📌 Банкларга ёшларнинг олий таълим олиши қизиқ эмас(ми?)

Маълумки, имтиёзли таълим кредити табақалаштирилган, супер-контракт, махсус сиртқи, кечки ва сиртқиларга берилмайди. Шу боис, Марказий банкка талабалар учун кам фоизли қандайдир бошқа кредитлар борми, деган савол билан мурожаат қилдик.

Марказий банк Истеъмолчилар ҳуқуқларини ҳимоя қилиш бошқармаси вакилининг билдиришича, ҳозирча Вазирлар Маҳкамасининг 527-сонли қароридан бошқа имтиёзли таълим кредити жорий қилинмаган. Аммо ҳар бир банк кредит сиёсатидан келиб чиқиб, мустақил равишда таълим кредити ажратиш ҳуқуқига эга.

Умид билан банкларни ҳам шу масалада бирма-бир безовта қилиб чиқдик. Афсуски, давлат банклари ҳам, хусусий банклар ҳам талабалар учун ҳеч қандай таълим кредити жорий қилмаган.

“Ҳозирча 527-сонли қарор асосида кредит беряпмиз. Айнан талабалар учун бошқа кредит йўқ. Лекин ёшлар истеъмол кредитидан фойдаланиши мумкин”, деган жавобни олдик банклардан.

Истеъмол кредитларининг фоизи эса осмон. 23 фоиздан 30 фоизгача, кўпи билан 50 млн. сўмгача олишингиз мумкин, холос.

Илгари ҳам айтганман, яна айтаман. Банклардаги пул ҳам халқнинг пулидан тўпланган бўлса-да, банкларимиз ҳамон фақат ўзининг манфаатидан келиб иш кўрмоқда. Ҳатто улар учун Ўзбекистон келажаги ҳисобланган ёшларнинг олий таълим олиб, эртага Ватанга, Халққа хизмат қилувчи етук мутахассис бўлиб етишиши ҳам қизиқ эмас экан. Бу йил Ёшларни қўллаб-қувватлаш йили бўлса ҳам.

Қолаверса, бундай ишларни мувофиқлаштирувчи, таклиф ва ташаббус қилувчи, керак бўлса буйруқ берувчи Марказий банк ҳам бу борада жим. Бундай масалалар бўйича “юқори”дан қандайдир буйруқ берилишини кутиб ишлаш сиёсатидан қачон воз кечасизлар, ҳурматли банкирлар?!

Хуллас, Ёшлар ҳамма гап ўзимизда қолди.

Тиним билмай ўқинг, ўқинг ва яна ўқинг. Шундагина банклар олдида сарғаймай, тўлов-контракт, супер деган бошоғриқлардан холи бўласиз.

@deputat_ziyayev

#16_сентябрь_куни
#Матбуот_анжумани

Бугун 16 сентябрь куни соат 10:30да Мирзо Улуғбек туман ҳокимлигида Давлат кадастрлари палатаси Тошкент шаҳар бошқармасининг Мирзо Улуғбек тумани филиали масъул раҳбарлари иштирокида Очиқ мулоқот ўтказилади.

Шу муносабат билан, Сизда юқоридаги масъул раҳбарга саволларингиз бўлса қуйида қолдиришингиз мумкин!

Ушбу очиқ мулоқотни онлайн тарзда, Facebook жтимоий тармоғидаги расмий каналимизда кузатиб боришингиз мумкин.

Хусусан, ОАВ ва блогерларнинг ҳам иштироки таъминланади. (ОАВ ходимлари, журналистлар ва блогерлар 98 301-67-47 рақамига мурожаат қилишлари мумкин).

✍️Мирзо Улуғбек туман ҳокимлиги
Матбуот хизмати
@Hokimiyat_MirzoUlugbek

✅Пойтахтимизнинг Мирзо Улуғбек туманидаги 210-сонли умумтаълим мактаби битирувчиси Элмурод Эркинов дунёнинг бир йўла 37 университетига ўқишга кириш учун муваффақиятли имтиҳон топширди.

❇️Улар орасида Россия, Буюк Британия, Испания, Латвия, БАА, Малайзия, АҚШ, Кипр каби мамлакатларнинг номдор олий таълим муассасалари борлиги эътиборлидир. Якунда Элмурод Эркинов Халқаро Вестминстер университетини танлади ва ўқишни бошлади.

🎥Бу ҳақда Sevimli телеканали Zamon дастурида намойиш этилган репортаж орқали батафсил танишинг.

🖌@Hokimiyat_MirzoUlugbek

#16_сентябрь_куни
#Матбуот_анжумани

Бугун Мирзо Улуғбек туман ҳокимлигида Давлат кадастрлари палатаси Тошкент шаҳар бошқармасининг Мирзо Улуғбек тумани филиали бош мутахассиси Носир Қудратиллаев иштирокида фуқаролар билан очиқ мулоқот ўтказилди.

🎥Батафсил қуйидаги лавҳамизда кузатишингиз мумкин.
https://www.facebook.com/Hokimiyat.MirzoUlugbek/videos/549778726249847

✍️Мирзо Улуғбек туман ҳокимлиги
Матбуот хизмати
@Hokimiyat_MirzoUlugbek