Mirzo Ulug‘bek tumanida "Yil ayoli" milliy tanlovining tuman bosqichi bo‘lib o‘tdi

♻️ Mirzo Ulug’bek tumanidagi 338-maktabda "Yil ayoli" milliy tanlovining tuman bosqichi bo‘lib o‘tdi. Ushbu tanlovda tumanda faoliyat yuritayotgan tashkilotlarning eng faol, eng izlanuvchi va iqtidorli ayollari 11 ta yo‘nalishi bo‘yicha bellashdilar.

Tanlov maqsadi: mamlakatimiz rivojiga ulkan hissasini qo‘shib kelayotgan, yuksak ma’naviyatli, oilada va farzand tarbiyasida ibrat, o‘zi faoliyat ko‘rsatayotgan soha nufuzini oshirishda faol ishtirok etayotgan turli soha egalari bo‘lgan xotin-qizlarni qo‘llab-quvvatlash, ularni jamoatchilikka yaqindan tanishtirish, ilg‘or ish tajribasini ommalashtirish; professional salohiyatini, ishbilarmonlik, raqobatbardoshlik sifatlari va bilim darajasini oshirish uchun zarur shart-sharoit yaratishdir.

✍🏻Mirzo Ulug'bek tuman hokimligi Matbuot xizmati

Мирзо Улуғбек туманидаги 2-сектор ҳудудида жойлашган маҳаллаларида хотин-қизлар ўртасида тадбиркорлик билан шуғулланиш, кредитларни ажратиш тартиби ва бизнес режаларни ишлаб чиқиш бўйича тарғибот тадбирлари ўтказилди.

Тарғибот тадбирларида Мирзо Улуғбек тумани Оила ва хотин бўлими бошлиғи ҳамда тумандаги тижорат банклари масъуллари олиб борди. Шунингдек, ушбу тарғибот тадбирларида иштирок этган хотин-қизлар ўзларини қизиқтирган савол ва таклифлар билан мурожаат қилиб, мутахассислар томонидан керакли тавсия ва маслаҳатлар олдилар.

✍🏻Mirzo Ulug'bek tuman hokimligi Matbuot xizmati

Бугун Мирзо Улуғбек туманида жойлашган "Элобод" маҳалласи биносида Тошкент шаҳар ҳокими ўринбосари, Оила ва хотин-қизлар бошқармаси бошлиғи Умарова Нодира Нигматуллаевна иштирокида фуқаролар қабули бўлиб ўтди.

Қабулда Мирзо Улуғбек тумани Оила ва хотин-қизлар бўлими мутасаддилари, туман тиббиёт бирлашмаси раҳбари ва масъуллари, туман ҳокимлиги мутасаддилари ҳам иштирок этиб, мурожаат қилиб келган ажрим ёқасидаги оилаларнинг муаммолари билан танишди.

Қабулда тумандаги маҳаллаларда нотинч, ажралиш арафасида турган оилалари билан якка тартибда суҳбатлар олиб бориш, оилаларни яраштириш ҳамда саломатлигини мустаҳкамлаш, бандлигини таъминлаш юзасидан мурожаатлар қабул қилинди. Мурожаатларнинг айримларига шу ернинг ўзида ечим топилди. Айрим мурожаатлардаги муаммоларни бартараф этиш муддат талаб қилганлиги боис, муддат белгиланди. Шунингдек, қабулга ҳуқуқий маслаҳат сўраб келган аёлларга батафсил ҳуқуқий йўл- йўриқлар кўрсатилди ва тушунтиришлар берилди.

✍🏻Mirzo Ulug'bek tuman hokimligi Matbuot xizmati