​​Яўген Пуставой:
"Самае простае і зразумелае — эканоміка. Кантакты і кантракты. Афрыка чакае інвестыцый. Не прыхватызацыі, а інвестыцый. Не «старлінкаў», а самых прыземленых тэхналогій. У земляробстве, адукацыі, фармацэўтыцы, будаўніцтве. Не спонсараў з тоўстым кашальком, а сяброў са спагадлівым позіркам. Беларусь і Зімбабвэ глядзяць у адзін бок. Бок далейшага развіцця.
🔹
За трыццаць гадоў дыпламатычных адносін было заключана каля дзесяці кантрактаў, пагадненняў, мемарандумаў. Столькі ж — за трыццаць хвілін у прысутнасці кіраўніка нашай дзяржавы. Вядома, да яго візіту рыхтаваліся. Бо ведаюць, любяць, паважаюць. У першую чаргу за палітычную пазіцыю. Роўны — з роўнымі.
🔹
Паўтарамільярдная Афрыка — насамрэч будучыня свету. Доля моладзі ў 2050 годзе на кантыненце дасягне каля 60 працэнтаў. Гэта адзіны рэгіён свету, у якім будзе назірацца значны прырост насельніцтва да канца стагоддзя.
🔹
Нашы кампетэнцыі якраз даспадобы і аднаму з самых заможных рэгіёнаў Блізкага Усходу. Пяць мільярдаў долараў арабскія шэйхі гатовыя інвеставаць у нашу эканоміку. Пра што гэта сведчыць? Пра тое, што нам давяраюць.
🔹
Сямейнасць у арабаў — залог даверу. Што-што, а давер усё больш краін свету выказвае нашаму Прэзідэнту. Гэтыя візіты маюць не толькі эканамічныя ды палітычныя вынікі. Гэта яшчэ і пасыл свету. Шматполюснаму свету. Дзе сябруюць краінамі, але не дыктуюць умовы."

#Пустовой
#МЫБеларусь

​​Яўген Пуставой:
"Падчас халоднай вайны была Берлінcкая сцяна. А цяпер Белавежская. Па ініцыятыве Польшчы. У такія нетры еўрапейскія палітыкі яшчэ не заходзілі. Можна заблукаць і не выйсці з пасткі, якую сам і падрыхтаваў. У жыхароў памежжа Дуда ўжо страціў павагу. Палякам было выгадна купляць беларускае. А яшчэ праз сваіх палітыкаў яны страцілі тое, што грашыма не ацаніць: сямейныя і суседскія сувязі. Усё — заслона.
Спачатку агароджа, як атручаная страла, увайшла ў самае сэрца Белавежжа. Галоўнага лесу Еўропы. Пра апантаную еўрапейскую экалагічнасць раптам усе забыліся. Пра шкоду для аб'екта Сусветнай (!) спадчыны ЮНЕСКА па той бок Буга ніхто так крытычнага матэрыялу і не зрабіў. А вы кажаце «дэмакратыя». Упёрлася яна носам у сцяну.
Але адмежавацца ад здаровага сэнсу не атрымаецца. Як не ўдасца санкцыямі загубіць сапраўдныя інтарэсы бізнесу. За беларускія гасціннасць, спакой і камфорт на дарозе заўжды «тапілі» лагістычныя кампаніі. З усходу на захад найкарацейшы шлях. З зайздрасці ці наўмысна — мытнікі і пагранічнікі ЕС працавалі вельмі марудна. Усё казалі, што, маўляў, беларусы вінаватыя. Ну што, цяпер, пасля закрыцця пагранперахода ў Баброўніках зразумелі, каму выгадныя тыя сцены непаразумення? Не кітайскім кампаніям, не польскім перавозчыкам. І не палякам. Рэжыму Дуды? Не. Таму, хто ім «руліць». Вось вам і дэмакратычна абраны прэзідэнт...
І ніхто ж не замінае. Тыя польскія памежныя муры — насамрэч дзірка для еўрапейскіх кампаній. Лагістычныя схемы парушаны. Бо Польшча намінальна ў Еўропе, а фактычна латыфундыя ЗША. Наогул такія сцены паміж Захадам і Усходам перш за ўсё выгадныя Амерыцы. Аслабіць і без таго Стары талерантны Свет. А можа, усё гэта для бяспекі Байдэна, можа, так Польшча рыхтавалася сустракаць свайго ўладара?
Кажуць, Дуда паслухаў скавытанне збеглых бажкоў. Зачыніць вароты, каб збеглыя зноў не збеглі. Цяпер яны енчаць, каб трапіць дадому. Сытыя той еўрапейскай рэчаіснасцю. Вось і атрымліваецца, што зноў здрада. Як было заўжды ў зносінах паміж Варшавай і нашымі здраднікамі. Але цяпер ужо і Дуда падмануў свой электарат, а ідалы пратэсту ў ахвяру сваім банкаўскім рахункам прынеслі сваіх адэптаў. «Неверагодных» ператварылі ў тавар. Рэкрутаў для вайны на Данбасе. Каб выратаваць — Беларусь паклікала дамоў. Каб перашкодзіць — Польшча закрыла пункт пропуску. Ехалі ў дэмакратыю, а апынуліся ў гета. З «дыктатарскай» Беларусі можна было з'ехаць, а паспрабуйце цяпер вырвацца з «гасцінных» лап польскай «дэмакратыі».
Звыклая мова санкцый. Інакш ужо не ўмеюць. Падтрымаць мяцеж, задушыць эканамічна — што яшчэ засталося ў арсенале? Вельмі вялікі арсенал на памежжы. З нашага боку нічога. З польскага — наступальнае ўзбраенне. А можа, калі закрываюць граніцы, яны наўмысна штосьці хаваюць. Палітычнае сумленне не схаваеш. І буслы, хоць і не такія крыважэрныя, як вашынгтонскія ястрабы альбо польскі orzel, але яны заўсёды вяртаюцца дамоў. Нішто не перашкодзіць.

#Пустовой
#МЫБеларусь

🇧🇾🇨🇳Сегодня начался государственный визит Александра Лукашенко в Китай. Это самая высокая степень встречи на высшем уровне.
Подробности в репортаже Евгения Пустового 😎

#Пустовой
#МЫБеларусь

🇧🇾🇨🇳Продолжается визит Александра Лукашенко в Китай. Какие заявления звучали сегодня и о чем договорились лидеры двух стран? Подробности в репортаже Евгения Пустового 😎

#Пустовой
#МЫБеларусь

🇧🇾🇨🇳Сегодня завершился трехдневный государственный визит Александра Лукашенко в Китай. Все подробности в репортаже Евгения Пустового 😎

#Пустовой
#МЫБеларусь

🇧🇾🇮🇷Как прошел визит Александра Лукашенко в Иран? Подробности в репортаже Евгения Пустового 😎

#Пустовой
#МЫБеларусь

Евгений Пустовой:
"Политическая элита Европы превращена в подпевал, институты демократии и безопасности — в инструменты ликвидации несговорчивых, самых независимых лидеров стран. А мир они хотят превратить в доноров долларовой системы расчётов. Всё было бы ничего, но тут Китай набирает силу, Россия просыпается от  либерально-грабительского периода. И Беларусь – Брестская крепость. Но кому такое понравится?"

#Пустовой
#БезГалстуков_и_купюр
#МЫБеларусь

​​Яўген Пуставой:
"«З цэлым народам гутарку весці, сэрца мільёнаў падслухаць біцця. Гэткай шукаю цэлы век чэсці, гэта адно мне падпорай жыцця», — так думаў і пісаў Купала. Так намагаецца рабіць наш Прэзідэнт. У працытаванага твора класіка вельмі лірычная назва і яе знакавы пасыл — «З кутка жаданняў». Той куток мы стварылі. А вось цяпер яго трэба зберагчы. Так стараецца рабіць Прэзідэнт. Яскравы прыклад — Пасланне беларускаму народу і парламенту.
🔹
З вялікай цікавасцю за выступленнем кіраўніка Беларусі назіралі і ў розных кутках нашай краіны, і ў многіх іншых дзяржавах. Бо менавіта наш Прэзідэнт кажа праўду і прапануе самыя смелыя ідэі. Чаму ўплыў прамовы, звернутай да беларусаў, выходзіць за межы нашай краіны? Таму што, як заўжды, Беларусь у рэчышчы геапалітычных працэсаў. Такі лёс нам вызначыла геаграфічнае становішча. І беларускі лідар прапануе свету прадукцыйную мадэль развіцця. Дзе ў будучыні ёсць месца розным краінам, рэлігіям, культурам. Дзе ў будучыні ёсць месца мужчыне і жанчыне. Дзе ў будучыні ёсць месца біблейскаму Чалавеку.

Галоўнае ж — застацца гаспадарамі ў сваёй хаце. Незалежнасць — гэта магчымасць застацца ў Гісторыі. Эмацыянальнае, пранікнёнае, кажучы па-беларуску, «людскае» Пасланне Аляксандр Лукашэнка ператварыў яшчэ і ў інструкцыю да дзеянняў. Што трэба зрабіць, каб агульны беларускі дом застаўся нашым. Каб нас, як тое часта было, не выштурхнулі з роднага гнязда і не ўпіхнулі ў хатынскі хлеў. Яшчэ раз паўтару — трэба зберагчы свой дом. Як той казаў, з гэтым заходнім наступленнем, у тым ліку эканамічнымі санкцыямі, — не да раскошы. Але... Эканоміка працуе. І прыбытак ад гандлю ёсць. Урад паспяхова дыверсіфікаваў рынкі. У перыяд эканамічнай блакады і пенсіі павялічваем, і цэны трымаем.
🔹
Прэзідэнт асабліва ўважліва аднёсся да захавання традыцыйнай беларускай духоўнасці. Дзяды замест Хэлаўіна, шматдзетнасць, увогуле КЛАСІЧНАЯ сям'я замест «чайлдфры». Беларусы асілілі імпартазамяшчэнне ў эканоміцы, цяпер час зрабіць тое ж самае і з духоўнасцю. Бо менавіта з ідэй чужынцаў, заморскіх «кодаў маралі», і пачынаюць навязваць новы ўклад жыцця. Цяпер гэта не толькі грамадска-палітычны лад. Гляньце на Украіну. Чаму вайна разгарнулася нават супраць святыняў? Бо англасаксам патрэбен толькі глабальны свет. Не мір. А свет. Усё астатняе знішчаюць. Шмат залатых думак было выказана Прэзідэнтам. І пра тое, што менавіта англасаксы — бенефіцыяры ўсіх «перамэн». Брудных і крывавых. Звычайныя еўрапейцы ў заложніках. І Беларусь — гэта Еўропа. Сапраўдная, у якой у кожнага ёсць свая дарога да храма. І не блытайце з мультыкультуралізмам. У нас беларуская верацярпімасць. Ніхто нікому не замінае адзначаць свой Вялікдзень альбо Пэйсах.
Шмат было пра геапалітыку. Бо мы на вастрыі. Гляньце на геаграфічную карту — беларускі балкон. І не мы сцягваем зброю на памежжа суседзяў. Яшчэ раз пераслухайце Прэзідэнта. Прамову пра бяспеку. І тэракты не мы намагаемся ўчыніць у суседзяў. Але варта рэагаваць, каб мір быў у нас. Мы хацелі б, каб не было вайны ў суседзяў. Ну не могуць беларусы сядзець за бяседай, калі ў суседа дзеці плачуць. Так і ў чалавечых зносінах, так і ў нашай палітыцы. Лукашэнка прапанаваў самы людскі варыянт. Каб спыніць бітву, трэба перастаць наносіць удары. Лібералы, ворагі і заходнікі крычалі: маўляў, не будзем мы слухаць Пасланне. Так не слухалі, што ўжо тыдзень разбіраюць, пішуць, тлумачаць. Па ўсіх паказчыках, праглядаў было больш, чым летась. Як у краіне, так і за яе межамі. Мільёны! Гістарычнай прамова стала для ўсіх. Слухалі. Пачулі. А ці ўцямілі?
І галоўнае. Ці застанецца Прэзідэнт? Ну не па-лукашэнкаўску пакідаць хату, калі ў адных суседзяў — пажар, другія — са зброяй у руках спадылба паглядаюць у наш бок. Лукашэнка шмат зрабіў для краіны, для беларусаў. Цяпер намагаецца ўмацаваць і пакінуць такую сістэму, каб захаваць усё, што сёння маем. Звычайнае жаданне бацькі."
#Пустовой
#МЫБеларусь

Евгений Пустовой:
"Я знаю, что может стать символом мира. Это вовсе не нью-йоркское здание ООН. С его высоких этажей англосакские элиты надменно смотрят на всю планету. Вообще не надо глубинных смыслов искать в заморской стороне. Доискались. Символом мира может стать минское пространство — Ратуша. С одной стороны наш православный Собор виленского барокко и костёл того же стиля архитектурного. А политическая архитектура Беларуси была, есть и останется самой миролюбивой. Если мы и воюем, то только с милитаризацией."

#Пустовой
#БезГалстуков_и_купюр
#МЫБеларусь