⚡️Telegram'da endi strimlarni o’tkazish mumkin, messenjer jamoasi yangilanishni chiqardi:

— Storisda endi jonli efirlarni ishga tushirish va donatlar olish mumkin;

— Taymer bo‘yicha takroriy xabarlarni yuborish funksiyasi paydo bo’ldi, bu misol uchun har kuni bir vaqtda nimanidir eslatib turish uchun qulay;

— iOS'da yangi kontaktlarni telefonga qo’shmasdan faqat Telegramda saqlash imkoniyati qo’shildi;

— Maxfiylik sozlamalarida endi «Musiqa» bo’limi mavjud bo’lib, unda profilingizdagi treklarni kimlar ko’rishi mumkinligini tanlashingiz mumkin.

Shuningdek, ilova dizayni ham yaxshilandi.

📟 DigiTech

🎾 Xitoyda sport translyatsiyalarining yangi xususiyatiga baho bering: endi o’yinni 360° aylantirib, istalgan nuqtadan kuzatish mumkin.

Bu texnologiya kort bo‘ylab o‘rnatilgan ko’p kameralar tizimi yordamida ishlaydi. Barcha kameralar tasvirni bir vaqtning o‘zida uzatadi, ilovada esa oddiy svayp bilan hech qanday tasvir kechikishisiz rakursni o’zgartirish mumkin.

Aylanma 360° translyatsiyalar hozircha faqat badminton va basketbol uchun yo’lga qo‘yilgan, ammo kelajakda boshqa sport turlari uchun ham mavjud bo’ladi.

📟 DigiTech

⚡️Tez orada butun dunyoda kompyuterlar uchun operativ xotira va qattiq disklar inqirozi boshlanishi mumkin.

Bunga neyron tarmoqlar sababchi: operativ xotira ma'lumotlar markazlari va katta hajmdagi ma’lumotlarni qayta ishlash uchun ommaviy ravishda sotib olinmoqda. Bu so’nggi bir yil ichida tezkor xotira narxining aql bovar qilmaydigan darajada 171% ga oshishiga olib keldi.

Vaziyatni ishlab chiqaruvchilarning o‘zlari ham yomonlashtirishyapti: Samsung, Micron va SK Hynix DDR4’ni ishlab chiqarishdan shunchaki voz kechib, bor e'tiborini DDR5 va HBM’ga qaratishdi — ular ko’proq foyda keltiradi va neyron tarmoqlar hamda serverlar uchun aktiv sotib olinadi.

Tanqislik allaqachon boshlangan: Yaponiyadagi do’konlar SSD va RAM sotuvini cheklab qo’yishdi — bir odam atigi bir juft SSD sotib olishi mumkin. Samsung esa atigi ikki oy ichida SSD narxini 60 foizga oshirdi.

Agar kompyuter yig’ishni o’ylab yurgan bo’lsangiz, hozir ayni vaqti.

📟 DigiTech

🧊 Antarktidada Yer yuzidagi eng qadimgi — yoshi taxminan 6 million yil bo’lgan muz qazib olindi.

Xalqaro olimlar guruhi Allan Hills hududida burg’ulash orqali namuna olishdi. U avvalgi rekorddan ikki baravar ko’proq yoshga ega va o’zida mayda havo pufakchalarini saqlaydi, bu aslida uzoq o’tmish atmosferasining «izlari»dir. Muz bo’lagi tahlili natijasida, o’sha paytda mintaqadagi harorat taxminan 10-14°C ga yuqori bo’lgani aniqlandi.

Bundan tashqari, hali yoshi aniqlanmagan ikkinchi namuna ham bor — unda deyarli gaz yo’q, yoshi esa yanada qadimiyroq bo’lishi mumkin.

📟 DigiTech