Vazir Xilola Umarovani yaqindan taniysizmi?

Bugun biz Xilola Umarova haqidagi ayrim ma’lumotlarni bir joyga jamlab, kuzatuvchilarimizga ulashishni lozim topdik.

Unda siz asli Germaniyada tug'ilgan Umarovaning yoshligi qanday kechgani, talabalik davri, Prezident maktabiga kirolmagan qizi hamda vazir lavozimiga tayinlangunga qadar bosib o'tgan yo'li haqida ayrim qiziq ma'lumotlar bilan ham tanishasiz.

Batafsil — https://xalqtaliminfo.uz/post/597

Telegram I Facebook I YouTube

​Taʼziya

ERKIN SAMANDAR VAFOT ETDI

Bugun O‘zbekistonda xizmat ko‘rsatgan jurnalist, Yozuvchilar uyushmasi aʼzosi, shoir, nosir va dramaturg Erkin Samandar vafot etdi.
Erkin Samandar 1935-yilning 22-martida Xorazm viloyatining Xonqa tumanidagi Navxos qishlog‘ida dunyoga kelgan. 1957-yili viloyat Pedogogika institutini, 1967-yili O‘zFA Til va adabiyot institutining aspiranturasini tamomlagan. O‘zbekiston televideniyesi “Yoshlik” studiyasining bosh muharriri, adabiy-dramatik eshittirishlar dasturining bosh muharriri, “Xorazm haqiqati” viloyat gazetasining muharriri vazifalarida faoliyat ko‘rsatgan.
Birinchi sheʼriy to‘plami “Amu jilolalari” (1966) nomi bilan chop qilingan. Shuningdek, uning “Dunyoning yoshligi” (1968), “Osmon to‘la nur” (1970), “Vafo degan gavhar” (1973), “Mening yigitlik vaqtim” (saylanma, 1979), “Qabul soatlari” (1980), “Sohildagi bolalar” (1982), “Яблоня во дворе” (Moskva, 1982), “Bahor oqshomlari” (1984), “Шедрост рассвета” (1985), “Sevgi fasllari” (1987), “Bu bog‘ni qaysi bog‘ derlar” (1988), “Sevgi kitobi” (1996), “Va yana bahor” (2010, Sayyora Samandar bilan hammualliflikda), “Ko‘ngil yoshligi” (2010) kabi sheʼriy to‘plamlari nashr etilgan. “Osmonning tosh tulpori”, “Oltin sandiq”, “Qo‘shiq izlab”, “Samarqandni oshiqlar qurgan” kabi dostonlari, 100 dan ortiq qo‘shiqlar muallifidir.
Erkin Samandar tarixiy mavzuda yaratilgan “Daryosini yo‘qotgan qirg‘oq” (roman, 1989), “Tangri qudug‘i” (roman, birinchi kitob 1989), “Quduq tubidan sadolar” (roman, ikkinchi kitob, 1989), “Pahlavon Mahmud Puryoyvaliy” (2000), “Sulton Jaloliddin” (roman, 2007), “Quyun yuzlari yoxud Ogahiy” (roman, 2009), “G‘ayb qushlari” (roman, qissa va hikoyalar, 2011) kabi kitoblar muallifi hamdir.
Dramaturg sifatida “Javohir” (musiqali drama, 1984), “Ajdodlar qilichi” (tarixiy drama, 1986), “Jaloliddin Manguberdi” (“Yot hujra”, pyesa, 1988), “Bashorat” (musiqali drama, 1988), “Arabmuhammad” (tarixiy drama, 1992), “Dilda borim” (musiqali komediya, 2012) kabi sahna asarlarini yozdi. “Avaz O‘tar”, “Madraim Sheroziy”, “Ming otlilar diyori”, “Ogahiy qo‘lini olgan rais”, “Xiva”, “Qum sayli” kabi hujjatli-publitsistik filmlar yaratdi, ko‘plab esselar yozdi.
Xorazm viloyat musiqali drama teatrida sahnalashtirilgan “Dilda borim” (2012) va “Jaloliddin Manguberdi” (2019) spektakllari sahnalashtirilgan.
Erkin Samandar milliy adabiyotimiz va jurnalistikamizni rivojlantirishdagi samarali hissasi uchun Vatanimizning oliy mukofotlari – “O‘zbekistonda xizmat ko‘rsatgan jurnalist (1990) faxriy unvoni va “Do‘stlik” (2015) ordeniga sazovor bo‘lgan.
O‘zbekiston Yozuvchilar uyushmasi jamoasi va ko‘p sonli aʼzolari uyushma aʼzosi Erkin Samandarning vafoti munosabati bilan uning oilasi va yaqinlariga chuqur hamdardlik bildiradi.
Janoza namozi ertaga, 14-aprel kuni soat 12:00da Urganch shahri Jaloliddin Manguberdi ko‘chasi, 60-uy, shoir xonadonida o‘qiladi. Mo‘ljal: Viloyat bojxona boshqarmasi.

O‘zbekiston Yozuvchilar uyushmasi Axborot xizmati

Urganch davlat universiteti viloyat Maktabgacha va maktab ta'limi boshqarmasi bilan birgalikda olimpiada o'tkazilishini e'lon qiladi!

📌 Olimpiada fizika, kimyo, biologiya va informatika va axborot texnologiyalari fanlari 11-sinf bitiruvchilari o'rtasida o'tkaziladi.

📆 Tuman (shahar) bosqichi - 22-aprel kuni (online tarzda);
📆 Viloyat bosqichi - 24-aprel kuni kimyo, biologiya fanlari (offline tarzda), fizika, informatika va axborot texnologiyalari fani (online tarzda);
📆 Yakuniy universitet bosqichi – 26-aprel kuni kimyo, biologiya, informatika va axborot texnologiyalari fanlari, 27-aprel kuni fizika fani universitet binosida oʻtkaziladi.

📍 Tuman (shahar) bosqchida hohlovchi 11-sinf o'quvchilari Nizomning tegishli bandlaridagi havola orqali ro'yxatdan o'tib, 22-aprel kuni maktabidan Apro platformasida o'zing login va paroli bilan tanlagan fanidan ushbu olimpiadada ishtirok qilishi mumkin.

🏅Yakuniy universitet bosqichida Fizika, kimyo, biologiya fanlari bo‘yicha 1-3-o‘rinlarni egallagan o‘quvchilarni oliy ta’lim muassasasining mablag‘lari hisobidan o‘qishga qabul qilish va toʻrt yili ham toʻlab berilishi hamda informatika va axborot texnologiyalari fanidan 1-3-oʻrinlarni egallagan sovrindor o‘quvchilarni birinchi o‘quv yili uchun to‘lov oliy ta’lim muassasalarining mablag‘lari hisobidan amalga oshiriladi.

@T_Nurmetov