⚡️Olimlar birinchi «tirik SI»ni yaratishdi — u hujayralarni genetik muammolarni hal qilishga o’rgatadi.

U PROTEUS usuli asosida ishlaydi, ushbu usul tezlashtirilgan mutatsiyalar orqali genlarning boshqariladigan rivojlanishiga tayanadi. Ya’ni faqat eng yaxshi mutatsiyalar saqlanib qoladi.

Ushbu texnologiya yordamida tanani «dasturlash» mumkin, masalan, issiqlikka tezroq moslashish yoki shamollashdan abadiy qutulish mumkin.

📟 DigiTech

🌌Olimlar tarixdagi eng yirik qora tuynuklarning birlashishini qayd etishdi.

Har birining massasi quyoshnikidan 100 baravar ko’proq bo’lgan qora tuynuklar uzoq vaqt davomida bir-birini atrofida aylanib yurgan va nihoyat to’qnashib, Yerdan 10 milliard yorug’lik yili uzoqlikda yanada kattaroq qora tuynuk hosil qilgan.

Olimlarning ta'kidlashlaricha, bunday katta qora tuynuklar yulduzlarning normal evolyutsiyasidan paydo bo’lishi mumkin emas. Ular, ehtimol, oldin ham boshqa qora tuynuklar bilan to’qnashishgan.

📟 DigiTech

🧑‍🍳 Dubayda antiqa retseptlar yarata oladigan sun’iy intellekt bosh oshpaz bo’lib ishlaydigan «kelajak restorani» ochiladi.

Woohoo restorani uchun yaratilgan neyron tarmoq dunyoning turli oshxonalaridan minglab retseptlar va yuzlab ilmiy tadqiqotlar asosida o’qitilgan. U masalliqlarning tuzilishini tahlil qilishi, ularning ta'm xususiyatlarini tushunishi va eng kutilmagan kombinatsiyalarni taklif qilishi mumkin.

Restoranda inson oshpazlar faqat neyron tarmoq yaratgan retseptlardan taomlar tayyorlashadi.

📟 DigiTech

📞 Zumerlar qo’ng’iroqqa javob berishda «allo» demay qo’yishdi — endi 28 yoshgacha bo’lgan avlod telefonni ko’tarib shunchaki jim turishmoqda.

Telefon etiketidagi o’zgarishlar spam-botlar («allo» so’zidan aktivlashadi) va firibgarlardan qo’rqish bilan, shuningdek, umuman olganda, yangi aloqa normalari bilan bog’liq. Yoshlar, qo’ng'iroq qilgan kishi suhbatni birinchi boshlashi kerak degan fikrdalar.

«Allo» so’zi birinchi statsionar telefonlar davridan beri mavjud. U aloqa sifatini tekshirish uchun qo’ng’iroqni qabul qiluvchi tomonidan suhbatni oson ajralib turadigan boshlanishi sifatida ixtiro qilingan.

🪦 RIP «allo»
1877 — 2025

📟 DigiTech

🏗️ Xitoylik quruvchilar og’ir texnikalarni masofadan boshqarish mumkin bo’lgan ofislarda ishlashga o’tishdi.

BuilderX xodimlari shunday ishlashmoqda. Ular ekskavator va buldozerlarni ofisda o’tirib, ulkan monitorga ega kontrollerlar orqali boshqarishadi.

Konditsionerni tegida o’tirib, qahvani ichib yerni qazish mazza bo’lsa kerak :)

📟 DigiTech

📲 iPhone 17 Pro haqida hozirgacha nimalar ma’lum. Rasmda sizib chiqqan texnik xususiyatlarning to’liq ro’yxati ko’rsatilgan.

Eng qiziqarli xususiyatlardan — 8K sifatda video yozish, bir vaqtning o’zida ikkita kameradan suratga olish va 50 vattli MagSafe zaryadlash (hozirgidan ikki baravar kuchliroq).

Smartfon taqdimoti hardoimgidek sentyabr oyida bo’lib o’tadi.

📟 DigiTech

👨‍💻 OpenAI'ning SI agenti tezkor dasturlash bo’yicha jahondagi eng asosiy chempionatlardan biri — AtCoder World Tour Finals'da 2-o’rinni egalladi.

Musobaqa 10 soat davom etdi. Finalga bor-yo’g‘i bir soat qolganida, Psyho laqabli Polshalik koder neyron tarmoqni mag’lub etishga muvaffaq bo‘ldi. U bola tezkor dasturlash bo’yicha butun tarixdagi eng yaxshi 3 chempiondan biri hisoblanadi.

Turnirga OpenAI qanday modelini yuborgani hozircha noma’lum. Ro’yxatda u oddiygina OpenAIAHC deb e’lon qilingan.

📟 DigiTech

⚡️Har qanday suratdan soniyalar ichida 3D modelni yaratib beradigan neyrotarmoq chiqdi.

• Foydalanish oson — istalgan rasmni yuklang va bir marta bosish orqali 3D modelni oling.
• 3D model optimallashtirilgan geometriya va teksturalarga ega bo’ladi.
• Tayyor modelni Blender va Unity'ga ko’chirish yoki darhol 3D printerda chop etish mumkin.
• Ro’yxatdan o’tmasdan bepul foydalanish mumkin.

👉 Sinab ko’rish uchun havola.

📟 DigiTech

📄 Diplomlar o’tmishda qoldi: Goldman Sachs yangi tadqiqotida shuni aniqladiki, oliy ma’lumot afzalligi deyarli yo’qolib bo’lgan.

Bitiruvchilar va diplomsiz odamlarning ishga kirish tezligi deyarli tenglashdi. 2025-yilda farq atigi 0,9 foiz punktini tashkil etdi. Shuningdek, oliy ma'lumotli ishsizlar soni ham ko’paygan.

Kompaniyalar yangi xodimlarni ishga olishda diplom va tavsiya xatlariga e’tibor bermay, ko’nikmalar testlariga o’tishgan.

📟 DigiTech

📚 Garvard, Stenford, MIT va 1300 dan ortiq dunyodagi eng yaxshi universitetlarning bepul kurslari to’plangan sayt.

Saytda 250 000 dan ortiq kurslar mavjud, har bir yo’nalish bo’yicha istalgan kursni topishingiz mumkin.

👉 Sinab ko’rish uchun havola.

📟 DigiTech

🌌Kanar orollarida La Palma nomli orol mavjud, u tungi osmonni kuzatish uchun dunyodagi eng yaxshi joy hisoblanadi.

Astrofotograf Martin Jiro u yerga borib, kamera fokusini yulduzli osmonga qaratib Yer aylanishining 8 soatlik hayratlanarli taymlapsini suratga oldi.

Juda go’zal manzara.

📟 DigiTech

📲 Layfxak: IPhone zaryadini tejash uchun uni o’girib qo’yish kerak — internet foydalanuvchilari smartfonning ishlash muddatini haqiqatan ham uzaytiradigan eski nayrangni eslashdi.

iPhone'da ajoyib funksiya mavjud — Facedown Detection. U quyidagicha ishlaydi: agar telefon ekrani pastga qaratilib qo’yilgan bo’lsa, u har bir bildirishnomada yonmaydi.

iPhone shunchaki stol ustida yotgan bo’lsa ham, har bir bildirishnoma displeyni yoqadi va zaryadni yeydi. Ammo agar uni teskari qilib qo’ysangiz, kuniga 10-15% batareya zaryadini tejashingiz mumkin.

📟 DigiTech

🎙️Ovozni barcha emotsiyalari bilan klonlashtiramiz: Hume AI EVI 3 modelini yangiladi — endi u sizning ovozingizni yanada realroq klonlashtirishi mumkin.

Buning uchun nutqni yozib olish yoki tayyor faylni kiritish kerak. Natijada kuladigan, hayratga tushadigan, xafa bo’ladigan va hatto siz kabi pauza qiladigan SI suhbatdoshga ega bo’lasiz. To’g’ri brauzerda bepul sinab ko’rishingiz mumkin.

👉 Sinab ko’rish uchun havola.

📟 DigiTech

🍌 Fransiya muzeyiga tashrif buyuruvchilardan biri o’sha mashhur 6,2 million dollarlik devorga yopishtirilgan bananni yeb qo’yibdi.

Eng qizig’i: qo’riqchi ham o’ylanmay do’kondan boshqa bananni olib kelib yopishtirib qo’ygan.

Muallif, tashrif buyuruvchi «bir necha million yevrolik san’at asarini oddiy meva bilan adashtirib yuborganidan» afsusda ekanligini bildirdi.

📟 DigiTech

⚡️Sun'iy intellektlar bilan raqobatlashamiz: neyron tarmoqlar uchun eng mashhur benchmarkning yangi versiyasi — ARC-AGI-3 chiqdi.

Testlar SI agentlar uchun maxsus tayyorlangan, u faqat o’yinlardan iborat. Qoidalar oldindan hech kimga ma’lum emas — ularni jarayon vaqtida o’rganish kerak. SI hozircha 0%, odamlar esa 100% natija bilan o’tishmoqda.

Istagan odam o’z superintellektini sinovdan o’tkazishi mumkin, vazifalar barcha uchun ochiq.

👉 Sinab ko’rish uchun havola.

📟 DigiTech

🧮 OpenAI'ning tadqiqotlar uchun yangi «fikrlaydigan» sinov modeli matematika bo’yicha xalqaro olimpiadada oltin medalni qo’lga kiritdi. Bungacha bironta ham neyron tarmoq bunday natijaga hatto yaqinlasha olmagan!

LLM 6 ta murakkab masaladan 5 tasini osonlikcha yechdi, eng asosiysi, hakamlar uni haqiqiy insondek baholashgan: unga ishlash uchun 9 soat vaqt berishdi, internetga kirish imkoniyati cheklandi va javoblarni faqat tabiiy tilda to’liq asoslash va isbotlash orqali qabul qilishdi.

OpenAI xodimlarining ta’kidlashlaricha, IMO Gold LLM — bu hozircha faqat sinov tadqiqot modeli va bunday kuchli neyrotarmoqni yaqin oylarda chiqarishni rejalashtirishmayapti.

📟 DigiTech