Поздравляем нашего ректора Саргылану Семеновну с присвоением звания лауреата общенациональной премии «Ректор года» в номинации «Вузы культуры»!
Решение подписано председателем комиссии Сергеем Вадимовичем Степашиным, президентом Ассоциации вузов «Содействие отечественной профессуре».
Награждение состоится 22 ноября 2022 г. в Доме Правительства Москвы.

Биир дойдулаахтарбыт, нэһилиэкпит олохтоохторо, чугастыы сытар Ньурба куоратыттан даҕаны муҥха то5о тэрийбэккитий диэн ыйытыы үгүс буолбутун үөрэтэн, ыйааһыннатан көрөн баран сэтинньи 11,12,13 күннэригэр оччоттон баччаҕа диэри биһигини көмүс хатырыктааҕынан маанылаабыт, дириҥ ис хоһоонноох Нимискэннээх эбэни үс хонукка муҥхалыахха диэн быһаарынныбыт. Туох кистэлэ баарай, кэлиҥҥи кэмнэргэ муҥхаҕа дьон сылдьыыта лаппа аҕыйаата, илиинэн үлэлээн, ойбон алларар уоланнар көхтөрө эмиэ сүтэн, сүнньүнэн оҕо аймах уонна аҕам саастаахтар муҥхаҕа барыылара эмиэ баар.
Ону ол диэбэккэ, икки хонук иһигэр барытын тэринэн, бэлэмнэнэн социальнай ситиминэн Ньурбачааҥҥа муҥха буолар үһү диэн сурах тэлэһийэ суурдэ.
Муҥхалааһыны салайарга сөбүлэҥин биэрэн бииргэ үлэлэһэ сылдьар Александр Николаевич Егоров Һааҥка. Махтал тылларын тэрийэр үлэҕэ болҕомтолорун уурбут көмөлөспүт тэрилтэлэрбитигэр этэбит. Ньурба куорат, МУП НАТП салалтата, аэропорт территориятыттан нырыы буолар мастары ыларга күүс-көмө, өйөбүл буолбут Абдумаджит Сарсенович Максудовка. Быһаччы эттэххэ, барыта сатанан бары өттүттэн өйөбүл баар буолан биэрдэ. Өссө биир түгэн, туспа соһуччу көмө биллэр фермерскай хаһаайыстыбаттан, Валентина Прокопьевна, Анатолий Дорофеевич Федоровтартан кэллэ. Биир ынах иһин утары ууннулар, балыксыттары күндүлээҥ, маанылааҥ диэн. Онон, сарсын үөрэ-үөрэ үөрэ миинин амсайаллар күүстээх үлэҕэ сылдьар дьон! Бэҕэьээ муҥха бастакы күнэ бэккэ ааста, ким да кураанах илиилээх дьиэтигэр барбата. Итии чэй, минньигэс күөс муҥхаһыттары күн былааныгар утары уунулунна.
Манан, өссө икки хаалбыт күн барыгытын кэтэһэбит. Ыраас салгыҥҥа, көхтөөх тэрээһиҥҥэ бары бииргэ буолуоххайын!
Ньурбачаан нэьилиэгин дьаьалтата.

*Волейболга улуустааҕы күрэх арыллыыта ыытылынна*

🏐🏐🏐Бүгүн, сэтинньи ый 12 күнүгэр, Октябрьскай нэһилиэк А.И.Пахомов аатынан спорт саалатыгар, улуустааҕы волейболга күрэх үөрүүлээх арыллыыта ыытылынна.

Күрэх кыттааччыларыттан киирбит взнос анал специальнай операцияҕа кытта сылдьар биир дойдулаахтарбыт фондатыгар көмө быһыытынан 60 тыһ. солк киирдэ.

Күрэххэ барыта 160 кыттааччы, ол курдук, эр дьоҥҥо 8 хамаанда - Октябрьскай нэһилиэк А.И.Пахомов аатынан спорт саалатыгар, дьахталларга 10 хамаанда - Убайааннааҕы А.О. Акимов аатынан спорт саалатыгар күрэхтэһиэхтэрэ.

Хамаандаларга күүстэригэр күүс эбэн, кэлэн көрөргүтүгэр ыҥырабыт!

Улуустааҕы физическэй култуура уонна спорт управлениета

11.11.2022 16:00 чаастан
2017 - 2022 сылларга "Дьаархан нэһилиэгэ" муниципальнай тэриллии баһылыгынан үлэлээбит Павел Михайлович Александров болномуочуйатын болдьоҕо бүтэн уонна Саха Өрөспүүбүлүкэтин муниципальнай сулууспатын туйгуна, бэтэрээнэ Семен Владимирович Иванов бочуоттаах сынньалаҥҥа баралларын атаарыы тэрээһинэ кулууп дьиэҕэ бэрт сэргэхтик ааста.
Тэрээһин аан тылын нэһилиэк баһылыга Станислав Святославович Конощук арыйда. Дьаһалта урукку салайааччылар үлэлэригэр махтанна, дьолу соргуну баҕарда, өйдөбүнньүк бэлэхтэри туттарда.
Убаастабыллаах дьоммутун Ньурба улууһун баһылыгын солбуйааччыта Василий Николаевич Семенов эҕэрдэлээтэ. Павел Михайловичка эҕэрдэ, махтал тылларын этэн туран ''Ньурба оройуонун экэнэмиичэскэй социальнай сайдыытыгар кылаатын иһин'' дьоһун бэлиэни туттарда. Дьаархан нэһилиэгин дьаһалтатыгар 15 сыл ситиһиилээхтик үлэлээбит Семен Владимировичка улуус баһылыгын махтал суругун кытта бэлэҕин туттарда.
Хаартысканан слайдаҕа Павел Михайлович, Семен Владимирович олохторун кэрчиктэрэ, үлэлэрин ситиһиилэрэ тиһигин быспакка көһүннэ.
Ону тэҥэ олохтоох оскуола, депутаттар, ''Саһарҕа'' ХЭТ, ОДьХ, ветеринария, кулууп, тыйаатыр, библиотека тэрилтэрэ, бииргэ үлэлээбит коллегалара бэйэлэрин махталларын эттилэр, сэмэй бэлэхтэрин туттардылар. Эҕэрдэлэр быыстарыгар ырыалар ылланнылар, үҥкүү да көһүннэ.
Түмүккэ Павел Михайлович, Семен Владимирович олохтоохторго махтаннылар эҕэрдэлэрин эттилэр, уопсай хаартыскаҕа түстүлэр.
Убаастыыр дьоммутугар чөл туругу, уһун дьоллоох олоҕу баҕарабыт.
🖋️ Линаида Терентьева