✔️ Joriy yilning 24 oktyabr kuni Mirzo Ulug‘bek tumani maktabgacha va maktab taʼlimi bo‘limi tasarrufidagi 35-sonli umumiy o‘rta taʼlim maktabi hududida “Chaqiruvga qadar boshlang‘ich tayyorgarlik” fani o‘qituvchilariga bir kunlik o‘quv yig‘ini tashkil etildi.

⏩ O‘quv yig‘inini Tuman mudofaa ishlari bo‘limi boshlig‘i podpolkovnik Shokarimov Dilmurod Rustamovich o‘z nutqi bilan boshlab berdi va ularga armiyada olib borilgan so‘ngi yutuqlar, hozirgi kunlarda olib borilayotgan islohotlar, harbiy taʼlim muassasalari, u yerda tayyorlanadigan mutaxassisliklar, o‘qishga qabul qilish tartibi to‘g‘risidagi maʼlumotlari batafsil tushuntirildi.

⏩ Tadbirda O‘zbekiston Respublikasi Prezidentining “2022-2026 yillarga mo‘ljallangan Yangi O‘zbekistonning taraqqiyot strategiyasi"ni “Insonga eʼtibor va sifatli taʼlim yili”da amalga oshirishga oid davlat dasturi to‘g‘risida" 2023-yil 28-fevraldagi PF-27sonli Farmoni hamda O‘zbekiston Respublikasi Vazirlar Mahkamasining 2023-yil 8-noyabrdagi “Taʼlim muassasalarida chaqiruvga qadar boshlang‘ich tayyorgarlikni tashkil etish tartibi to‘g‘risidagi Nizomni tasdiqlash haqida”gi 591-sonli Qarori asosida CHQBT xonalarini harbiy-vatanparvarlik targ‘ibot o‘quv sinfiga almashtirish bo‘yicha Konsepsiya yaratilganligi, tumanda hozirgi kunda 10 ta umumtaʼlim maktablarda jihozlash ishlari yakunlanganligini taʼkidlab o‘tdi.Namuna sifatida 35-sonli maktabining harbiy-vatanparvarlik targ‘ibot o‘quv sinfi barchaga ko‘rsatildi.

✔️ O‘quv yig‘inida barcha CHQBT fani o‘qituvchilari tashrif buyurishdi, shuningdek oldinda bajarilishi kerak bo‘lgan topshiriqlar, Vatanparvar harbiy sport musobaqasining Tuman bosqichi, “Vatan tayanchi” otryadi aʼzolarining “VAʼDA BERISH” marosimini to‘liq yakunlash) masalalari to‘g‘risida va uning o‘tkazilish kunlari belgilab olindi.

🚀 Telegram    🔵Facebook
📷 Instagram 🎬 YouTube