🤖 Dyusseldorfdagi REWE supermarketida CA-1 Series 4 — odamlar ishtirokisiz soatiga 120 ta taom tayyorlaydigan to’liq robotlashtirilgan oshxona ishga tushirildi.

U masalliqlarni bir necha daqiqada o’zi yig’ib, pishiradi va taomni uzatadi — jarayonda birorta ham odam ishtirok etmaydi. Robot soatiga 120 ta taom tayyorlay oladi va sifatni nazorat qiluvchi hamda oziq-ovqat chiqindilarini kamaytiruvchi algoritmlardan foydalanadi.

Qurilma uzluksiz 24/7 rejimida ishlaydi (agar masalliqlar o‘z vaqtida to‘ldirilib turilsa). Menyuda makaron, pyure, qovurdoq, salatlar va boshqa taomlar bor, narxlar 6 yevrodan boshlanadi.

📟 DigiTech

🧠 Video o‘yinlar miya qarishini sekinlashtiradi: olimlar 1472 kishining miyasini o’rganishdi va kreativ faollik biologik yoshni kamaytirishga yordam berishini aniqlashdi.

Geymerlarning miyasi ularning haqiqiy yoshidan o’rtacha 5-7 yilga yoshroq ekanligi aniqlandi. Tajriba doirasida professional bo’lmaganlar ham jalb qilinib, ular 30 soat davomida StarCraft II: Wings of Liberty o’yinlarini o’ynashdi. Natijada, ularning ko‘rsatkichlari ham yaxshilandi.

O’yinlardan tashqari raqs, musiqa va tasviriy san'at ham yordam beradi.

📟 DigiTech

⚡️Qaysi mamlakatlarda odamlar eng ko’p va eng kam vaqt ishlashadi — 2025 yilgi reyting e'lon qilindi.

Statistik ma'lumotlarga ko’ra, dunyo bo’ylab o’rtacha ish haftasi — 38.7 soatni tashkil qiladi.
Hammadan ko’proq Butanda ishlashadi, u yerda ish haftasi 54.5 soat, undan keyin Sudan (50.8 soat), Lesoto (50.2), Kongo (48.7) va BAA (48.4).

Eng qisqa ish haftasi esa Yaman (25.9 soat), Niderlandiya (26.8), Norvegiya (27.1) va Avstriyada (28.4) hisoblanadi.

O’zbekistonda haftasiga o’rtacha 40.4 soat ishlashadi.

📟 DigiTech

👨‍💻 Microsoft Google Chrome brauzerini yuklamay, Edge brauzerida qolish uchun «pul to’lamoqda».

Bing qidiruv tizimida «Chrome»so’rovini qidirishda foydalanuvchilarga Microsoft do’koni uchun 1300 ball taklif qilinyapti. Ya'ni, Edge'da qolish uchun taxminan 10-15 dollar atrofida to’lashmoqda, lekin pulda emas ballarda.

Ushbu ballarni sovg'a kartalari (gift-cards), obunalar va boshqalarga almashtirish mumkin. Biroq, Edge'ni agressiv reklamasi faqat Chrome so’rovi kiritilganidan so’ng chiqadi, boshqa brauzerlar qidirilsa, bunday taklif chiqmaydi.

📟 DigiTech

⚡️ GPT-5.1 chiqdi — OpenAI kutilmaganda yangi modelni chiqardi.

Sun'iy intellekt endi qachon «uzoqroq o‘ylash» yoki qachon shunchaki falsafasiz tez javob berish kerakligini o’zi hal qiladi.
Natijada oddiy savollarga tezroq, murakkab savollarga esa batafsilroq javob beradi.

GPT-5.1 dagi yangilanishlar:
- Ko’rsatmalarga rioya qilish yaxshilandi;
- Ohang va uslubni sozlash mumkin: Professionaldan to G'alatigacha;
- SI qanday kayfiyatda javob yozishini ham sozlash mumkin: iliq yoki do’stona;
- Avtomatik tanlov: mos modelni o’zi tanlaydi.

Barcha foydalanuvchilar uchun birnecha kunda mavjud bo’ladi.

📟 DigiTech

🗺️ Olimlar 100 mingdan ortiq tadqiqotlardan iborat ilmiy bilimlarning ulkan 3D xaritasini tuzishdi.

Har bir nuqtaga bosish va maqolani o’rganish mumkin, masalan, ishning ruhiy salomatlikka zarari haqida. Barcha materiallar mavzularning mos kelishiga qarab joylashtirilgan - jami 100 ta klaster to’plangan.

👉 3D ilmiy xaritaga havola.

📟 DigiTech

🪴 Xitoylik olimlar dunyoda birinchi bo’lib o‘simliklardan noyob tuproq metallarini ajratib olishga muvaffaq bo’lishdi.

Ma’lum bo‘lishicha, qirqquloqlar «changyutgich» kabi atrof-muhitdan elementlarni o‘zlashtiradi, natijada ularning to’qimalarida minerallar kristallanadi. Masalan, ulardan odatda radioaktiv elementlari bo’lgan monatsit ajratib olindi, ammo o‘simlikda u «toza va xavfsiz» holatda edi.

Nazariy jihatdan, qirqquloqlarni chiqindi omborlari va ishlatilgan konlarga ekish mumkin, u yerda ular qimmatbaho og'ir metallar qoldiqlarini ajratib olib, ifloslangan tuproqni tozalaydi.

📟 DigiTech

🚀 Amerikaning Blue Origin kompaniyasi dunyoda SpaceX'dan keyin ikkinchi bo’lib haqiqiy missiya davomida raketaning birinchi blokini muvaffaqiyatli qaytarib qo’ndirishga erishdi.

Kechasi kompaniya NASA'ning ikkita tadqiqot sun’iy yo‘ldoshini Marsga jo’natdi, so‘ngra Atlantika okeanidagi suzuvchi platformaga 17 qavatli uy kattaligidagi tezlashtiruvchi blokni qo‘ndirdi.

Endilikda kompaniya SpaceX kabi muntazam ravishda ko’p martalik raketalarni uchirishni yo’lga qo’ymoqchi.

📟 DigiTech

🤖 Xitoyning Ubtech kompaniyasi zavodlarda ishlash uchun odamsimon robotlarning butun bir armiyasini yig’di. Ularni hatto zaryadlash ham shart emas — gumanoidlar akkumulyatorlarni o’zlari almashtirishadi.

Aytishlaricha, bu bunday robotlarning dunyoda birinchi ommaviy yetkazib berilishi — bir vaqtning o’zida yuzdan ortiq robotlar BYD, Geely, FAW-Volkswagen, Dongfeng va Foxconn (Apple uchun iPhone'lar yig’adigan kompaniya) zavodlariga yuborildi, ular avtomobillar va gadjetlar ishlab chiqarishda yordam berishadi.

📟 DigiTech

⚡️Startap bittada 5 000 nafar IT mutaxassislarni ishdan bo’shatdi va bir necha kundan so’ng ularga «yangi» loyihada «yangi» ish taklif qildi, ammo soatiga 5 dollar arzonroq to’lov evaziga.

Kompaniya hatto o’z nomini «Musen»dan «Nova»ga o’zgartirdi, hammasi o‘sha xodimlarga bir xil ish uchun kamroq haq to’lash uchun.

📟 DigiTech