Расейскія акупанты стварылі аналаг украінскіх клубаў і заявілі іх у свой чэмпіянат

Чарговая крадзеж Расеі – цяпер яны стварылі два фэйкавыя клубы. Акупанты заяўляюць:

«Луганская "Заря"» і данецкі "Шахцёр" прайшлі атэстацыю Футбольная нацыянальная ліга (ФНЛ) і былі заяўленыя ў Другую лігу – дывізіён Б, зона Поўдзень – на сезон 2026 года. У лізе ўдакладнілі, што рашэнні былі прынятыя на пасяджэнні камісіі, і паводле вынікаў аднаго з пасяджэнняў атэстаты атрымалі 28 клубаў.

🇺🇦Сапраўдныя ж "Шахцёр" Данецк і "Заря" Луганск працягваюць выступаць у чэмпіянаце Украіны, а «Шахцёр» – яшчэ і ў плэй-оф Лігі канферэнцый.

Пакуль Расея магла выступаць на міжнароднай арэне і баялася санкцый, яна не чапала клубы з акупаваных тэрыторый. Але пазней уключыла ў свой чэмпіянат каманды з акупаванага Крыму і Данбасу.

На фота – сапраўдны «Шахцёр».

Расея запускае фэйкі пра сваё вяртанне ў вялікі футбол⚽️
Але ў бліжэйшы год гэтага не адбудзецца – тлумачым, чаму.

12 лютага ў Бруселі прайшоў Кангрэс UEFA. Пасля яго ў сотнях, пераважна рускамоўных, СМІ і тэлеграм-каналаў з’явілася інфармацыя, што нібыта за вяртанне Расеі на міжнародную арэну прагаласавалі Казахстан, Балгарыя, Сербія, Грэцыя, Вугоршчына ды Боснія і Герцагавіна.

Мы ўважліва вывучылі праграму і справаздачы Кангрэса – і нідзе нават не згадвалася пытанне вяртання Расеі, не кажучы ўжо пра галасаванне па ім.

Ці была ўвогуле расейская дэлегацыя ў Бруселі?

Так, была.
Але хто ўваходзіў у яе склад – у адкрытых крыніцах няма.
Для параўнання: усе іншыя дэлегацыі паведамілі, хто канкрэтна прадстаўляў іх федэрацыю на канферэнцыі. Нават Беларусь.

Пазней некаторыя расейскія СМІ прызналі, што сапраўды ніякага галасавання не было, але «пытанне вяртання Расеі» абмяркоўвалася нібыта ў кулуарах. А краіны, якія нібыта падтрымліваюць Расею, – гэта прадстаўнікі краінаў у Выканаўчым камітэце УЕФА. Але ў выканкам уваходзяць 20 сябраў, і ніводны з іх публічна не заяўляў пра падтрыманне вяртання Расеі да афіцыйных спаборніцтваў.

Больш за тое, публічную пазіцыю УЕФА вельмі выразна агучыў прэзідэнт арганізацыі – Александэр Чэферын.
Паводле яго словаў, пазіцыя УЕФА не змянілася, і гаворкі пра вяртанне расейцаў у футбол няма, але арганізацыя «штодня аналізуе дэталі гэтай сітуацыі».

Другі фэйк: «Расею верне ФІФА без згоды УЕФА»

Калі гэты наратыў разваліўся, Расея запусціла новы фэйк: нібыта ў красавіку 2026 года на кангрэсе FIFA Расею вернуць у міжнародны футбол без згоды УЕФА.
Нібыта гэтую ідэю агучыў прэзідэнт ФІФА – Джані Інфантына.

Але ФІФА не мае права вяртаць Расею без згоды УЕФА.
Ніколі ў гісторыі ФІФА не аднаўляла ўдзел нацыянальнай зборнай у абыход кантынентальнай канфедэрацыі – гэта супярэчыць статуту.

Да якога часу аднаўленне ўдзелу Расеі немагчыма?

Да 4 сакавіка 2027 года, калі чарговы Кангрэс УЕФА ў Астана можа разглядаць гэтае пытанне, вяртанне Расеі немагчыма.

Гэта азначае, што Расея дакладна прапусціць Еўра-2028, лёсаванне якога адбудзецца 6 снежня 2026 года, а таксама мінімум яшчэ адзін цыкл еўракубкаў.

Уся іншая інфармацыя на гэтую тэму – ўкіды.

Чаму Расію выключылі?

Нагадаем, што ў 2022 годзе Расія была выключаная з усіх клубных і міжнародных спаборніцтваў УЕФА пасля поўнамаштабнага ўварвання ва Украіну.

IKEA адкрывае сваю першую краму ў Беластоку

Яна будзе нестандартнай — у кампактным фармаце. Новая IKEA з’явіцца ў Galeria Zielone Wzgórze, у памяшканні, якое раней займаў гіпермаркет Carrefour. Адкрыццё плануецца ўжо ў гэтым годзе.

Крама ў Беластоку — гэта працяг развіцця новага фармату, які дэбютаваў на польскім рынку ў Bielsko-Biała у 2025 годзе. Ён павінен стаць адказам брэнда IKEA на зменлівыя пакупніцкія паводзіны спажыўцоў, а таксама спосабам прынесці прапанову IKEA ў меншыя гарады.

Беларуска з польскім пашпартам, стала лепшай спартоўкай года на Падляшшы

Марыя Жодзік – спартоўка 2025 года па версіі Падляшскай алімпійскай рады.

Лёгкаатлетка выступае за KS Podlasie Białystok. У мінулым годзе яна прадстаўляла Польшчу на
камандным чэмпіянаце Еўропы, дзе заняла 2-е месца з вынікам 1,97 м. У фінале скачка ў вышыню на чэмпіянаце свету ў Токіа яна ў трэцяй спробе ўзяла вышыню 2,00 м, пабіўшы свой асабісты рэкорд і заваяваўшы тытул віцэ-чэмпіёнкі свету.

Спартоўка нарадзілася ў беларускіх Баранавічах, і раней выступала за Беларусь. Але ў 2020 годзе падтрымала беларускі народ – падпісаўшы ліст за сумленныя выбары і супраць гвалту, а пазней выказалася супраць вайны в Украіне.

З 2022 года Жодзік жыве ў Польшчы. Улетку 2024 года яна атрымала права афіцыйна прадстаўляць гэтую краіну на міжнародных спаборніцтвах.

🐶 Яе адправілі дажываць, але яна збегла ў Польшчу

Неверагодная гісторыя сабакі, які прабег 80 кіламетраў і цяпер жыве за мяжой.
У канцы мінулага тыдня ў Straż miejska Белай-Падляскай патэлефанавалі: маленькі сабака ляжыць на зямлі, а тут так халодна.

Ахова гораду выехала на выклік, забрала сабаку і адвезла ў прытулак, дзе цяпер яму нічога не пагражае.
Пазней аказалася, што сабачцы на мянушку Сіма 14 гадоў, раней яна жыла ў берасцейскім раёне Бярозаўка. У дом ісці не хацела, для яе пабудавалі буду, яе ўсе любілі ды падкормлівалі. Але нядаўна на Сіму напалі іншыя сабакі, яе цудам выратавалі валанцёры. Сабаку прааперавалі ды зашылі раны, а пазней адправілі дажываць у вёску на Камянччыне. Але, як аказалася, у Сімы на жыццё былі іншыя планы.

Без выдаткаў для вас – вы можаце дапамагчы цікаваму беларускаму праекту

У мінулым годзе клуб заснаваны беларускімі мігрантамі – BKS Pahonia, дабіўся здаецца не магчымага – атрымаў дазвол гуляць у польскім чэмпіянаце.

Патрапіць у сістэму польскага футболу BKS Pahonia спрабавала два гады. Беларускім футбалістам патрабаваўся дазвол ад Беларускай федэрацыі футбола, каб гуляць у польскім чэмпіянаце.

І ў выніку летась – мэта была дасягнутая. Цяпер беларускі клуб удзельнік чэмпіянату Польшчы, і кожны можа прыходзіць падтрымаць каманду. У гэтым сезоне ў клуба новыя сур'ёзныя мэты. І кожны з нас можа дапамагчы, пры гэтым нічога не губляючы. Калі вы плаціце падаткі ў Польшчы, выраеце куды направіць 1,5% з іх.

Як гэта зрабіць?
У падатковай дэкларацыі (PIT-37, PIT-36 і інш.) пазнач:
• KRS: 0000883672
• Фонд: Fundacja Centrum Białoruskiej Solidarności
• Мэта: BKS Pahonia

Ваша падтрымка дазволіць надалей развіваць каманду, арганізоўваць гульні і трэнаванні, а таксама папулярызаваць беларускі спорт у Польшчы.

У Беластоку пройдзе першы футбольны квіз «Татальны футбол»

Арганізатары абяцаюць займальную і пазнавальную вечарыну, якая прызначана на 23 лютага.

Гатовы праверыць, наколькі ты жывеш футболам?
Ведаеш склады каманд, легендарныя галы, скандальныя трансферы і крычалкі на памяць?

– задаюць першыя пытанні арганізатары квіза і адразу прапануюць меню вечара.

«Татальны футбол» – гэта не проста квіз. Гэта месца, дзе спрачаюцца пра Мэсі і Раналду, узгадваюць фіналы Лігі чэмпіёнаў, адгадваюць клубы па эмблемах і крычаць адказы гучней за супернікаў.

Збірай каманду і рэгіструйся. А пакуль мы адкрыем вам невялікі сакрэт: адным з удзельнікаў квіза стане каманда «Беластоцкія Дзікі».

У аўторак, 17 лютага, на старт на Алімпіядзе ў Італіі выйдзе адразу чатыры спартоўкі з Беларусі

У 10.45 і 11.30 па еўрапейскім часе адбудзецца два адборачных этапы ў жаночым фрыстайле. У каронным беларускім відзе – акрабатыцы – за права трапіць у фінал будуць змагацца: Ганна Гуськова, Анастасія Адрыянава, Ганна Дзяруга. А вечарам у 18.45 у фігурным катанні выступіць Вікторыя Сафонава.

У Беластоку ў рамках праекту WidziMisie з'явіліся мядзведзікі – заўзятары

Не цяжка дагадацца, што новыя фігуркі мядзведзікаў знаходзяцца побач з галоўнай арэнай гораду. Іх здымак у сваіх сацыяльных сетках выклаў намеснік прэзідэнта Беластоку Рафал Рудніцкі.
Зразумела мядзведзікі падтрымліваюць «Ягелонію», якой на гэтым стадыёне ў бліжэйшы час гуляць дзве топ-гульні: 19 лютага ў плэй-оф Лігі Канферэнцыяў супраць італьянскай «Фіярэнціны» і 1 сакавіка супраць «Легіі» у чэмпіянаце Польшчы.

Праз неспрыяльнае надвор'е ў Італіі перанесены старт кваліфікацыі ў лыжных акрабатак на Алімпіядзе

☝🏻Там мусілі выступаць тры нейтральныя спартоўкі з Беларусі.

У 10.45 і 11.30 еўрапейскага часу мусілі адбыцца два адборачныя этапы ў жаночым фрыстайле. У каронным беларускім відзе – акрабатыцы – за права трапіць у фінал павінны былі змагацца: Ганна Гуськова, Анастасія Адрыянава, Ганна Дзяруга. Але спаборніцтвы пакуль адкладзеныя з-за моцнага снегападу, а напярэдадні акрабаткі праз дрэннае надворʼе не змаглі правесці трэнаванне.

Кваліфікацыю па фрыстайле на Алімпійскіх гульнях 2026 года ў выніку перанеслі праз надвор'е.

Спаборніцтвы праходзяць у межах Зімовыя Алімпійскія гульні 2026, якія прымаюць Мілан і Кортіна-д’Ампецо. Моцны снегапад і складаныя ўмовы на трасе зрабілі правядзенне стартаў небяспечным, таму жаночую і мужчынскую кваліфікацыі перанеслі на час, калі надвор’е дазволіць выйсці на старт.
Тры беларускія акрабаткі так і не змаглі пачаць выступленні з-за моцнага снегападу. Напярэдадні непагода ўжо паўплывала на спаборніцтвы ў скачках з трампліна: у фінале была адменена трэцяя спроба, што адбілася на размеркаванні месцаў.

МОК дапусціў да ўдзелу ў Паралімпіядзе чатырох беларусаў і шасцярых грамадзян Расеі

Больш за тое, яны выступяць з сцягам, гімнам ды іншымі дзяржаўнымі атрыбутамі.
І гэта нягледзячы на тое, што Расея штодня працягвае забіваць украінцаў, а рэжым у Беларусі больш за пяць гадоў не спыняе жудасныя рэпрэсіі ды працягвае парушаць правы чалавека.

Ад Беларусі ў Мілан і Кортыну-д’Ампецца паедуць Валянціна Бірылы, Лідзія Лобан, Дар’я Федзьковіч і Раман Свірыдэнка.
Пра гэта прапагандыстам паведаміў генеральны сакратар Паралімпійскага камітэту Беларусі Мікалай Шудзейка. Сам Шудзейка актыўна падтрымлівае рэжым Лукашэнкі.

📆 Гульні пройдуць з 6 па 15 сакавіка.

Беларусы, паглядзіце, як за вашыя грошы катаецца турыстка з Масквы

Расейка з беларускім пашпартам правалілася ў фігурным катанні.

Вікторыя Сафонава заняла толькі 26-ае месца ў кароткай праграме ў фігурным катанні. Расейка за кошт беларусаў з'ездзіла ўжо на другую Алімпіяду.

Толькі адна з трох

На гульнях у Італіі нарэшце адбылася кваліфікацыя ў лыжных акрабатак
У фінал ад нейтральных спартовак з Беларусі патрапіла толькі алімпійская чэмпіёнка 2018 Ганна Гуськова, якая заняла восьмае месца.
Іншыя беларускі кваліфікацыю не прайшлі: Анастасія Адрыянава – 16 месца, Ганна Дзяруга – 17-ае.
Фінал пачнецца ў 13.00 (час еўрапейскі).

Алімпійскія гульні ў Мілане і Кортыне працягваюць радаваць нас яскравасцю і разнастайнасцю падзеяў. Паглядзіце, хто заняў 23-е месца ў жаночай лыжнай гонцы.

Калі вы шукалі працу ў сферы будаўніцтва, знайшлі для вас цікавую прапанову

Нашы партнёры з фірмы Tlbud шукаюць аддзелачнікаў, якіх падобна чакае вельмі крутая камандзіроўка.

🇩🇪 Гамбург – другі па велічыні порт у Еўропе, у якім адчуваецца атмасфера марскога гораду. Ён пранізаны каналамі ды рэкамі, а мастоў тут больш, чым у Венецыі і Амстэрдаме разам узятых.

Калі ў вас усё ў парадку з рукамі і вы ўмееце якасна рабіць унутраннае аздабленне, то зможаце не толькі атрымаць задавальненне ад атмасферы Гамбургу, але і добра зарабіць.

👉🏻Проста патэлефануйце +48530810130 або напішыце.