🧠 Neuralink bemori samolyot modelini aqli bilan boshqarishni o’rgandi.

Aleks Konli orqa miya jarohati tufayli harakatlanolmay qolgan. Miyasiga o’rnatilgan chip tufayli u allaqachon robot qo’lni boshqarishga muvaffaq bo’lgan (boshqa bemor Nik Rey kabi), endi esa murakkabroq vazifalarga o’tdi — va ongini kontrollerga «ulash» orqali o’yinchoq samolyot parvozini boshqarishga muvaffaq bo’ldi.

Bugungi kunga qadar Neuralink 12 kishiga ushbu implantlarni o’rnatgan: ular o’z fikrlari orqali kompyuter o’yinlarini o'ynashmoqda va potensial ravishda har qanday elektronikani boshqarishlari mumkin.

📟 DigiTech

⚡️Mutaxassislar Coca-Cola'ning sun’iy intellektda yaratilgan yangi reklamasida 46 soniyada yuk mashinalar 10 marta har xil mashinaga almashganini aniqlashdi — neyron tarmoq g‘ildiraklar soni va ularning yuk mashinalariga joylashishini tushunmagan.

📟 DigiTech

⚡️Tezkor quvvatlash gadjetlar batareyasini o’ldirmaydi. Bloger ikki yil davomida 40 ta smartfondagi akkumulyatorlarni sinovdan o’tkazdi va natijalar bilan bo’lishdi:

- 500 sikldan so‘ng batareyalarning tez zaryadlanishdan yemirilishi sekin zaryadlanishga nisbatan atigi 0,5% ga ko‘p bo‘ldi;
- Quvvatni 30% dan 80% gacha bo‘lgan oraliqda saqlab turish o‘rtacha 3% atrofida sig'imni asrab qoldi;
- Agar iPhone'ni bir hafta rozetkaga ulangan holda qoldirsangiz, unga hech qanday zarar yetmaydi.

Qisqacha qilib aytganda, batareyalarni «asrab qolish» bo’yicha maslahatlar endi dolzarb emas. Zamonaviy gadjetlar zaryadlashni o’zi avtomatik ravishda boshqaradi va xizmat muddatini uzaytiradi.

📟 DigiTech

🚘 Tesla AQSh'da uch kundan yetti kungacha bo’lgan vaqtga elektromobillarni ijaraga berishni yo’lga qo’ydi, dastlabki ikki kun butunlay bepul yurish mumkin, to’lov uchinchi kundan boshlanadi.

Narx modelga qarab farq qiladi:
• Model 3/Y – kuniga $60
• Cybertruck – $75
• Model S/X – $90

Xizmat elektromobillar uchun soliq imtiyozlari bekor qilingani sababli sotuvlar pasayishi fonida joriy etildi. Narxga allaqachon barcha Supercharger stansiyalarida bepul quvvatlash va Full Self Driving ilg’or avtopilot tizimidan foydalanish imkoniyati kiritilgan, ijaraga olingandan so’ng esa bir hafta davomida avtomobil xarid qilish uchun chegirma taqdim etiladi.

📟 DigiTech

⚡️Brauzerdagi barcha onlayn reklamalarni olib tashlaydigan AdNauseam dasturi chiqdi.

Bu uBlock Origin forki bo’lib, u bannerlarni shunchaki bloklamaydi, balki ularni avtomatik ravishda bosib, reklama tarmoqlarini chalkashtiradi. Natijada faqat toza, hechqanday reklamasiz lenta qoladi. U tom ma’noda treking algoritmlarini buzadi.

👉 Bepul yuklab olish uchun havola.

📟 DigiTech

🤖 Dyusseldorfdagi REWE supermarketida CA-1 Series 4 — odamlar ishtirokisiz soatiga 120 ta taom tayyorlaydigan to’liq robotlashtirilgan oshxona ishga tushirildi.

U masalliqlarni bir necha daqiqada o’zi yig’ib, pishiradi va taomni uzatadi — jarayonda birorta ham odam ishtirok etmaydi. Robot soatiga 120 ta taom tayyorlay oladi va sifatni nazorat qiluvchi hamda oziq-ovqat chiqindilarini kamaytiruvchi algoritmlardan foydalanadi.

Qurilma uzluksiz 24/7 rejimida ishlaydi (agar masalliqlar o‘z vaqtida to‘ldirilib turilsa). Menyuda makaron, pyure, qovurdoq, salatlar va boshqa taomlar bor, narxlar 6 yevrodan boshlanadi.

📟 DigiTech

🧠 Video o‘yinlar miya qarishini sekinlashtiradi: olimlar 1472 kishining miyasini o’rganishdi va kreativ faollik biologik yoshni kamaytirishga yordam berishini aniqlashdi.

Geymerlarning miyasi ularning haqiqiy yoshidan o’rtacha 5-7 yilga yoshroq ekanligi aniqlandi. Tajriba doirasida professional bo’lmaganlar ham jalb qilinib, ular 30 soat davomida StarCraft II: Wings of Liberty o’yinlarini o’ynashdi. Natijada, ularning ko‘rsatkichlari ham yaxshilandi.

O’yinlardan tashqari raqs, musiqa va tasviriy san'at ham yordam beradi.

📟 DigiTech

⚡️Qaysi mamlakatlarda odamlar eng ko’p va eng kam vaqt ishlashadi — 2025 yilgi reyting e'lon qilindi.

Statistik ma'lumotlarga ko’ra, dunyo bo’ylab o’rtacha ish haftasi — 38.7 soatni tashkil qiladi.
Hammadan ko’proq Butanda ishlashadi, u yerda ish haftasi 54.5 soat, undan keyin Sudan (50.8 soat), Lesoto (50.2), Kongo (48.7) va BAA (48.4).

Eng qisqa ish haftasi esa Yaman (25.9 soat), Niderlandiya (26.8), Norvegiya (27.1) va Avstriyada (28.4) hisoblanadi.

O’zbekistonda haftasiga o’rtacha 40.4 soat ishlashadi.

📟 DigiTech

👨‍💻 Microsoft Google Chrome brauzerini yuklamay, Edge brauzerida qolish uchun «pul to’lamoqda».

Bing qidiruv tizimida «Chrome»so’rovini qidirishda foydalanuvchilarga Microsoft do’koni uchun 1300 ball taklif qilinyapti. Ya'ni, Edge'da qolish uchun taxminan 10-15 dollar atrofida to’lashmoqda, lekin pulda emas ballarda.

Ushbu ballarni sovg'a kartalari (gift-cards), obunalar va boshqalarga almashtirish mumkin. Biroq, Edge'ni agressiv reklamasi faqat Chrome so’rovi kiritilganidan so’ng chiqadi, boshqa brauzerlar qidirilsa, bunday taklif chiqmaydi.

📟 DigiTech

⚡️ GPT-5.1 chiqdi — OpenAI kutilmaganda yangi modelni chiqardi.

Sun'iy intellekt endi qachon «uzoqroq o‘ylash» yoki qachon shunchaki falsafasiz tez javob berish kerakligini o’zi hal qiladi.
Natijada oddiy savollarga tezroq, murakkab savollarga esa batafsilroq javob beradi.

GPT-5.1 dagi yangilanishlar:
- Ko’rsatmalarga rioya qilish yaxshilandi;
- Ohang va uslubni sozlash mumkin: Professionaldan to G'alatigacha;
- SI qanday kayfiyatda javob yozishini ham sozlash mumkin: iliq yoki do’stona;
- Avtomatik tanlov: mos modelni o’zi tanlaydi.

Barcha foydalanuvchilar uchun birnecha kunda mavjud bo’ladi.

📟 DigiTech

🗺️ Olimlar 100 mingdan ortiq tadqiqotlardan iborat ilmiy bilimlarning ulkan 3D xaritasini tuzishdi.

Har bir nuqtaga bosish va maqolani o’rganish mumkin, masalan, ishning ruhiy salomatlikka zarari haqida. Barcha materiallar mavzularning mos kelishiga qarab joylashtirilgan - jami 100 ta klaster to’plangan.

👉 3D ilmiy xaritaga havola.

📟 DigiTech