⚡️ChatGPT yaratuvchilardan biri Ilya Sutskever AGI yaratish uchun SSI Inc nomli o’z kompaniyasini ochdi. Endi u OpenAI'ning asosiy raqobatchisi hisoblanadi.

Ilya Sutskever — OpenAI'ning miyasi edi, u kompaniyaning bosh olimi bo’lgan va ChatGPT yaralishiga juda katta hissa qo’shgan. Aynan Ilya noyabr oyida Sem Altman kompaniyadan vaqtinchalik ketishiga sababchi bo’lgan va buning uchun kompaniyadan haydaldi.

SSI Inc OpenAI'ni ortda qoldirib, pul yig’ish va AQSh armiyasi uchun ishlash bilan chalg’imasdan, birinchi bo'lib xavfsiz superintellektni yaratishi mumkin. SSI Inc ofislari darhol Kaliforniyada ochildi — aftidan, pul masalasi allaqachon yopilgan.

Haqiqiy raqobat endi boshlandi.

📟 DigiTech

🎥 Kling AI neyron tarmog’i yangilandi va endi uch daqiqagacha videolarni yaratishi mumkin. Video yaratish uchun shunchaki rasmni yuklash kifoya va neyron uni jonlantiradi.

Kling AI hali ham beta-test rejimida ishlamoqda. Bu yerda testga qanday qo’shilish bo’yicha ko’rsatmalar mavjud.

📟 DigiTech

⚡️Google Gemini'ning oddiyroq versiyasini yaratdi va uni Chrome Canary'ga (dasturchilar uchun brauzer) qo’shdi.

Bu sinov versiyasi bo’lsa-da, juda tez ishlaydi. Javob berish tezligi 100 millisoniyadan kam.

Model internetsiz ishlaydi va qurilmani yuklamaydi. Neyron tarmoqqa savol berish, matnni boshqa tillarga tarjima qilish, xabar uslubini o'zgartirish va grammatikani tekshirish mumkin.

👉 O’rnatish uchun havola.

📟 DigiTech

🌒 Insoniyat tarixida birinchi marta Xitoyning «Chan'e-6» zondi Oyning narigi tomonidagi tuproq namunalarini Yerga yetkazdi.

Missiya may oyi boshida boshlangan edi va bugun kapsula Ichki Mongoliya hududiga muvaffaqiyatli qo’ndi. Endi u Pekinga olib ketiladi va olimlar idishni ochib, namunalarni o’rganishga kirishadilar.

📟 DigiTech

⚡️Qiziqarli ma’lumot: O’yinchilar hech qachon ishga tushirmagan o’yinlari uchun 19 milliard dollar to’lashgan! Tadqiqot Steam do’konidagi ma’lumotlar asosida o'tkazildi.

Taqqoslash uchun, bu ayrim davlatlarning yalpi ichki mahsulotidan ko’proq.

📟 DigiTech

⚡️Sun’iy intellekt olamidagi inqilob: neyron tarmoqlarni o’rgatish va ishlatish uchun Etched startapi yangi Sohu chipini namoyish etdi.

O'zingiz baho bering: Sohu raqobatchisi Nvidia H100 dan 20 baravar kuchliroq, shu bilan birga tezroq va arzonroq! GPT-4 modeli rasmni tushunishi uchun 8 mingta H100 da o’qitilgan, endi buning uchun atigi 400 Sohu chipi yetarli bo’ladi!

Nvidia'dan o’tib ketishganini sababi, chip faqatgina mashhur neyron tarmoqlar bilan ishlaydi, jumladan ChatGPT, Claude va Sora.

Endi GPT-5 chiqishini shu yilda kutsak ham bo’ladi.

📟 DigiTech

⚡️Sora'da birinchi rasmiy reklama generatsiya qilindi. Natijada bolakay, o’yinchoq jirafa va ular yaratgan sehrli dunyo haqida yoqimli video paydo bo’ldi.

Reklama Amerikaning Toys «R» Us o’yinchoqlar do’konlari tarmog’i tomonidan buyurtma qilingan. Videodagi bola — kompaniyaning asoschisi Charlz Lazarus, jirafa esa — kompaniyaning ramzi bo’lgan Jeffri ismli o’yinchoqdir.

📟 DigiTech

🚀 NASA Ilon Maskning SpaceX kompaniyasiga 2030-yilda XKSni orbitadan chiqarib, Tinch okeaniga cho’ktiruvchi kosmik tirgakni yaratishni topshirdi.

Uni ishlab chiqishga 843 million dollar ajratildi, tirgak vazifasi XKS bilan tutashib, atmosferaga boshqariladigan kirishni ta’minlashdir.

Aytgancha, SpaceX XKS'ni o’rnini bosishi kerak bo’lgan xususiy Starlab stansiyasining ishga tushirilishi uchun ham javobgar bo’ladi.

📟 DigiTech

🧮 Turli xil kalkulyatorlar yig’ilgan sayt

Omni Calculator sayti har bir vaziyat uchun 3,5 mingdan ortiq turli xil kalkulyatorlarni o’z ichiga oladi. Ushbu saytda oziq-ovqatlarning kaloriya tarkibini, o’qning tezligini, moliyaviy erkinlik qadar qancha yil ishlash kerakligi va boshqa ko’plab narsalarni bilib olishingiz mumkin — saytda deyarli hamma narsani osongina va bepul hisoblash mumkin.

Sayt qanday hisoblashini, qanday formuladan foydalanishigacha ko’rsatib beradi va hatto qiziqarli faktlarni ham aytib beradi. Saqlab qo’ying, asqotadi.

👉 Sinab ko’rish uchun havola.

📟 DigiTech

🚀 Xitoyda SpaceX Falcon 9 ga raqobatchi sifatida yaratilayotgan Tianlong-3 ko’p marta ishlatiladigan raketasi portladi.

Eng qizig’i shundaki, bu dvigatellarning yerdagi sinovlari edi va u umuman uchib ketmasligi kerak edi, lekin o’rnatmalar dvigatellarning kuchiga bardosh bera olmadi.

Ushbu raketani ishlab chiqish uchun allaqachon 4 milliard yuandan (552 million dollar) ortiq mablag’ sarflangan va u sentyabr oyida birinchi parvozini amalga oshirishi kerak edi.

📟 DigiTech