#ijod_maktablari
#oʻquv_trening
#ikkinchi_kun

🤩 Ixtisoslashtirilgan taʼlim muassasalari agentligi tomonidan Muhammad Yusuf nomidagi ijod maktabida "Kasbiy rivojlanish: tahlil, maqsad, natija" mavzusida 3 kunlik Respublika o‘quv-treningi oʻtkazilayotgani haqida xabar bergan edik.

Bugun, oʻquv-treningning ikkinchi kunida ishtirokchilar malakali trenerlar koʻmagida ijod maktablari faoliyati natijadorligini baholash va ular o‘rtasida sog‘lom raqobat muhitini shakllantirish, fan to‘garaklarini maqsadli tashkil etish, o‘quv dasturi bilan ishlash, texnologiyalar integratsiyasi, raqamli sinfxona kabi mavzularda bilimlarini oshirdi.

Shuningdek, ishtirokchilarning mantiqiy fikrlash qobiliyati va intellektual salohiyatini yuksaltirishga qaratilgan "Zakovat" intellektual o‘yinlari o‘tkazildi. Sog’lom turmush tarzini qo‘llab-quvvatlash va jismoniy faollikni oshirish maqsadida sport musobaqalari tashkil etildi.

Agentlik tizimidagi ijod maktablarining o‘quv ishlari va ixtisoslik fanlari bo‘yicha direktor o‘rinbosarlari, ona tili, adabiyot, tarix, ingliz tili, matematika, informatika va biologiya fanlari o‘qituvchilari ishtirokida boʻlib oʻtayotgan Respublika oʻquv-treningi ertaga, 23-avgust kuni yakunlanadi.

Telegram | Facebook | Instagram | YouTube | Portal

#oʻquv_trening
#kasbiy_rivojlanish

⚡️OʻQUV-TRENING MASHGʻULOTLARI BOSHLANDI

🤩 Ixtisoslashtirilgan ta’lim muassasalari agentligi tizimidagi Prezident, ijod, sport hamda ixtisoslashtirilgan maktablari direktor o‘rinbosarlarining kasbiy mahoratini rivojlantirish va umumta’lim maktablariga tatbiq etilgan yangi baholash tizimini samarali joriy etilishini ta’minlashga qaratilgan o‘quv-trening mashg‘ulotlariga start berildi.

📍“Xalqaro va milliy tajribalar asosida o‘quv jarayonlarining sifatli va samarali tashkil etilishini yanada takomillashtirish” mavzusidagi mazkur oʻquv-treningga Toshkent viloyati Bo‘stonliq tumanidagi “Renessans” bolalar sog‘lomlashtirish oromgohi mezbonlik qilmoqda.

🗓 Ikki kun davom etadigan oʻquv-trening mashgʻulotlarida ishtirokchilar:

➖Dars jarayonlarida raqamli ta’lim resurslaridan foydalanishni tashkil etish;

➖Fan kabineti va laboratoriya jihozlardan samarali foydalanish hamda laborantlarning dars jarayonlaridagi ish faoliyati va shu bilan bir qatorda fakultativ dars mashg‘ulotlarining samarali tashkil etish;

➖O‘quvchilarning bilim va ko‘nikmalarini samarali baholash hamda BSB va CHSB tahlillarining ta’lim sifatini oshirishdagi ahamiyati;

➖Normativ hujjatlar bilan ishlash tartibi to‘g‘risida:Normativ hujjatlar bazasini yaratish va yangilab borish;

➖Zamonaviy pedagogik texnologiyalarga asoslangan dars jarayonlarini tashkil etish, kuzatish, tahlil qilish;

➖Prezident, ijod, sport hamda ixtisoslashtirilgan maktablarda o‘quv jarayonini samarali tashkil etish, ta’lim sifatini oshirishda o‘quv ishlari bo‘yicha direktor o‘rinbosarlarining vazifalari kabi mavzular boʻyicha bilim va malakalarini oshiradilar.

✅Oʻquv-trening mashgʻulotlarini olib borishga Agentlik mutaxassislari, tizimdagi maktablarning yuqori malakaga ega pedagoglari, mahalliy va xorijiy ekspertlar jalb qilingan.

Telegram | Facebook | Instagram | YouTube

#oʻquv_trening
#kasbiy_rivojlanish
#taqdirlash

⚡️TAQDIRLASH MAROSIMI

🤩 Prezident, ijod, sport hamda ixtisoslashtirilgan maktablari direktor o‘rinbosarlarining kasbiy mahoratini rivojlantirish va umumta’lim maktablariga tatbiq etilgan yangi baholash tizimini samarali joriy etilishini ta’minlashga qaratilgan o‘quv-trening mashg‘ulotlarining taqdirlash marosimi bo‘lib o‘tdi.

Unda Ixtisoslashtirilgan ta’lim muassasalari agentligi direktori Alisher Ubbiyev hamda agentlikning mas’ul xodimlari ishtirok etdi.

Telegram | Facebook | Instagram | YouTube