Bugun Urganch tumani "O'rtado'rman" mahallasida aholi uchun tibbiy ko'rik tashkil etildi.

Ko‘rikni oftalmolog, kardiolog, endokrinolog, nevropatolog, terapevt, akusher-ginekolog, onkolog, urolog, xirurg, travmatolog, pediatr, bolalar nevropatologi, dermatolog, ona va bola skrining markazi mutaxassislari o‘tkazdi.

Fuqarolar muammolarini o‘rganish, ularning turmush tarzini yaxshilash borasida sektor rahbarlari mahallalarda sayyor qabul o’tkazmoqda.

Jumladan, Gurlan tuman hokimi Ruslan O’razbayev “Guliston” madaniyat uyida “Navro’z” va "Do’stlik" mahallalarida aholi bilan yuzma-yuz uchrashib, ularni qiynab kelayotgan muammolarni tingladi.

Shuningdek, Gurlan tumani 2-sektor rahbari tuman prokurori Qudrat Raxmanov “Oqqum” mahallasida, 4-sektor rahbari tuman soliq inspeksiyasi boshlig‘i Alisher O‘razbayev “Obod” mahallasida sayyor qabul o‘tkazdilar.

O'tkazilgan qabullarda gaz ta'minoti, ko‘mir ajratish, kredit, davolanishda moddiy yordam va ishga joylashish kabi turli masalalar bo'yicha murojaatlar kelib tushdi.

Qabul jarayonida fuqarolarning murojaatlarini ijobiy hal qilish maqsadida sektor rahbarlari tomonidan tashkilot va korxonalarning mutasaddi xodimlariga ko‘rsatmalar berildi hamda ijrosi nazoratga olindi.