Toshkent viloyatida 1,2 mlrd soʻmlik tabiiy gazdan noqonuniy foydalangan issiqxona aniqlandi

“Hududgaztaʼminot” AJ Boshqaruv raisining tegishli topshirigʻi bilan respublikamizning barcha hududlarida tabiiy gazdan noqonuniy foydalanish holatlarini aniqlash va ularni oldini olishga qaratilgan nazorat tadbirlari davom ettirilmoqda.

Mana shunday tadbirlardan biri “Hududgaz Toshkent” gaz taʼminoti filiali komplayens nazorat tuzilmalari, tuman gaz taʼminoti boʻlimi xodimlari va huquqni muhofaza qiluvchi organlar hamkorligida Toshkent viloyatining Qibray tumanida oʻtkazildi.

Tumanning “Obod” MFYda istiqomat qiluvchi fuqaro T.M. xonadoni koʻzdan kechirilganda, isteʼmolchi issiqxona tashkil etib, tabiiy gaz tarmogʻiga hisoblagichsiz, yashirin yoʻllar bilan rezina shlang orqali toʻgʻridan toʻgʻri ulanib, “zangori yoqilgʻi”dan noqonuniy foydalanib kelgani maʼlum boʻldi. Holat boʻyicha dalolatnoma tuzilib, gaz sarfi qayta hisob-kitob qilindi va 1 milliard 259 million soʻmlik zarar hisoblandi. Holatga aloqador barcha hujjatlar huquq-tartibot organlariga yuborildi.

Avvalroq xuddi shu mahallada 288,6 mln soʻmlik tabiiy gazni talon-taroj qilib kelgan issiqxona faoliyati fosh etilgandi. Nazorat tadbirlari davom etadi.

Batafsil: https://hududgaz.uz/ads?id=13132

💬Facebook | 👉Telegram |▶️ YouTube | 📷Instagram | 🌐 hududgaz.uz

#Brifing

Aholi va ulgurji iste’molchilarni tabiiy gaz bilan ta’minlash borasida amalga oshirilayotgan ishlar

“Hududgaztaʼminot” AJ matbuot kotibi Dilorom Jumaniyozova ishtirokida brifing boʻlib oʻtdi.

💬Facebook | 👉Telegram |▶️ YouTube | 📷Instagram | 🌐 hududgaz.uz

Tayinlov

Maksudov Davron Sanjarxodjayevich “Hududgaztaʼminot” AJ Boshqaruv raisining transformatsiya masalalari boʻyicha birinchi oʻrinbosari etib tayinlandi.

D. Maksudov bunga qadar O’zbekiston Respublikasi Istiqbolli loyihalar milliy agentligi direktori o’rinbosari lavozimida faoliyat yuritib kelayotgandi.

💬Facebook | 👉Telegram |▶️ YouTube | 📷Instagram | 🌐 hududgaz.uz

Inson qadri ulug‘

“Hududgaztaʼminot“ AJ Boshqaruv raisining tashabbusi bilan tizim tashkilotlarida nogironligi bo‘lgan xodimlar uchun ish joyida barcha qulay shart-sharoitlarni yaratishga katta eʼtibor qaratilmoqda.

Jamiyat xodimlarning professional rivojlanishini qo‘llab-quvvatlash maqsadida ularga maxsus treninglar, seminarlar va ko‘nikma oshirish dasturlarini tashkil etishni davom ettirmoqda. Bu orqali nogironligi bo‘lgan xodimlar o‘z kasbiy mahoratini oshirish va kompaniyadagi o‘rnini mustahkamlash imkoniyatiga ega bo‘lishadi.

💬Facebook | 👉Telegram |▶️ YouTube | 📷Instagram | 🌐 hududgaz.uz

Andijon viloyatida 5,3 mlrd so‘mlik tabiiy gazdan noqonuniy foydalangan ohak ishlab chiqarish sexi aniqlandi

"Hududgaztaʼminoti" AJ boshqaruv raisining tegishli topshirig‘i bilan respublikamizning barcha hududlarida tabiiy gaz taʼminotidagi noqonuniy holatlarni aniqlash va ularni oldini olishga qaratilgan tadbirlar davom ettirilmoqda.

Andijon viloyati Xo‘jaobod tumanida "Hududgaz Andijon" gaz taʼminoti filiali komplayens nazorat tuzilmalari, tuman gaz taʼminoti bo‘limi, O‘zenergoinspeksiya va Bosh prokuratura huzuridagi Iqtisodiy jinoyatlarga qarshi kurashish departamenti xodimlari hamkorligida o‘tkazilgan reyd jarayonida qonunbuzilish holati fosh etildi.

Tumanning "Besh qovoq" MFYda joylashgan "B. B. B." MCHJga qarashli binoda loyiha texnik hujjatlarisiz, nosoz holatdagi gaz hisoblash uskunasi bilan bir dona ohak xumdonida 20 dona nostandart gaz yondirgichlar orqali ohak tayyorlash uchun tabiiy gazdan noqonuniy foydalanib kelinayotgani aniqlandi.

Tabiiy gazdan foydalanish shartnomasida tuz ishlab chiqarish maqsadida foydalanish ko‘rsatilgan bo‘lsada, MCHJ gazdan ohak ishlab chiqarishda foydalangan. Bundan tashqari gaz hisoblash uskunasi nosozligi sabab MCHJ tarmoqdan uzilib, bir martalik tamg‘a o‘rnatilgan, biroq MJCH rahbari uni o‘zboshimchalik bilan buzib, tabiiy gazdan foydalanib kelgan.

Holat yuzasidan dalolatnoma tuzilib, tabiiy gaz sarfi qayta hisob-kitob qilindi va 5 milliard 358 million so‘mlik zarar aniqlandi. Barcha hujjatlar huquqni muhofaza qiluvchi organlarga yuborildi.

💬Facebook | 👉Telegram |▶️ YouTube | 📷Instagram | 🌐 hududgaz.uz

😊😊😊😊😊

⚡️“Hududgaztaʼminot” AJ Sunʼiy intellekt asosida kontakt markaz (call-center) faoliyatini avtomatlashtirish bo‘yicha IT-kompaniyalarni jalb qilish uchun TANLOV EʼLON QILADI

Batafsil: https://hududgaz.uz/news?0&id=13209

💬Facebook | 👉Telegram |▶️ YouTube | 📷Instagram | 🌐 hududgaz.uz

Toshkent viloyatida tabiiy gazdan noqonuniy foydalanish holatlari fosh etilmoqda

“Hududgaztaʼminot” AJ Boshqaruv raisining tegishli topshirigʻi bilan respublikamizning barcha hududlarida, xususan, Toshkent viloyatida ham tabiiy gazdan noqonuniy foydalanish holatlarini aniqlash va ularni oldini olishga qaratilgan nazorat tadbirlari davom ettirilmoqda.

Toshkent viloyatining Yangiyoʻl tuman “Gʻalaba” MFY Nov koʻchasidagi xonadonda joylashgan fuqaro S. R. ga tegishli hammom binosi xatlovdan oʻtkazilganda, isteʼmolchi loyiha-texnik hujjatlarisiz gaz tarmogʻiga toʻgʻridan toʻgʻri ulanib, “zangori yoqilgʻi”dan noqonuniy foydalanib kelgani aniqlandi. Holat boʻyicha dalolatnoma rasmiylashtirilib, 435,85 million soʻmlik zarar qayta hisob-kitob qilindi.

Viloyatning Zangiota tumani “Namuna” MFYda yashovchi fuqaro O. M. xonadonidagi issiqxonaga hisoblagichdan tashqari yashirin yoʻllar bilan oʻtkazilgan rezina shlang orqali gaz tarmogʻiga toʻgʻridan toʻgʻri ulanib, tabiiy resursdan oʻgʻrincha foydalanib kelgani maʼlum boʻldi. Noqonuniy foydalanilgan tabiiy gaz hajmi qayta hisob-kitob qilindi hamda 168,48 million soʻmlik zarar aniqlandi.

Yuqoridagi holatlar boʻyicha barcha hujjatlar huquqni muhofaza qiluvchi organlarga yuborildi. Nazorat tadbirlari davom etmoqda.

Batafsil: https://hududgaz.uz/ads?id=13219

💬Facebook | 👉Telegram |▶️ YouTube | 📷Instagram | 🌐 hududgaz.uz