинган ҳолда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари хулосасининг нусхаси.

Янада кўпроқ маълумот олиш учун 👉 @Musayev_s_s

Telegram | Instagram | TikTok |