⚡️Tim Kuk Apple'ni tark etadimi? Bloomberg insayderlari kompaniya ichidagi katta o’zgarishlar haqida xabar berishmoqda:

– Apple asosiy «voris»dan ayrildi — ushbu lavozimga asosiy davogar Jeff Uilyams edi, ammo u iyul oyida bosh operatsion direktor lavozimini tark etgan;

– Tim Kuk'dan tashqari, yaqin kelajakda Apple'ni kamida to’rtta top-menejer tark etishi mumkin;

– Kompaniya sun'iy intellekt, aqlli uy va haydovchisiz avtomobillarni ishlab chiqish bo‘yicha raqobatchilardan ortda qolgani sabab zudlik bilan texnik mutaxassislarga muhtoj;

– Hozirda bosh direktor lavozimiga asosiy da'vogar apparat muhandisligi boshlig'i Jon Ternus'dir. U katta texnik bilimlarga ega va aynan uning rahbarligida Apple Intel'dan o’zining M-chiplariga o’tdi, AirPods, Vision Pro va eng yupqa iPad Pro'ni chiqardi.

Apple keyingi taqdimotida inqilobiy qurilmani namoyish etishi ehtimoli paydo bo’ldi.

📟 DigiTech

⚡️Istalgan tasvirni sifatini to’g’ri brauzeringizda yaxshilang — Watermark Remover dasturi ishlab chiquvchilari yana bir foydali vositani chiqarishgan.

— 8x gacha sifatni yaxshilashni qo’llab-quvvatlaydi;
— Tasvirlar sifatini 10 000 x 10 000 pikselgacha ko’taradi;
— Foydalanish bepul va ro’yxatdan o’tish shart emas.

👉 Sinab ko’rish uchun havola.

📟 DigiTech

👨‍💻 OpenAI vayb-kodingni keyingi bosqichga olib chiqdi — kompaniya eng tez va eng oson sun'iy intellekt agentlari konstruktorini chiqardi.

Agent Builder istalgan neyron yordamchini bir zumda yig’ish imkonini beradi — buning uchun elementlarni qo’shish va ularni bir-birlari bilan ulash kifoya, kodlash bilimi talab etilmaydi.

Undan foydalanish imkoniyati asta sekin barcha uchun ochilmoqda.

📟 DigiTech

🌳 Endi daraxtlarga ham pullik obuna bo’lish mumkin — Reddit'ning sobiq bosh direktori shunday startapga asos soldi. Sem Altman uning birinchi investorlaridan biri bo’ldi.

Oyiga 25 dollar evaziga ular Gavayada siz uchun ko’chat ekib, u o’sayotgan vaqtida muntazam ravishda foto-hisobot jo’natib turishadi. Keyin ushbu suratlardan misol uchun, chiroyli taymlaps yig’ish mumkin.

Bu ketishda ishqilib, kislorod uchun ham obunani chiqarishmasa bo’ldi :)

📟 DigiTech

🧠 SI inson kabi fikrlashni o'rgandi. Polshaning Pathway startapi modelini tirik miyaning nusxasiga aylantirishdi.

Modelning o’zi neyronlar klasterlarini hosil qilib, fikrlash jarayonida odamlar kabi ular orasidagi aloqalarni mustahkamlamoqda. Shuningdek, u o’rganilgan ma'lumotlarni shunchaki takrorlamasdan, tahlil qilib, xulosalar chiqarmoqda.

📟 DigiTech

🧠 Neuralink bemori aqli bilan robot qo’lni qanday boshqarayotganini ko’rsatdi, bu unga ko’p yillardan so’ng birinchi bor obyektlarni mustaqil ravishda olish imkonini berdi.

Nik Rey amyotrofik lateral sklerozdan aziyat chekmoqda, neyrochip esa unga 2025-yil iyul oyida implantatsiya qilingan. Hozirda u mexanik qo’lga shunchalik o’rganib qolganidan, suhbat chog'ida u bilan ishora qila boshladi.

«Ko’p yillar davomida birinchi bor shlyapani o’zim kiydim, mikroto’lqinli pechda bir nechta taomlarni isitdim va ovqatlandim. Muzlatgich va gazlangan suv idishlarini ochishni o’rgandim. Hatto aravachani biroz boshqarishga muvaffaq bo’ldim!» — deydi Nik.

Neuralink yordamida fikr kuchidan foydalangan holda kompyuter o’yinlarini o‘ynash ham mumkin, 2026-yilda esa kompaniya ko’rish qobiliyatini tiklovchi chipni sinovdan o’tkazishni rejalashtirmoqda.

📟 DigiTech

⚡️O’zbekistonda 2141 nafar mansabdor shaxs sun’iy intellektga almashtiriladi — farmon allaqachon Prezident tomonidan imzolangan.

Farmon 1-noyabrdan kuchga kiradi va ishdan bo‘shatishlar bir vaqtning o’zida bir nechta vazirliklarga to’g’ri keladi. Ularning 1863 tasi byudjet shtat birliklari, 278 tasi esa byudjetdan tashqari jamg’armalar bilan bog’liq bo‘lgan shtat lavozimlaridir.

Eng katta qisqartirishlar Soliq qo’mitasiga to’g’ri kelmoqda (486 ta o’rin), Suv xo’jaligi vazirligida (224 ta o’rin), Qishloq xo’jaligi vazirligida (200 ta o’rin), Bandlik vazirligida (163 ta o’rin) qisqartiriladi.

📟 DigiTech

⚡️Amerikalik ayol ChatGPT va Perplexity yordamida sudda g’alaba qozondi. Chatbotlar unga kamida 73 000 dollar tejab qolishga yordam berishdi.

Linn Uayt treyler parkida ijara to’lovini kechiktirgan. Garchi Los-Anjeles qonunlari bo’yicha 12 oylik imtiyozli davrga ruxsat bor bo’lsa-da, mahalliy advokat ishni yutqazgan.

Shundan so’ng Linn apellyatsiya berishga qaror qildi va maslahat uchun neyron tarmoqlarga murojaat qildi. U barcha hujjatlarni ChatGPT'ga yukladi va bot ishni qayta ko’rib chiqish uchun protsessual xatolarni aniqlashga yordam berdi. Qo’shimchasiga Perplexity Pro'ni ham ulab, himoyasini mustahkamlash uchun zarur qonunlarni o’rgandi.

Oxir-oqibat, sud uning tarafini oldi. Linn 55 000 dollar jarima va 18 000 dollar qarzdorlik to’lovidan ozod etilib, ko’chish to’g’risidagi bildirishnomani bekor qilishga muvaffaq bo’ldi.

📟 DigiTech