Zominda aholi tadbirkorlikga keng jalb etilmoqda

Mamlakatimizda xususiy tadbirkorlik va ishbilarmonlik muhitini yanada yaxshilash hamda yangi ish o‘rinlari tashkil etishni qo‘llab-quvvatlash yuzasidan amalga oshirilayotgan kompleks chora-tadbirlarga muvofiq viloyat soliq boshqarmasi ham «Har bir oila-tadbirkor» shiori ostida yurtdoshlarimizni tadbirkorlikka yanada kengroq jalb qilish, ularning bu boradagi bilim va ko‘nikmalarini oshirish, tashkiliy hamda moliyaviy jihatdan qo‘llab-quvvatlash borasida samarali ishlarni amalga oshirmoqda.

Bu esa o‘z navbatida hududlarda ishsizlikka barham berilib, ko‘plab muammolarga yechim topilmoqda.

Jumladan, Zomin tumanida ham “Har bir oila — tadbirkor” dasturi asosida amalga oshirilayotgan ishlar natijasida hududda ko‘plab oilalar doimiy daromad manbaiga ega bo‘lib, ham oila turmush sharoiti yaxshilanmoqda, ham tuman iqtisodiy taraqqiyotiga munosib hissa qo‘shilmoqda.

Mazkur tumanining “Xalqabod ” mahalla fuqarolar yig‘inida yashovchi aka-uka Otabek va To‘rabek Oripovlar 10 sotix issiqxonaga ekilgan bodiring hosildorligi mo‘l. Hosil bo‘y-basti, tugunchalari daromad salmog‘idan darak berib turibdi.

– Bu oltinchi hosilimiz, – deydi Otabek Oripovning rafiqasi Nargiza G‘aybullaeva tartib bilan ekilib, xosilga kirgan bodiringlarni ko‘rsatib. –Bu yili 4- sektor mas’ullari yordamida “Har bir oila – tadbirkor” dasturi doirasida 66 million so‘m imtiyozli kredit olib, o‘n sotix yerga issiqxona tashkil qildik.

Hosil nishonalari chakki emas. Bir kg bodiringning narxi 4-5 ming so‘m. Kuniga 100-200 kg mahalliy bozorlarga mahsulot chiqarib, 500-600 ming so‘m daromad olamiz.

Lekin bunga erishish oson bo‘layotgani yo‘q. Har bir yutuq va muvaffaqiyat ortida mehnat mashaqqatlari bor. Tomorqachilikning bu oltin qoidasiga amal qilmay turib biron-bir ijobiy natijaga erishib bo‘lmaydi.

🌐 Jizzax viloyat soliq boshqarmasining ijtimoiy tarmoqlardagi sahifalariga aʼzo boʻling!

Telegram | Facebook | Instagram