⚡️Muhandislar ChatGPT kabi til modellarini odam bilan muloqot qilish orqali o’rgatish g’oyasini berishdi, ularning fikricha: shunda neyrotarmoqlar insonlar muloqotiga taqlid qiladi va tushunarliroq javoblar beradi.

Eng qizig’i: odamlar bilan muloqot qilgandan so’ng, SI tobora ko’proq noto’g’ri javoblar berishni boshladi, suhbatdoshga yolg’on gapirdi, yolg’onni to’g’riligiga ishontirishga urindi va o’z xatolarini tan olmadi.

Sun’iy intellekt ja «odamlashib» ketsa ham bo’lmas ekan 😁

📟 DigiTech

⚡️Videolar generatsiya qiluvchi Minimax neyrotarmog’i endi rasmdan video yarata oladi.

U GEN-3 va boshqa eng yaxshi neyrotarmoqlardan deyarli qolishmaydi, matnli so’rovni yaxshi tushunadi. Bepul foydalanish mumkin.

👉 Sinab ko’rish uchun havola.

Sinab ko’rib natijalar bilan izohlarda bo’lishishingiz mumkin.

📟 DigiTech

🏆 Fizika bo’yicha 2024-yilgi Nobel mukofoti amerikalik olimlarga «neyron tarmoqlar sohasidagi fundamental kashfiyotlari» uchun berildi.

Jon Hopfild va Jeffri Hinton tasvirlar va boshqa turdagi ma’lumotlarni saqlash, identifikatsiya qilish, shuningdek, qayta tiklash imkonini beruvchi assotsiativ texnologiyalarni ishlab chiqishgan.

Nobel mukofoti qo’mitasi ta’kidlashicha, ularning ishi zamonaviy SI modellarini o’rgatish usullarining asosini tashkil etdi va allaqachon insoniyatga katta foyda keltirdi.

📟 DigiTech

⌚️Apple Watch foydalanuvchiga shamollashni uning birinchi alomatlari paydo bo’lishidan uch kun oldin bilishga yordam berdi. Hammasi WachOS 11 operatsion tizimining chiqishi bilan paydo bo’lgan Vitals ilovasi tufayli.

Ilova tana harorati, nafas olish va yurak urish tezligini doimiy ravishda kuzatib boradi. Normal qiymatlarni bilganligi sababli, tanadagi o’zgarishlarni darhol sezadi.

Boshqa Apple Watch foydalanuvchilari ham Vitals ilovasini maqtashmoqda. Asosiy kamchiligi: dastur to’g’ri ishlashi uchun uxlayotganda ham soatni yechmaslik kerak.

📟 DigiTech

👩‍💻🧑🏻‍💻Shoshiling, agar hali ham ulgurmagan boʻlsangiz, Yandex Uzbekistanʻning yosh mutaxassislar uchun mobil va bekend dasturlash maktabiga roʻyxatdan oʻtishingiz mumkin! Roʻyxatdan oʻtish 13-oktyabrda to‘xtatiladi!

🧑‍🏫O‘quv dasturlari leksiyalar, amaliy mashg‘ulotlar va Yandex xizmatlaridagi haqiqiy biznes-vazifalar ustida jamoaviy ishlarni o‘z ichiga oladi. Maktablar dasturlash bo‘yicha bilimlarini chuqurlashtirmoqchi bo‘lganlar uchun mo‘ljallangan. Eng yaxshi talabalar kompaniyada kasbiy faoliyatlarini boshlash imkoniyatiga ega bo‘ladilar.

💥Ta’lim bepul. Maktabga kirish uchun arizani to‘ldirish va 13 oktyabrgacha test topshirig‘ini bajarish lozim. Eng yaxshilar suhbatga taklif qilinadilar. Tanlov natijalari 23-24 oktyabr kunlari e’lon qilinadi. Ta’lim 28 oktyabrda boshlanadi.

⚡️Google kompaniyasi Google Play'ni raqobatchilarga ochishiga to’g’ri keladi. Bu qaror Kaliforniya sudi tomonidan Epic Games bilan 2020 yildan beri davom etayotgan bahs bo’yicha qabul qilindi.

Boshqa ilovalar do’konlarini toʻgʻridan-toʻgʻri Google Play'dan yuklab olish mumkin bo’ladi. Ilovalar ichida esa ularning saytidan to’lovga havolalar qo’shishga ruxsat beriladi — misol uchun, u yerda obuna narxi arzonroq bo’lsa.

Google advokatlari hali ham qarorga qarshi chiqishga harakat qilishmoqda. Lekin katta ehtimol bilan, kompaniya 1-noyabrdayoq boshqa dasturchilarga Google Play katalogiga kirish huquqini beradi.

📟 DigiTech

☕️ Tadqiqot: Olimlar kofe ichish insult xavfini 37 foizga oshirishini, choy ichish esa 29 foizga kamaytirishini aniqlashdi.

Tadqiqotda 27 000 kishi ishtirok etdi, ularning yarmi birinchi insultni boshdan kechirgan.

Gazlangan ichimliklar shuningdek mevali sharbatlar zararini o’rganish bo’yicha o’tkazilgan tadqiqot shuni ko’rsatdiki:

Gazlangan ichimliklar, shu jumladan shakar bilan shirinlantirilgan ichimliklar va shakarni o’rnini bosuvchi sun’iy qo’shimchalar qo’shilgan ichimliklar, insult xavfini 22% ga oshirishi mumkin, kuniga ikki yoki undan ortiq bunday ichimliklarni iste’mol qilish esa xavfni keskin oshiradi.

Kuniga to’rt stakandan ko’proq qahva ichish insult xavfini 37% ga oshiradi, ammo kamroq iste’mol qilsangiz xavf deyarli yo’q.

Choy esa hali ham xavfsiz. Agar har kuni 3-4 stakan ichsangiz, insult xavfi 18-29% ga kamayadi. Ayniqsa ko’k choy juda foydali.

📟 DigiTech

⚡️Google bir nechta kompaniyalarga bo’linishi mumkin. AQSh Adliya vazirligi kompaniyaning monopoliyasiga qarshi kurash choralarini taqdim etdi.

Kompaniya quyidagilarni qilishiga to’g’ri keladi:

– Chrome'ning qurilmada standart qidiruv tizimi bo’lishi funksiyasini o’chirish;
– Foydalanuvchilarga boshqa qidiruv tizimlari haqida xabar berish;
– Qidiruv natijalari uchun yanada shaffof algoritmlarni yaratish;
– Sun’iy intellektni brauzer qidiruv natijalarida o’rgatishni to‘xtatish.

Kompaniyani bo’lish eng radikal choralardan biridir. Bunday holatda Play, Chrome va Android xizmatlari alohida yuridik shaxsga aylanadi.

📟 DigiTech

🎵 Musiqa generatsiya qiluvchi Suno neyrotarmog’i yangilandi: endi tayyor qo’shiqdagi alohida parchalarni o’zgartirish mumkin. Misol uchun, qo’shiq matnini yoki musiqa ohangini o’zgartirish.

Qo’llanma:
— Qo’shiqni ustiga sichqonchaning o’ng tugmasi bilan bosamiz, Edit bo’limiga o’tib, Replace Section'ni tanlaymiz;
— Qo’shiqni o’zgartirilishi kerak bo’lgan 10-30 soniya uzunlikdagi qismini belgilaymiz;
— Matnni yoki musiqa ohangini o’zgartiramiz (masalan, baraban ovozini qo’shish mumkin).

Ushbu funksiya Faqat Pro va Premier obunasiga ulanganlar uchun mavjud.

👉 Sinab ko’rish uchun havola.

📟 DigiTech

⚡️Vikipediyani sun’iy intellektda yaratilgan matnlar egallab oldi: muharrirlar generatsiya qilingan kontentga qarshi kurashish uchun hatto alohida loyihani ishga tushirishlariga to’g’ri keldi.

Foydalanuvchilar saytni ChatGPT'da generatsiya qilingan tasdiqlanmagan ma’lumotlar bilan to’ldirib tashlashdi. Misol uchun, Usmonlilar imperiyasida mavjud bo’lmagan Amberlisihar qal’asi va qo’ng'izlarning yangi turi haqidagi ma’lumotlar. Eng qizig’i qo’ng’izning tavsifi qisqichbaqalar haqidagi fransuz jurnalidagi maqoladan olingan.

Vaziyat shunchalik yomonlashib ketganki — hatto «mualliflardan» biri «ma'lumotlarimning 2022 yil yanvar oyidagi so’nggi yangilanishiga ko’ra» so’zini olib tashlashni ham unutgan.

📟 DigiTech

📚 Xitoyda matematikani o’rganishda qiynalayotganlar uchun klinika ochiladi. U yerda dorilar yordamida ham «davolashadi».

Mutaxassislar talabalar, maktab o’quvchilari va kattalarga kompleks yondashuv yordamida aniq fanlarni o’zlashtirishda yordam berishadi.

Klinikada birinchi bo’lib tashxis qo’yiladi va fanni tushunish bilan bog’liq muammolarning sabablari aniqlanadi, so’ngra «davolanish» boshlanadi.

📟 DigiTech

🎾 Dunyodagi eng qadimgi tennis turniri — Uimbldon o’zining 147 yillik tarixida birinchi bor hakamlarni sun'iy intellektga almashtiradi.

Bu yilgi turnirda sinovdan o'tgan va avvalroq Avstraliya shuningdek, AQSh chempionatlarida odamlar o’rniga ishlatilgan maxsus neyron tarmoq kelasi yildan boshlab autlar va xatolarni aniqlaydi.

Uimbldon har yili 300 ga yaqin laynsmenlarni (chiziqli hakamlar) jalb qilgan. Tashkilotchilar ularga «ko'p yillik xizmatlari uchun» minnatdorchilik bildirib, texnologiya «bunday muhim qadam uchun yetarlicha ishonchli» ekanligini ta’kidlashdi.

📟 DigiTech