⚡️Bitkoinlarni mayning qiladigan Superheat H1 suv isitgichi namoyish etildi

Bu ixtiro quyidagicha ishlaydi: o‘rnatilgan ASIC mayneri kriptovalyutani qazib oladi, chipdan ajralib chiqadigan issiqlik esa bakdagi suvni isitishga sarflanadi. Olingan kriptovalyuta to’g’ri foydalanuvchining hamyoniga tushadi, bu nafaqat suvni isitish xarajatlarini qoplash, balki foyda olish imkonini ham beradi.

Shu bilan birga, kompaniya elektr energiyasi sarfi oddiy modellarga nisbatan oshib ketmasligini va’da qilmoqda.

Uning narxi taxminan 2000 dollar bo’ladi.

📟 DigiTech

🌒 Insonlar 6-fevralda Oyga qaytishadi

NASA Artemis II missiyasiga tayyorgarlikni yakunlamoqda — bu 50 yil ichida Oyga birinchi boshqariladigan parvoz bo’ladi. Raketa deyarli tayyor bo‘lgan, agar yonilg‘i bakini to‘ldirish va sinovlar muvaffaqiyatli o‘tsa, u fevral oyining boshidayoq uchiriladi.

To‘rt nafar astronavtdan iborat ekipaj Oy yuzasiga qo‘nmasdan uni aylanib chiqadi.

📟 DigiTech

📲 iPhone'lardagi yangi Siri asosiy raqobatchilardan biri — Google Gemini'ning sun’iy intellekt texnologiyalari asosida ishlaydi. Mish-mishlarga ko‘ra, bu hamkorlik Apple'ga yiliga kamida 1 milliard dollarga tushishi mumkin.

Apple vakillarining ta’kidlashlaricha: «Batafsil tahlillardan so‘ng, Google texnologiyalari Apple Foundation modellari uchun eng ishonchli asosni ta’minlaydi degan qarorga keldik, va biz bu texnologiya foydalanuvchilarimizga taqdim etadigan innovatsion yangi imkoniyatlardan mamnunmiz.»

Sun’iy intellektga ega yangilangan Siri 2024-yil yozida namoyish etilgan bo‘lsa-da, ko‘p o‘tmay uning chiqarilishi aniq muddatsiz kechiktirildi. Endi yangilanish 2026-yilning ikkinchi yarmida kutilmoqda.

📟 DigiTech

⚡️«G'alati ishlar» (Stranger Things) finali ssenariysi ChatGPT yordamida yozilganga o‘xshaydi. Serial yaratilishi haqidagi hujjatli filmdagi kadrda brauzer sahifalarida chat-bot borligini payqashdi.

X ijtimoiy tarmog’ida bu kadr haqida joylangan post allaqachon 3 million marta ko‘rilgan. Natijada ko‘pchilik syujetni sun’iy intellekt o‘ylab topgan degan fikrga kelmoqda.

IMDb'da beshinchi qism 5,7 ball to’plaganini hisobga olsak, bu haqiqat bo’lishi mumkin.

📟 DigiTech

🎧 OpenAI AirPods'ga o’xshash ChatGPT o‘rnatilgan qurilma chiqarmoqchi — insayderlar Sweetpea kod nomi ostidagi qurilma tafsilotlarini oshkor qilishdi.

Quloqchinlar metall quvvatlash qutisiga ega bo‘ladi. Ichida ikkita ixcham «tabletka» bo’ladi, ular quloq orqasiga o‘rnatiladi.

Unda Samsung smartfonlaridagi kabi Exynos protsessori hamda ovozli buyruqlar va iPhone’ni teginmasdan boshqarish uchun javobgar chip bo’ladi.

Umumiy hisobda, OpenAI 2028-yil oxirigacha besh turdagi qurilmani chiqarishi mumkin.

📟 DigiTech

🤖 Germaniyadagi startap omborlar uchun o‘ziyurar robot-tayoqchalarni chiqardi.

Filics bir-biriga bog‘liq bo‘lmagan holda harakatlanishi va har qanday shakldagi yuklarga oson moslashishi mumkin. Loyihaga allaqachon o‘zi ham ombor uchun robotlarni ishlab chiqaradigan Amazon kompaniyasi sarmoya kiritgan. Shuningdek, dastlabki hamkorlar orasida DHL va Coca-Cola ham bor.

📟 DigiTech

🛜 Bor-yo‘g‘i 25 dollar evaziga fleshka o‘lchamidagi portativ 5G-router — ZTE RedCap Wi-Fi F40'ni namoyish etdi.

Texnik xususiyatlari:

— Bir vaqtning o‘zida 16 tagacha qurilmani qo‘llab-quvvatlaydi, ikki diapazonli Wi-Fi 6 mavjud.
— Router RedCap texnologiyali 5G'dan foydalanadi, bu ma’lumotlar uzatilishini 50 foizga tezlashtiradi, kechikishlarni 70 foizga kamaytiradi va energiya sarfini pasaytiradi.
— Ikkita USB porti (C va A), USB Direct rejimi hamda holat ko‘rsatkichi mavjud.

SIM-kartasiz modeli 25$, SIM-kartali modeli esa 31$ turadi.

📟 DigiTech

📲 «Suyuq shisha» mutlaq muvaffaqiyatsizlikka uchradi. 2026-yil yanvar holatiga ko‘ra, iOS 26'ni barcha iPhone ishqibozlarining atigi 15-20 foizi ishlatmoqda — aksariyati eski versiyalarda qolgan.

Solishtiradigan bo‘lsak: 2025-yil yanvarida barcha foydalanuvchilarning 64 foizi, ya'ni yangilanish imkoni bo‘lganlarning deyarli barchasi yangi iOS 18'ga o‘tgandi.

iOS 26'ning muvaffaqiyatsizligini asosiy sababi — faqat taqdimotda chiroyli ko‘ringan, ammo amalda qurilma unumdorligi, batareya quvvatini yemiruvchi va ko‘zni toliqtiruvchi Liquid Glass interfeysidir.

📟 DigiTech

⚡️Mettyu Makkonaxi o‘zini savdo belgisi sifatida ro‘yxatdan o‘tkazdi — bu yo‘l bilan aktyor sun’iy intellekt yordamida yaratilgan soxta tasvirlarga qarshi kurashmoqchi.

Aktyor va uning huquqshunoslari fikricha, sud jarayoni tahdidi uning tashqi ko‘rinishi va ovozidan ruxsatsiz foydalanishning oldini olishga yordam beradi. Ro’yxatga uning «Alright, alright, alright» degan mashhur iborasi va kino hamda seriallardagi yana yettita obrazi kiritildi.

Shunga qaramay, Makkonaxi umumiy olganda sun’iy intellektga qarshi emas: u hatto ElevenLabs kompaniyasiga sarmoya kiritgan, savdo belgilarini ro‘yxatdan o‘tkazishni esa «ehtiyotkorlik chorasi» deb izohladi.

📟 DigiTech

🌊 Yaponiya dunyoda birinchi bo‘lib okean tubidan nodir metallarni qazib olishni yo‘lga qo‘ymoqda — ular 6 km chuqurlikdagi loyqadan qazib olinadi.

Maxsus qurilmali kema allaqachon birinchi sinov missiyasiga jo‘natilgan. U suzuvchi ulkan changyutgich tamoyili asosida ishlaydi: tubi yumshatilib, cho‘kindilar qazilma boyliklar bilan birga quvur orqali kuchli nasoslar yordamida yuqoriga ko‘tariladi.

Loyiha Xitoydan importni kamaytirishga qaratilgan. Hisob-kitoblarga ko‘ra, bir tonna loyqada elektronika va avtomobil ishlab chiqarish uchun muhim bo‘lgan kamida 2 kg komponentlar mavjud.

📟 DigiTech

⚡️16 gigabaytli RTX 5070 Ti va RTX 5060 Ti videokartalarining ishlab chiqarilishi to‘xtatildi — xotira tanqisligi tufayli konveyer liniyasi vaqtincha to‘xtatib qo‘yildi.

Yangi videokartalarni ishlab chiqarish foydasiz bo‘lib qoldi — ishlab chiqaruvchilar barcha kuchlarini ma’lumotlar markazlariga yo‘naltirishmoqchi. Geymerlarga esa faqat 8 GB xotirali kartalar va eski RTX 3060 qoladi.

📟 DigiTech