#SILK_AVIA_ATR72_600

Silk Avia milliy aviakompaniyasining birinchi samolyoti Toshkentga kelib qo‘ndi

Bugun, 21-mart kuni mahalliy vaqt bilan soat 08:30 da “Silk Avia” mintaqaviy milliy aviakompaniyasining birinchi samolyoti Toshkent xalqaro aeroportiga kelib qo’ndi.

An’anaga ko‘ra havo kemasi tantanali ravishda suv arkasi, ekipaj a’zolari karnay-surnay sadolari ostida gular bilan kutib olindi.

Yo‘lovchi sig‘imi 70 kishilik ATR 72-600 samolyoti dunyodagi eng mashhur qisqa masofaga uchuvchi samolyotlardan biri hisoblanadi. Airbus A320 ga nisbatan to‘rt baravar kam yoqilg‘i sarflaydigan xavfsiz va tejamkor, arzon samolyot yo‘lovchilarga hamyonbop narxda ishonchlilik va qulaylikni taqdim etadi.


O‘zbekiston Respublikasi Transport vazirligi Axborot xizmati


mintrans.uz |Telegram | Facebook |Instagram |

LOT Polish Airlines aviakompaniyasi Varshavadan Toshkentga to‘g‘ridan to‘g‘ri qatnovlarni yo‘lga qo‘ydi

Bugun, 21-mart kuni mahalliy vaqt bilan soat 18:03 da “LOT Polish Airlines” aviakompaniyasining birinchi samolyoti Toshkent xalqaro aeroportiga kelib qo’ndi.

Varshava – Toshkent – Varshava yo‘nalishida ilk qatnovni amalga oshirgan Boeing 787 Dreamliner havo kemasi an’anaga ko‘ra tantanali ravishda suv arkasi bilan kutib olindi.

Yo‘lovchilar va ekipaj a’zolarini karnay-surnay sadolari ostida Transport vazirligi, Madaniyat va turizm vazirligi vakillari, Polshaning O‘zbekistondagi elchisi, “Uzbekistan airports” kompaniyasi rahbariyati gullar bilan qarshi oldi.

Aviakompaniya iyun oyi o‘rtalariga qadar ushbu yo‘nalishda har 10 kunda bir marta charter asosida parvozlarni amalga oshiradi.

Keyingi bosqichda Varshava – Toshkent – Varshava yo‘nalishida qatnovlar muntazam ravishda bajarilishi rejalashtirilgan.


O‘zbekiston Respublikasi Transport vazirligi Axborot xizmati