⚡️Operativ xotira chiplari yanada kamayadi — Micron kompaniyasi Crucial brendini yopib, iste'molchi mahsulotlari bozoridan butunlay chiqib ketmoqda.

Endi ular faqat neyron tarmoqlarni ishlab chiqish va ishga tushirish uchun mo‘ljallangan ma’lumotlar markazlari uchun tezkor xotira ishlab chiqaradi.

Hozir bozorda faqat ikkita yirik kompaniya qoldi: Samsung va SK Hynix.

📟 DigiTech

🤖 Xitoyda yo‘l harakatini tartibga soluvchilarni sun’iy intellektli robotlar bilan almashtirishga qaror qilishdi — ular avtomobillar oqimini mustaqil ravishda taqsimlaydi va mopedlardagi qoidabuzarlarga ogohlantirish beradi.

G'oya bo‘yicha, bunday robotlarni svetofor ishdan chiqqan har qanday ko‘chaga joylashtirish mumkin bo’ladi. Hozirda ular Xanchjou va Shanxay ko‘chalarida sinovdan o‘tkazilmoqda, kelajakda esa boshqa shaharlarda ham joriy etish rejalashtirilgan.

📟 DigiTech

👨‍💻 Yaponiyalik maktab o‘quvchisi 7 milliondan ortiq kishining ma’lumotlarini ChatGPT yordamida buzib kirdi.

17 yoshli yigit chat-botdan zararli dastur yozishni so‘radi... va shu dastur yordamida mahalliy internet-kafe'ning ma'lumotlar bazasiga kirishga muvaffaq bo‘ldi. Shunday bo‘lsa-da, politsiya uning ma’lumotlardan zararli maqsadlarda foydalanganligi belgilarini topmadi, o‘quvchining javobi esa hayratda qoldirdi:

Tizimdagi zaifliklarni topish shunchaki qiziqarli edi.

📟 DigiTech

O'zbekistonlik finalchilar Istambuldagi Yandex Cup 2025 musobaqasiga uchib ketishmoqda

🧑‍💻 Nazarbek Boltaboyev va Akobir Abdug‘aniyev O‘zbekiston nomidan Yandex Cup 2025 xalqaro dasturlash chempionati finalida ishtirok etadi. Finalda 21 mamlakatdan eng kuchli dasturchilar kuch sinashadi.

🏆 Final 5–7 dekabr kunlari o‘tadi va 196 ishtirokchini jamlaydi: professionallar, jasoratli yoshlar va Yandex xodimlari. Nazarbek — frontend va veb-ishlab chiqarish bo‘yicha mutaxassis, Akobir esa backend hamda yuqori yuklamadagi tizimlar bo‘yicha.

🖥 Ikkalasi ham xakatonlar, ta’lim loyihalari va texnologik startaplarda faol, AI/AR texnologiyalarini qo‘llaydi, Coderun platformasida uzluksiz mashq qiladi.

Ular uchun finalda ishtirok etish — bu faqat mahorat sinovi emas, balki xalqaro maydonda tajriba almashish, real muhandislik masalalarida fikrlash tezligini rivojlantirish imkoniyati hamdir.

⚡️Netflix Warner Bros. Discovery'ni sotib oladi — striming kompaniyasi media gigantni xarid qilish tenderida g‘alaba qozondi. Netflix Uorner aka-ukalar studiyasini qo‘lga kiritish uchun aql bovar qilmas 82,7 milliard dollar to‘lashiga to‘g‘ri keladi.

Netflix'ga «Garri Potter», DC filmlari, «Dyuna», «The Last of Us» «Taxtlar o’yini» va barcha HBO seriallariga egalik huquqi o’tadi. Netflix bu franshizalarni mustaqil ravishda rivojlantirish, ularning qayta ishlangan variantlari va davomini chiqarish huquqiga ega bo‘ladi.

📟 DigiTech

🍄 Chernobil hududida hayotning yangi shakli — Cladosporium sphaerospermum zamburug'i kashf etildi, u radiatsiya bilan oziqlanishni o‘rgangan.

Zamburug' vayron bo‘lgan reaktorning devorlarida o‘smoqda, bu yerda radiatsiya hatto bakteriyalar uchun ham halokatli. Olimlarning fikricha, uning hujayralaridagi melanin xlorofillga o‘xshash vazifani bajarishi mumkin, bu esa organizmga nurlanishni energiya manbai sifatida ishlatishga imkon beradi. Bu nazariya radiosintez deb ataladi, ammo energiyaga aylanishi hali to‘liq isbotlanmagan.

Zamburug' nafaqat ekstremal sharoitda tirik qoldi — balki ionlashtiruvchi nurlanish ta'sirida yanada tezroq ham o’smoqda.

📟 DigiTech

⚡️Mark Sukerberg OpenAI xodimlarini o‘z loyihasiga jalb qilish uchun ularga shaxsan o’zi ovqat olib borgan.

Iyun oyida Sukerberg muhandislarga 100 million dollardan taklif qilgan — ammo hech kim rozi bo‘lmagan. Biroq, keyinchalik ChatGPT yaratuvchilaridan biri baribir uning kompaniyasiga o‘tib ketdi.

Eslab qoling, kelishuvda pul ishlamasa, issiq taom yordam beradi :)

📟 DigiTech

📲 Smartfonlar uchun NotebookLM katta yangilandi: endi talabalar Google neyrotarmog’i yordamida dars paytida qulay foydalana olishadi.

Konspektning suratini, doskadagi yozuvlarni yoki butun ma'ruzaning ovozli yozuvini yuklash mumkin. Bir tugmani bosish orqali ulardan infografika tayyorlay olasiz.

Endi taqdimotlarni ham to‘g‘ridan-to‘g‘ri telefonda yaratish mumkin.

👉 Sinab ko’rish uchun havola.

📟 DigiTech

📲 Telegramda kirish kalitlari (passkey) yordamida tizimga kirish imkoniyati paydo bo’ldi — endi akkauntga SMS yoki elektron pochtasiz kirish mumkin.

Kalitlarni sozlamalar orqali faollashtirish mumkin: «Maxfiylik → «Kirish kaliti». PIN-kod yaratish va kalitni saqlaydigan parollar menejerini tanlash kerak.

📟 DigiTech

🤖 Optimus roboti tasodifan uni inson boshqarayotganini oshkor qilib qo‘ydi. Mayamidagi taqdimot paytida u qo‘llarini boshi atrofida harakatlantirdi-yu, so‘ngra yerga qulab tushdi.

Ijtimoiy tarmoq foydalanuvchilari buni tezda payqashdi: operator, ehtimol, VR ko’zoynakni boshidan yechgan-u, ammo robot boshqaruvini o‘chirishga ulgurmagan.

Qizig’i shundaki, bor-yo‘g‘i ikki oy oldin Ilon Mask «qarorlarni operator emas, sun’iy intellekt qabul qiladi» deb aytgan edi. Ammo, chamasi, haqiqat biroz boshqacharoq bo’lib chiqdi.

📟 DigiTech

⚡️Ilovalarni doimiy ravishda yopish quvvatni tejamaydi — aksincha, bu smartfon batareyasini tezroq ishdan chiqaradi.

Dasturlarni qayta ishga tushirish energiya sarfining keskin oshishiga olib keladi. Shuning uchun ularni shunchaki ochiq holda saqlash ancha tejamkor hisoblanadi.

Har safar ilovalarni to’liq yopib yuradigan do’stingizga jo’natib qo’ying :)

📟 DigiTech

⚡️Netflix va Warner Bros o‘rtasidagi kelishuv xavf ostida — Paramount studiya uchun kurashni boshlab, har bir aksiya uchun 30 dollar taklif qilmoqda.

Bu Netflix taklifidan 18 milliard dollar ko’proq. Eng qizig'i shundaki, Paramount Warner rahbariyatini chetlab o‘tib, to‘g‘ridan-to‘g‘ri aksiyadorlarga murojaat qilgan.

Endi qaror muzokaralar emas, balki aksiyadorlarning ovoziga bog'liq. Agar ko‘pchilik Paramount taklifini qo‘llab-quvvatlasa, Netflix mag'lub bo‘ladi.

Shuningdek, Donald Trampning shaxsan o‘zi ham kelishuvni diqqat bilan kuzatayotgani ma’lum bo‘ldi.

📟 DigiTech

🧠 AQSh'da olimlar neyroimplantlarning yangi avlodi — BISC'ni ishlab chiqishdi. Ular miya bilan bosh suyagi oralig‘iga joylashtiriladi va o‘rnatilishi Neuralink'dan bir necha marta osonroq.

Soch qalinligidagi qurilma Wi-Fi orqali tashqi gadjetga ulanadi va miyaga kompyuter bilan bir zumda signal almashish imkonini beradi. U epilepsiya, orqa miya jarohatlari va hatto ko‘rlikni davolashda yordam berishi mumkin.

Qurilmaning odamlarda dastlabki sinovlari allaqachon boshlangan.

📟 DigiTech

⚡️Avstraliya dunyoda birinchi bo‘lib 16 yoshgacha bo‘lgan o‘smirlar uchun ijtimoiy tarmoqlardan foydalanishni qonun darajasida taqiqladi.

Yangi qoidalarga binoan, platformalar ma'muriyati avstraliyalik o‘smirlarning barcha akkauntlarini o‘chirib tashlashi, shuningdek, ularning yangi akkaunt ochmasligini nazorat qilishi shart. Ushbu talablarni bajarmaslik 33 million dollargacha jarima bilan jazolananishi mumkin.

Cheklovlar eng mashhur 10 ta platformaga, jumladan Twitch, TikTok va YouTube'ga ta'sir qiladi, ammo kelajakda ro‘yxat qayta ko‘rib chiqilishi mumkin.

📟 DigiTech