- الخاطر اللي كسرته تأكد ،
إن هوا الوحيد اللي كان يتمنالك الخير.

- اللي عندك عنده و ممكن هو عنده الأسوء
اللي فيك فيه .. يحس زيك و ممكن أكثر منك و حتى أضعاف احساسك .. بنادم زيك ! الدنيا مش جاية عليك بروحك باش هو بيتحملك و أنت قاعد تعامل فيه إخي و تستنزف فيه و المفروض لأن يحبك لازم يتحمل

أعرف الحب كيف يكون و أفهمه و لازم تعرف أن في الحب الحمل عمره ما جي على شخص واحد.

- "ربِّ أعوذُ بكَ من أن تطرق يدي
بابًا غير بابك
وأن تلوذَ نفسي إلى مأوىً غيرِ مأواك
ومن أن تنكسرَ عند أحدٍ دونك
وأعوذ بك من الليال المُوحشات والأيامِ العسيرات
ومن السّخط على قضائكَ وتدبيركَ إذا قضيت
ومن القنوطِ من رحمتكَ وحلمكَ
إذا ما سُدّت الأرض وضاقت بما رحبت"

- في لحظات هلبا حترتب كلام في دماغك تبي توصله، وفي الجيهة التانية حتحط جهدك كله باش ما توصلاش.

- انا شخص لما يزعل، يسكت هلبا.

- مش ديما الباين هو الصح،
في قصص واجد مخفية وراء كل شيء ظاهري،
وفي عدة زوايا مش واضحة تنشاف بس من قريب،
ما تاخدش بالحدس والتفكير والنظرة الأولى والمجملية في كل وقت..

اللَّهُمَّ اغْفِرْ لِي ذَنْبِي كُلّهُ ، دِقَّهُ وَجُلَّهُ ، وَأَوَّلَهُ وَآخِرَهَ ، وَعَلاَنِيَتَهَ وَسِرَّهُ .

- "أحبُّ تنهيدة "الحمدلله" التي تأتي لا شعوريّة بعد تحقيق أمرٍ انتظرته طويلاً، تنبع بصوتٍ عالٍ عاكسةً صدى الفرح بالداخل .. ولا يوجد شيءٌ أعظم من أن يكون حمدَ اللهِ هو ردّة فعلك الأولى!"

- مخيفة عشرة الشخص المتخلي؛
اللي تلقاه بكل سهولة قادر يرخي بكل البراهين والوعود ويمشي بدون التفاتة صغيرة للي بيخليه، اللي قادر بكل جفاء يسيب أصغر التفاصيل ويعيش بدونها طبيعي،
اللي يعيش بدون ما يأثر فيه غياب الناس اللي كانت في يوم قريبة عليه..

بطبيعة الشخص السليم نفسيًا، عدم الغرق في حزن، أو لبس ثوب الوجع عند كل لحظة فقدان، والتمسك بالعلاقات الصح، والتضحية، والأهتمام بالحفاظ على الأشياء، بتوازن صحيح.


الغير الطبيعي والمرعب هو الشخص صاحب القلب القاسي، المتخلي بـبرود، اللي قادر يبعد وينسى ويتجاهل بضمير ميت لكل ما كان في يومًا ما غالي، او حتى موجود لوقت طويل.

اللهُم في يوم الجمعة
‏إجعلنا ممن يأتون إليكَ بالدعاء
‏فتأتي إليهم بالرحمة والاِستجابة

اللهم إنا نسألك في يوم الجمعة أدعية تستجاب وذنوب تغفر وحاجات تقضى وأمنيات تتحقق .

﴿ يَومُ الجُمُعة ﴾
أكثِروا مِن الصَّلاةِ على النَّبي ﷺ.
اللَّهُمَّ صَلِّ وَسَلِّمْ وَبَارِكْ على نَبِيِّنا مُحَمَّد

- وجود الناس الباهية في حياتنا، نعمة تعطينا دافع لمواجهة كل مشقات الحياة،
سؤالهم، حبهم، قلقهم، إهتمامهم، وحتى احتياجهم لينا،
حيقعد ديما وجودهم جزء لا يستغنى عليه.

- في حاجات ما تنقالش الا لشخص واحد، جرب تتعود تحكيها حتى لحد تاني ولا تتعود ما تحكيهاش، باش لما يغيب ما تموتش مكتوم ومضغوط، ويكون الوضع عندك فوق الطبيعي وهلبا.

سبحان الله وبحمده عدد خلقه ورضا نفسه وزنة عرشه ومدد كلماته.

ممكن كل شيء يتشحت إلا الأهتمام .. مش منطقي إنك تقول لشخص اسأل عليا اليوم أو كلمني نبيك أو أنا مضايق كيف ماحسيتش أو علاش ماسألتنيش خيرك .. اللي مايجيش تلقائياً تحشم تطلبه أنت حتى على خاطر روحك عالأقل.

‏﴿رَبِّ أَوزِعني أَن أَشكُرَ نِعمَتَكَ الَّتي أَنعَمتَ عَلَيَّ﴾

‏الحمدلله على النعم التي نعيشها كل يوم ولا ندركها لدوام وجودها، الحمدلله عند كل شيء وفي كل شيء وعلى كل شيء، الحمدلله دائمًا وابدا.

كان النبي ﷺ يُكثر من دعاء:
"اللهم إني أسألك نفساً مطمئنة تؤمن بلقائك وترضى بقضائك وتقنع بعطائك "