#Viloyat_hokimligida

TOSHKENT VILOYATI HOKIMI ZOYIR MIRZAYEV TADBIRKORLARGA MUROJAAT YOʻLLADI

Zoyir Mirzayev tadbirkorlarga yordam koʻrsatish boʻyicha topshiriq qildi. Maktablarda oʻqish qanday boshlanishiga izoh berildi. Bozorlardagi vaziyat qattiq nazoratga olinadi.

🌐BATAFSIL

✉️Telegram 🌐Website 🌐YouTube 📱Instagram 📱Facebook 📱Twitter

#Dolzarb

Maishiy chiqindilar tashish xizmati: sohada nimalar boʻlyapti oʻzi?

Prezident huzurida 2022-yilning 2-fevralida oʻtkazilgan videoselektor yigʻilishida maishiy chiqindilarni toʻplash va qayta ishlash sohasiga davlat-xususiy sherikchilik asosida tadbirkorlarni jalb etish, bu borada tadbirkorlarni tanlash boʻyicha tenderlarni 2022-yilning 1-sentyabriga qadar yakunlash vazifasi topshirilgan edi.

Shunga koʻra, tender tanlovi gʻolibiga “Toza hudud” DUKning barcha mol-mulki va maxsus texnikalari oʻzaro bitim asosida oʻtkazib berilgan. Shuningdek, korxonaning debitor va kreditor qarzdorligi ham gʻolib tadbirkorga biriktiriladi. Tadbirkorlarga oʻtkazilgan mol-mulk va texnikalarning hisoblangan bahosi 10 yil muddat davomida davlatga boʻlib toʻlab berish majburiyati yuklanadi. Umuman, viloyat boʻyicha korxonaga qarashli 7 ta maishiy chiqindi poligonlari (umumiy yer maydoni 115 gektar) mavjud boʻlib, mazkur poligonlar ham xususiy sektorga topshirildi.

Ammo keyingi ikki-uch oyda bu borada jiddiy muammolar va aholining haqli noroziligi vujudga keldi. Sababi, maishiy chiqindilarni olib ketish, qayta ishlash faoliyati qoniqarsiz ahvolda. Ayniqsa, koʻp qavatli uylarda bu borada vaziyat ancha xunuk. Viloyat hokimligida soha mutasaddilari, tadbirkorlar ishtirokida oʻtgan yigʻilishda vaziyat tanqidiy koʻrib chiqildi.

Zoyir Mirzayev Toshkent viloyatda aholi yashash joylari, chiqindixonalarga toʻplangan maishiy chiqindilarni zudlik bilan tozalash, bunda mavjud kuch va vositalarni safarbar etish, favqulodda tartibda ishlash boʻyicha topshiriq berdi. Vaziyatni shu darajaga keltirgan tadbirkorlik subyektlari va davlat xizmatchilarining faoliyati yoki faoliyatsizligiga huquqiy baho berish yuzasidan huquq-tartibot organlari oʻrganishni boshlagani qayd etildi.  

Xoʻsh, tadbirkorlar oʻz majburiyatlariga amal qilyaptimi? Lavhamiz shu haqida.

✉️Telegram 🌐Website 🌐YouTube 📱Instagram 📱Facebook 📱Twitter

#Кун_тартиби

Бугун Зойир Мирзаев Оҳангарон шаҳридаги эркин иқтисодий ҳудудда бўлди

Бугун Тошкент вилояти ҳокими Зойир Мирзаев Оҳангарон шаҳрида бўлди. Вилоят фаоллари иштирокидаги "Ҳокимлик соати" Оҳангарон шаҳар ҳокимлигида, видеоселектор шаклида ўтказилди. Шундан сўнг Зойир Мирзаев ҳудуддаги эркин иқтисодий ҳудудда бўлиб, ишга туширилиши кутилаётган қувватлар билан танишди.

Хусусан, дастлаб “Бирлик” маҳалласида жойлашган полимер қувурлар ва фитинглар ишлаб чиқаришга ихтисослашган ""Silk plast quality” ва "Ideal Plast Manufactory" корхонасида ишлаб чиқариш занжири билан танишилди, ишчи-ходимлар билан суҳбатлашилди.

Шунингдек, вилоятимиз раҳбари бойитилган омухта ем ишлаб чиқариладиган "Agro Sammix", металл маҳсулотлари ишлаб чиқаришга ихтисослашган "Оҳангарон темир қувурлари" ва "Dal heavy industries" қўшма корхоналарида бўлиб, заводларнинг ишлаб чиқариш жараёнлари билан танишди, тадбиркорлар билан мулоқот қилди.

Ўрганишлар давомида Зойир Мирзаев ички бозорга сифатли, арзон нархларда телевизор етказиб бераётган "Quality device" қўшма корхонасида ҳам бўлиб, тадбиркор ва инвесторлар билан учрашди.

Мулоқот жараёнида ишлаб чиқариш ҳажмини кенгайтириш, янги иш ўринларини яратиш борасида ҳокимлик ваколатларига кирадиган йўналишларда тадбиркорларга амалий ёрдам кўрсатиш борасида сўз борди.

Зойир Мирзаев саноат ҳудудини ободонлаштиришга эътибор қаратди ва бу бўйича вилоят, шаҳар мутасаддиларига топшириқ берди.

📱 Instagram | 📱 Twitter | 📱 Facebook | ✉️ Telegram

#сайёр_қабул

Халқ билан мулоқот, одамларни тинглаш, уларни ўйлантириб, қийнаб келаётган масала ва муаммоларига биргаликда ечим топиш бундан буён ҳам фаолиятимизнинг асосий мезони бўлиб қолаверади.

Шу мақсадда имкон қадар туман ва шаҳарларда кўпроқ бўлиб, аҳоли мурожаатлари бўйича сайёр қабуллар ўтказишга ҳаракат қилаяпмиз.

Хусусан, аҳоли билан навбатдаги юзма-юз мулоқотимиз Паркент туманида ташкил этилди.

Сайёр қабулда тегишли бошқарма ва ташкилотларимиз мутасаддилари, шунингдек, туман масъуллари ҳам иштирок этдилар.

Баъзан тармоқларда фуқаролардан бизнинг туманга ҳам, бизнинг маҳаллага ҳам келинг, бизда ҳам муаммолар бор, қабилида таклифлар бўлади.

Биз ҳаммани тинглашга, аҳолининг қонуний ва асосли талабларига, муаммолари ечимига ваколатимиз ва имконимиз доирасида ёрдам беришга тайёрмиз.

Видеони батафсил кўриш 👈

📱 Instagram | 📱 Twitter | 🌐YouTube | 📱 Facebook | ✉️ Telegram

#Кун_тартиби

Бугундан юртимизга баҳор кириб келди. Баҳорда йўл бўйлари, кўчалар ободлигига доим эътибор қаратиб келган халқмиз. Бундан ташқари, баҳорги дала юмушлари ҳам бошланиб кетди. Жойларда кетаётган ишлар билан яқиндан танишиш мақсадида вилоят ишчи гуруҳи билан бугун Нурафшон, Ўрта Чирчиқ, Пискент ва Бўка туманида бўлдик.

📱 Instagram | 📱 Twitter | 🌐YouTube | 📱 Facebook | ✉️ Telegram

#Кун_тартиби

2023 йил 4 март куни Тошкент вилояти ҳокими З.Мирзаев томонидан тадбиркорлик субъектлари билан учрашув ўтказилди. Тадбиркорлар билан мулоқот давомида кўтарилган масалалар ва уларнинг ечими юзасидан таклифлар қабул қилиниб, вазифалар белгилаб олинди.

Шунингдек, тадбиркорлик субъектлари билан ишлаш ва уларнинг муаммоларига ечим топиш борасида сусткашликка йўл қўйганлиги учун Савдо-саноат палатаси Тошкент вилояти бошқармаси бошлиғи З.Ниязов ва АТ "Қишлоққурилишбанк" вилоят минтақавий филиал бошқарувчиси ўринбосари З.Имомовларни эгаллаб турган лавозимларига лойиқлиги юзасидан юқори турувчи ташкилотларига таклиф киритиш масаласи кўриб чиқилди.

Тўлиқ видео

📱 Instagram | 📱 Twitter | 🌐YouTube | 📱 Facebook | ✉️ Telegram

#sayyor_qabul

Zoyir Mirzayev Chirchiqda sayyor qabul oʻtkazdi

Aholi bilan faol va ochiq muloqot qilish maqsadida viloyat hokimi Zoyir Mirzayev boshchiligida viloyat sektor rahbarlari va tegishli masʼullar ishtirokida Chirchiq shahrida navbatdagi sayyor qabul oʻtkazildi.

Unda shahar fuqarolarining ichki yoʻllar taʼmiri, tabiiy va suyultirilgan gaz taʼminoti, tibbiy xizmat, uy-joy va moddiy yordam masalalariga oid 150 dan ortiq murojaatlari tinglandi.

Murojaatlarning 35 foizi shu yerning oʻzida qanoatlantirildi. Yechimi qoʻshimcha vaqt va mablagʻ talab etadigan qolgan masalalar yuzasidan masʼullarga koʻrsatmalar berilib, ijrosi nazoratga olindi. Baʼzilari joyiga chiqqan holda oʻrganilib, hal etiladigan boʻldi.

📹BATAFSIL VIDEODA

✉️Telegram 🌐Website 🌐YouTube 📱Instagram 📱Facebook 📱Twitter

#Янгилик

“Қорасув-Бўка-Бекобод” автомобиль йўлининг Ўрта Чирчиқ туманидан ўтувчи қисмидаги (темир йўл устидан ўтган) кўприк 1972 йилда қурилган бўлиб, муқаддам умуман таъмирланмаган эди. Натижада, кўприк авариявий ҳолатга тушиб қолган. Зудлик билан кўрилган чоралар натижасида, қурилиш-таъмирлаш ишлари бошлаб юборилди, маҳаллий бюджетдан 26 миллиард сўм маблағ ажратилди.

Уч ой давомида кўприк янгитдан қурилди. "Тошкент кўприк қурилиш" корхонаси ишчилари жонбозлик кўрсатиб, туну кун иш олиб боришди. Агар эски кўприкнинг ўтказувчанлик қуввати 30 тоннани ташкил этса, янги кўприк 100 тонналик ўтказувчанлик қобилиятига эга ва кенглиги 26 метр. Наврўзи айём арафасида қурилиши якунланган кўприкни фаоллар ва нуронийларнинг оқ фотиҳаси билан фойдаланишга топширдик.

📱 Instagram | 📱 Twitter | 🌐YouTube | 📱 Facebook | ✉️ Telegram