⚡️Har qanday taqdimotni bir daqiqa ichida yarating — barcha ma’lumotlar, slaydlar va skriptlarni to’plab taqdimot tayyorlaydigan neyrotarmoq chiqdi.

U juda oddiy ishlaydi: kerakli ma’lumotlarni kiritasiz, matnli so’rovni yozasiz va bir daqiqada natijani olasiz. SI turli xil variantlarni generatsiya qiladi, dizaynni o’zingizga mosini tanlashingiz mumkin.

Tayyor taqdimotni tahrirlash mumkin. Shuningdek, u posterlar, skriptlar, hisobotlar va hatto maketlar ham tayyorlab beradi. Bepul chegaralangan versiyasi mavjud.

👉 Sinab ko’rish uchun havola.

📟 DigiTech

⚡️Anthropic bosh direktori va Claude yaratuvchisi Dario Amodeyning aytishicha — dasturchilik kasbi 1 yilda yo’q bo’lib ketishi mumkin.

Uning fikricha 3-6 oydan so’ng dasturlar kodlarining 90% SI tomonidan generatsiya qilinadi. Bir yildan keyin esa bu ko’rsatgich 100% ga yetadi.

Kompaniyalarni bunga undaydigan omillar:

• SI juda tez rivojlanmoqda: neyrotarmoqlarni ishlab chiqish narxi yiliga 4 marta arzonlashmoqda, investitsiyalar esa 10 barobarga o’smoqda.
• AQShda va butun dunyoda tobora ko’proq ma’lumotlar markazlari qurilmoqda.
• Top kompaniyalarda dasturchilarga bo’lgan talab tobora pasayib bormoqda — hozirda istagan odam neyrotarmoqlar yordamida kodlashi mumkin, tajribali mutaxassis esa butun bir jamoani almashtira oladi.

📟 DigiTech

⚡️Avstraliyalik erkak sun’iy yurak bilan 100 kun yashadi, shundan so’ng unga haqiqiy yurak ko’chirib o’tkazildi. Bu tarixdagi maksimal ko’rsatgich.

BiVACOR implanti titandan tayyorlangan bo’lib, sog’lom yurakning tabiiy qon oqimini imitatsiya qiladi. U bilan to’liq hayot kechirish va hatto sport bilan shug’ullanish mumkin.

📟 DigiTech

🤖 Xitoyliklar robotga velosiped haydashni o’rgatishdi — u o’z muvozanatini ushlab turib, pedallarni boshqara oladi.

Lingxi X2 robotidan uy ishlarida yordamchi, do’konlarda sotuvchi va masofadan boshqariladigan avatar sifatida foydalanishni rejalashtirishmoqda.

📟 DigiTech

⚡️Ma’lum bo’lishicha, neyron tarmoqlarni ishlashi uchun zarur bo’lgan grafik protsessorlarning katta qismi sun’iy intellektning irqchiga (rasist) aylanishini oldini olish uchun ishlatiladi.

Bu haqda dasturchilardan biri xabar berdi. Uning so’zlariga ko’ra, ba’zida irqchilikni jilovlash uchun SI rivojlanishini cheklashga ham to’g’ri keladi.

Bunday eng mashhur voqea deyarli 10 yil oldin, Microsoft Twitterda odamlar bilan muloqot qilish uchun o’zining Tay chatbotini ishga tushirganida sodir bo’lgan. U bir kun ichida o’chirilgan, sababi SI Gitlerni qo’llab-quvvatlab, odamlarni yo’q qilishga chaqirgan.

Yaqinda esa Google neyrotarmog’i Mein Kampf kitobini o’qishni tavsiya qilishni boshlab uni «maftunkor va qiziqarli» deb atadi. Neyron tarmoq Gitler ishini haqiqiy san’at asari deb hisoblashni boshlagan.

📟 DigiTech

🤖 Robotlar odamlarni hali almashtira olmasligiga yana bir isbot.

Amazon omborida yuk tashuvchi robotlar to’qnashib ketib, qanchalik urinsa ham, bir-biridan aylanib o’ta olishmadi :)

📟 DigiTech

🎧 AirPods'ga sinxron tarjima funksiyasi qo’shilishi mumkin. Ushbu funksiya yordamida chet elliklar bilan istalgan tilda suhbatlashish va ularni tushunish mumkin bo’ladi.

Suhbat uchun AirPods va iPhone bo’lishi yetarli. Smartfon avtomatik ravishda nutqni yozib oladi, tarjima qiladi va quloqchinga yuboradi.

Mark Gurmanning so’zlariga ko’ra, yangi funksiya yil oxirida iOS 19'ning chiqarilishi bilan birga qo’shilishi mumkin.

📟 DigiTech