"Халқимиз ҳам, тадбиркор ва инвесторлар ҳам, биздан долзарб масала бўлган энергетика соҳасида аниқ ечимлар кутаётгани сир эмас", - деди Президент.

Иқтисодиётимиз барқарор ривожланиши учун энергетика соҳасига 25-30 миллиард доллар инвестиция керак. Бунга фақатгина хусусий инвестицияларни жалб қилиш орқали эришиш мумкин.

Шу боис, сўнгги уч йилда соҳага 8 миллиард долларлик тўғридан-тўғри инвестициялар жалб қилинди.

Бухоро, Жиззах, Қашқадарё, Навоий, Самарқанд, Фарғона ва Тошкент вилоятларида барпо этиладиган қуёш ва шамол электр станциялари ҳисобига қўшимча 14 миллиард киловатт электр ишлаб чиқарилади. Бу орқали хонадонларга бериладиган электр энергияси 50 фоизга кўпаяди.

Келаси уч йилда барча давлат ташкилотларида қуёш панеллари ва иссиқ сув коллекторлари ўрнатилади.

Аҳоли хонадонларида эса қуёш панели ўрнатишга ажратиладиган субсидиялар ҳажми 2 баробарга кўпайтирилади.

Facebook|Instagram|Twitter

"Уй, ишхона, боғча, мактаб ва кўчаларда одамларимизга энергиянинг қадрига етиш, уни тежашни ўргатиш керак. Қонунларимизда ҳам бу масалаларни мустаҳкамлаш зарур", - деди Президент.

Давлатимиз раҳбари газ захираларини кўпайтириш мақсадида геология-қидирув ишлари бўйича ўн йиллик дастур қабул қилинишини таъкидлади.

Бунда, янги технологияларни жорий этиб, илк бор чуқур қатламларда (6 километрдан кўп) газ қазиб чиқариш ишлари бошланади.

Жумладан, Устюртнинг юқори истиқболга эга чуқур қатламларида қидирув ишларига нуфузли хорижий инвесторлар жалб қилинади.

Газ қазиб чиқаришга олдин берилган барча лицензиялар қайта кўриб чиқилади, самарасиз ишлаётган корхоналар бўйича тегишли чоралар кўрилади.

Facebook|Instagram|Twitter

Иқтисодиётга маҳаллий ва хорижий хусусий инвестицияларни кўпайтириш учун шароитларни янада яхшилаш устувор йўналиш бўлади.

Келаси йили қарийб 30 миллиард доллар сармоя жалб қилинади, шундан 25 миллиард доллар хусусий инвестициялар бўлади.

Жумладан, умумий қиймати 8 миллиард долларлик 300 дан зиёд лойиҳани ишга туширамиз ва яна 40 та янги йирик лойиҳа бошланади. Мисол учун:

- “Ёшлик” мис конини ўзлаштиришнинг биринчи босқичи якунига етказилиб, 60 миллион тонна рудани қайта ишлаш қувватига эга 3-мисни бойитиш фабрикаси ишга тушади;

- Олмалиқда 4-мисни бойитиш фабрикаси ва Мис эритиш заводи лойиҳалари бошланади;

- Навоийдаги Пистали конида 4 миллион тонна олтин рудасини қайта ишлаш мажмуасининг қурилиши якунланади.

Facebook|Instagram|Twitter

Давлатимиз раҳбари келаси йили “катта хусусийлаштириш” бошланиши, 1 мингга яқин корхона савдога чиқарилишини таъкидлади.

"Менинг катта ниятим – юртдошларимиз орасида юз минглаб мулкдорлар, акциядорлар пайдо бўлсин. Одамларимиз ўз омонатларини инвестиция қилиб, юқори даромадларга эга бўлсин.

Шунинг учун, топшириқ бердим. Кейинги йилда энг йирик 10 та компаниялар ва тижорат банкларимизни акциялари ўз аҳолимиз учун очиқ ва шаффоф савдога чиқарилади.

Бу чинакам халқ IPOси бўлишига ишонаман", - деди Президент.

Жаҳон савдо ташкилотига аъзо бўлиш бўйича асосий музокараларни якунлаб, ички қонунчиликни мослаштириш, янги стандартларни жорий этиш ишлари жадаллаштирилади.

Умуман, 2023 йилда экспорт ҳажми тарихимизда илк бор 23 миллиард доллардан ортади (2018 йилда 14 миллиард доллар бўлган).

Facebook|Instagram|Twitter

Дунёдаги ҳозирги мураккаб шароитда очиқ ва прагматик, ўзаро ишонч ва ҳурматга асосланган ташқи сиёсат изчил давом эттирилиши таъкидланди.

Бундан кейин ҳам асосий эътиборимиз Марказий Осиёдаги барча қўшни мамлакатлар ва дунёдаги стратегик шерикларимиз бўлган давлатлар, халқаро ташкилотлар билан кўп қиррали ва ўзаро манфаатли ҳамкорликни кучайтиришга қаратилади.

Миллий хавфсизликни таъминлаш, Қуролли Кучларимиз жанговар салоҳиятини ошириш борасидаги ишлар янги босқичга олиб чиқилади.

"Биз жамиятимизда ҳар қандай радикаллашувга, ёшларимиз онгини бузғунчи ёт ғоялар билан заҳарлашга, диндан сиёсий мақсадларда фойдаланишга, маърифат ўрнини жаҳолат эгаллашига йўл қўймаймиз", - деди Президент.

Қадимий ва бетакрор тарихимизни, айниқса, ғоят оғир шароитда илм-маърифат, инсон эркинлиги, халқ озодлиги, Ватанга, миллий қадриятларга меҳр ва садоқат ғояларини дадил кўтариб чиққан жадид боболаримиз фаолиятини янада чуқур ўрганишимиз лозимлиги қайд этилди.

Facebook|Instagram|Twitter

Президент Мурожаатномага якун ясар экан, унда айтилган вазифаларни дунёдаги ҳозирги мураккаб шароитда амалга ошириш осон бўлмаслигини қайд этди.

"Лекин биз ўтган даврда катта билим ва тажриба тўпладик. Энг муҳими, ўз куч ва имкониятларимизга бўлган ишончимиз тобора ортиб бормоқда.

Шу боис, қанчалик қийин бўлмасин, танлаган йўлимиздан ҳеч қачон ортга қайтмаймиз. Кўзлаган марраларимизга албатта етамиз.

Бу йўлда нияти улуғ, қалби пок, меҳнаткаш халқимизга таянамиз. Бир тану бир жон бўлиб ҳаракат қилсак, мен ишонаман, эл-юртимиз интилаётган Янги Ўзбекистонни албатта барчамиз биргаликда бунёд этамиз", - деди давлатимиз раҳбари.

Президент сўзининг якунида йиғилганларни, бутун халқимизни кириб келаётган Янги йил байрами билан чин қалбдан самимий табриклаб, сиҳат-саломатлик, файзу барака, оилавий бахт тилади.

Facebook|Instagram|Twitter

Ахборот 24 | Тошкент шаҳрида жамоат транспортидаги ўзгаришлар


Ўзбекистон Республикаси Транспорт вазирлиги Ахборот хизмати


mintrans.uz | Telegram | Facebook | Instagram |

Ўзбекистон Республикаси Президенти Шавкат Мирзиёевнинг Олий Мажлис ва Ўзбекистон халқига Мурожаатномаси
—
Послание Президента Республики Узбекистан Шавката Мирзиёева Олий Мажлису и народу Узбекистана

Prezident.uz|Facebook|Instagram|YouTube|Twitter

📢 21 декабрь, чоршанба куни АОКАда ўтказилиши режалаштирилган тадбирлар:

〰️〰️〰️
📍Брифинг

● Мавзу: Тошкент шаҳридаги кўп қаватли уйлар ва унга туташ ҳудудларда олиб борилаётган ободонлаштириш ишлари
● Вақти: 10:00
● Иштирок этади: Жамолиддин Қаландаров, Уй-жой коммунал хизмат кўрсатиш вазирлиги ахборот хизмати раҳбари

〰️〰️〰️
📍Брифинг

● Мавзу: Қиш мавсумида пойтахт жамoaт транспортининг барқарор фаолият юритишини таъминлаш юзасидан кўрилаётган чоралар
● Вақти: 12:00
● Иштирок этади: Наврўз Ашурматов, Транспорт вазирлиги ахборот хизмати раҳбари

〰️〰️〰️
📍Матбуот анжумани

● Мавзу: АТБ Қишлоқ қурилиш банк: 2022 йилда эришилган натижалар ва янги вазифалар
● Вақти: 16:00
● Иштирок этади: Банк раҳбарияти ва мутасаддилари

〰️〰️〰️
📲 Саволларни @Rasmiy_aloqabot га жўнатинг. ОАВ ходимлари таклиф этилади.

Telegram | Youtube | Facebook | Instagram | Медиабанк | Сайт

⚡️Tez orada Toshkentdagi avtobuslarga qoidabuzarlikni qayd etuvchi videoregistratorlar o‘rnatiladi

IIV Jamoat xavfsizligi depertamenti yo‘l-harakat xavfsizligi boshqarma boshlig‘i Fazliddin Toshkenboyevning maʼlum qilishicha, jamoat transporti uchun mo‘ljallangan yo‘laklardan foydalangan va o‘z avtomobilini bekatlarga qoidaga zid ravishda qoldirib ketgan haydovchilarga chora ko‘rish bo‘yicha yangi tizim ishga tushadi.

"Avtomobillarning yo‘l yoqalariga tartibsiz qoldirib ketish holatlari juda ko‘p. Buning oldini olish maqsadida jamoat transportlariga videoregistratorlar o‘rnatish rejalashtirilgan. Bu orqali inson omilini cheklagan holda qoidabuzarlarga nisbatan jazo choralarini qo‘llash yo‘lga qo‘yiladi", — dedi Toshkentboyev.

Jamoat transporti haydovchilarining yo‘l qoidalariga amal qilmasliklari holatlari nazorat qilinadimi?

Fazliddin Toshkenboyev, IIV Jamoat xavfsizligi depertamenti yo‘l-harakat xavfsizligi boshqarma boshlig‘i: "Avtobus haydovchilarining bilim-ko‘nikmalarini oshirish maqsadida ular bilan alohida suhbatlar, tushuntirishlar va ekspress kurslar tashkil etyapmiz.

Bundan tashqari, yangi haydovchilarni jamlash bo‘yicha ishchi guruh tashkil qildik va 200dan ortiq haydovchilar bilan qisqa muddatli o‘quvlar tashkil etyapmiz. Shundan so‘ng ularni maxsus sinovdan o‘tkazamiz va shundan so‘ng ular bilan shartnoma imzolanadi".

Toshkentda 475 kmga yaqin 34ta alohida avtobus yo‘lakchalari tashkil etiladi

"Hozirgi kunda Toshkent shahrining markaziy ko‘chalari bo‘ylab 475 kmga yaqin 34ta alohida avtobus yo‘laklarini tashkil etish rejalashtirilgan.

Rejaga ko‘ra, yaqin bir hafta ichida asosiy — Alisher Navoiy, Beruniy, Amir Temur va Farg‘ona yo‘li ko‘chalari bo‘ylab yo‘lakchalar tashkil etiladi. Qolgan ko‘chalarda esa 1-2 oy ichida to‘liq tashkil etiladi", — Fazliddin Toshkenboyev, IIV Jamoat xavfsizligi depertamenti yo‘l-harakat xavfsizligi boshqarma boshlig‘i.

Qanday turdagi avtotransport vositalariga avtobuslar yo‘lakchasida harakatlanishga ruxsat etiladi?

IIV Jamoat xavfsizligi depertamenti yo‘l-harakat xavfsizligi boshqarma boshlig‘i Fazliddin Toshkenboyevning aytishicha, poytaxtda avtobuslar uchun chizilayotgan yo‘lakchalar jamoat transportlarining tirbandlikda qolmasligi uchun zarur.

Ushbu yo‘lakchalarda avtobuslardan tashqari faqatgina tez yordam, yong‘in xavfsizligi va IIV avtomobillari harakatlanishi mumkin.

Qolgan avtotransport vositalariga esa harakatlanish taqiqlanadi va bu tegishli javobgarlikka sabab bo‘ladi.

Ammo har qanday avtomobilga maʼlum sababga ko‘ra, masalan, yo‘l yoqasidagi obyektlarga yoki ko‘chaga kirish uchun ushbu yo‘lakda foydalanishga ruxsat etiladi.

Buning uchun yo‘lakchalarda uziq chiziqlar mavjud bo‘lib, taxminan 40-50 metr masofa belgilanadi. Ko‘cha yoki obyekt boshlangan joyda ushbu uziq chiziqlarning taʼsir doirasi tugaydi va avtomobillar avtobuslar uchun mo‘ljallangan yo‘lakchani bo‘shatib qo‘yishlari talab etiladi.

Transport vaziri ham jamoat transportida yuradimi?

“Toshshahartrans” AJ boshqaruv raisi o‘rinbosari Abdujamil Azizovning aytishicha, transport vaziri Ilhom Mahkamov har hafta kamida 4 marotaba uydan ishga borishda yoki ishdan uyga borishda jamoat transportidan foydalanadi.

Toshkent shahridagi jamoat transportlaridagi muammolar yechimi bo‘yicha qanday ishlar amalga oshirilyapti?

“Toshshahartrans” AJ boshqaruv raisi o‘rinbosari Abdujamil Azizovning aytishicha, ushbu muammolarni bartaraf etish uchun mavjud barcha 148 ta yo‘nalish o‘rganib chiqildi.

Tegishli tashkilotlar bilan hamkorlikda 204 ta avtobuslar olib kelindi va yo‘nalishga chiqarildi.

Xususan, IIVdan 30 ta “ISUZU” rusumli, Milliy gvardiyadan 25 ta “ISUZU” rusumli, Transport vazirligidan 16 ta “YUTONG” rusumli, Samarqand viloyatidagi “UZ TRUCK AND BUS MOTORS” korxonasidan 20 ta “MAN” rusumli, katta hajmli, 13 ta

“SAZ-LE-60” rusumli hamda 100 ta “ISUZU” rusumli avtobuslar keltirilgan.

Natijada, yo‘nalishdagi avtobuslarning harakatlanish oraliq vaqti 25-30 daqiqadan 10-12 daqiqaga qisqardi.

Ayrim yo‘nalishlardagi avtobuslar intervalga amal qilmaydi. Ushbu holat bartaraf etiladimi?

"Avtobuslarning tirbandlikda qolib ketishi natijasida oraliq masofa uzayib ketayotgan edi. Ayniqsa, 116-yo‘nalishli avtobus bozor hududidan o‘tganligi ham bunga taʼsir ko‘rsatgan.

Ammo so‘nggi choralar natijasida ushbu muammolar bartaraf etildi", — Abdujamil Azizov, “Toshshahartrans” AJ boshqaruv raisi o‘rinbosari.

Transport sohasidagi o‘zgarishlar biroz vaqtdan keyin to‘xtab qolmaydimi?

Abdujamil Azizov, “Toshshahartrans” AJ boshqaruv raisi o‘rinbosari: "Yo‘q. Bu islohotlar muntazam davom etadi.

Davlatimiz rahbarining topshirig‘i bilan 2023 yilning mart oyida Toshkent shahri uchun 1000 dona avtobus xarid qilib yo‘nalishlarga beriladi.

Bu orqali shaharda sifatli va qulay jamoat transporti taʼminlanadi".

Jamoat transporti qatnovidagi mavjud muammolarni eski modeldagi qulayliklari va sharoiti kam bo‘lgan transportlar bilan hal qilish mumkinmi?

Abdujamil Azizov, “Toshshahartrans” AJ boshqaruv raisi o‘rinbosari:

"Albatta, eski harakat tarkibi bilan muammolarni hal qilib bo‘lmaydi. 2023 yilda mingta avtobus xarid qilinadi.

Bundan tashqari, 2025 yilgacha jamoat transporti tarkibidagi avtobuslarni to‘liq yangilash ko‘zda tutilgan".

Jamoat transportlari holatini nazorat qilish va o‘z vaqtida taʼmirlash bo‘yicha qanday ishlar amalga oshirilyapti?

"Hozirda Toshkentdagi 8ta avtobus saroyini to‘liq modernizatsiya qilish va qayta jihozlash, ularga malakali mutaxassislarni jalb etish ishlari boshlandi.

Avtobuslarni joriy taʼmirlashga 5 mlrd. so‘m ajratildi. Ajratilgan mablag‘lar hisobidan 32 ta texnik nosoz avtobuslar joriy taʼmirlandi, qolgan 227 tasi yangi yilga qadar taʼmirdan to‘liq chiqariladi.

Bundan tashqari, “Toshshahartrans” AJga qarashli “Toshavtotaʼmir” unitar korxonasi ham faoliyat ko‘rsatmoqda", — Abdujamil Azizov, “Toshshahartrans” AJ boshqaruv raisi o‘rinbosari.

Avtobuslarning oraliq masofasi bilan bog‘liq muammo qachon to‘liq hal bo‘ladi?

Ushbu savolga “Toshshahartrans” AJ boshqaruv raisi o‘rinbosari Abdujamil Azizov javob berdi.

"Bu muammo faqatgina yo‘nalishdagi avtobuslarning soniga bog‘liq emas. Bu yo‘l infratuzilmasiga, avtobuslar uchun alohida yo‘laklar tashkil qilinishi bilan ham bog‘liq.

Masalan, Alisher Navoiy ko‘chasida avtobuslar uchun alohida yo‘laklar tashkil etilgach, jamoat transporti to‘siqsiz harakatlanishni boshladi".