⚡️Xitoylik ishqibozlar yo’ltanlamas kopterni yig’ishdi — u yerda yurishi, suzishi va uchishi mumkin.

Hozircha bu faqat prototip, shuning uchun biroz xunukroq ko’rinadi, lekin uni takomillashtirib sotuvga chiqarishni rejalashtirishgan.

📟 DigiTech

⚡️Kolorado universitetining tibbiyot bo’limi olimlari skleroz va nevrologik kasalliklarga chalingan, shuningdek, og’ir baxtsiz hodisalarga uchragan bemorlarning ko’rish qobiliyatini tiklaydigan preparatni ishlab chiqishdi.

LL-341070 nervlarning himoya qobig’i bo’lgan mielin'ni tiklanishini tezlashtiradi, shuningdek, miyaning tabiiy tiklanish jarayonini hech qanday operatsiyalarsiz faollashtiradi. Bemorlar dahshatli jarohatlardan keyin ham ko’ra olishadi.

Preparat sichqonlarda muvaffaqiyatli sinovdan o’tkazildi. Agar hammasi rejadagidek ketsa, odamlarda sinovlar shu yil boshlanadi.

📟 DigiTech

⚡️Xitoyning Trampga javobi — Bank of China sun’iy intellektlarni rivojlantirishga 1 trln yuan (137 mlrd dollar) sarmoya kiritdi.

Ushbu mablag’ innovatsion sun’iy intellektni ishlab chiqishga sarflanadi, ular ushbu investitsiyaga kommunistik ideologiya ruhida baland nom berishdi — «Harakatlar rejasi».

Bu Trampning yaqindagi sun’iy intellektlarni rivojlantirish uchun 500 mlrd dollar ajratilishi haqidagi qaroriga to’g’ridan-to’g’ri javobdir.

Haqiqiy raqobat endi boshlandi, popkornlarni tayyorlang, buyog’i qiziq bo’ladi.

📟 DigiTech

⚡️Nvidia aksiyalari bir kunda deyarli 17% ga pasaydi. Kompaniya 500 milliard dollar yo’qotdi, bu Wall Street tarixidagi eng katta qulashdir.

Bunga sabab DeepSeek-R1 modeli mashhurligining keskin o’sishidir, kuni kecha chiqqan ochiq kodli sun’iy intellekt ilovasi App Store'da yuklanishlar soni bo’yicha ChatGPT'dan ham o’tib ketdi.

Uni ishlab chiqishga atigi 6 mln dollar sarflangan. Ma’lumot uchun: AQSh'da bunday modelni ishlab chiqish 100 milliondan milliard dollargacha turadi. Buni ko’rgan investorlar SI'ga milliardlab sarmoya kiritish shart emasligini tushunishdi.

Amerikaning barcha yirik texnologik kompaniyalarining yo’qotishlari allaqachon 1 trillion dollardan oshib ketdi.

📟 DigiTech

🏍️ Muhandis har tomonga harakatlana oladigan sharsimon g’ildirakli mopedni yig’di.

Uning aksariyat qismlari 3D printerda bosib chiqarilgan va beshta motorchalar yordamida yuradi. Agar shunday moped yasashga qiziqsangiz, muallif barcha qo’llanmalarni Githubga joylagan.

📟 DigiTech

🌒 Kun surati: astrofotograf Endryu Makkarti tomonidan olingan sayyoralar paradi surati.

U sayyoralar va Oyning haqiqiy masshtabini saqlagan holda bir nechta fotosuratlarni birlashtirgan.

📟 DigiTech

💴 Mana buni korporativ desa bo’ladi: Xitoyda kranlar ishlab chiqaruvchi kompaniya tanlov o’tkazib, unda qatnashgan xodimlariga 8.4 mln dollar tarqatdi.

Ishchilar 30 kishidan iborat jamoalarga bo’linishdi, so’ng naqd pullar uzun stol bo’ylab sochildi. Xodimlar 15 daqiqada qancha ko’p naqd pulni to’g’ri sanay olsalar shunchani o’zlari bilan olib ketishlari mumkin edi.

Eng omadli xodim 15 daqiqada ¥100 000 bonusni qo’lga kiritdi — bu 13 800 dollar!

📟 DigiTech

⚡️Alibaba yangi juda kuchli bepul sun’iy intellektni chiqardi — Qwen2.5-Max DeepSeek'dan ham yaxshiroq.

Xitoyliklar o’zlarining Yangi yiliga bomba neyrotarmoqni chiqarishdi, u deyarli hamma narsani qila oladi:

• Matnli so’rovlarga javob beradi;
• Fotorealistik suratlarni yarata oladi;
• Yuqori sifatli videolarni generatsiya qiladi;
• Senior dasturchi kabi kod yozadi;
• Internetdan kerakli ma’lumotni qidira oladi.

Eng asosiysi — undan foydalanish BEPUL va birnechta kerakli funksiyalar bir joyga jamlangan!

Undan foydalanish uchun havoladan kirib ro’yxatdan Qwen2.5-Max'ni tanlaysiz.

👉 Sinab ko’rish uchun havola.

📟 DigiTech

⚡️Nvidia bepul yangi kurslarni chiqardi.

— Chatbotlarni ishlab chiqish;
— LLM ilovalarni yaratish;
— Ma’lumotlarni tahlil qilish;
— Pixar'ning maxsus dasturi yordamida 3D grafikalar bilan ishlash.

Kurslar 1,5 dan 8 soatgacha vaqtni oladi, o’rganish uchun ozgina Python'ni bilish va neyrotarmoqlar qanday ishlashini tushunish kifoya.

👉 Kurslarga havola.

📟 DigiTech

⚡️DeepSeek xakerlar hujumiga uchradi — chatbot bilan barcha yozishmalaringiz, maxfiy kalitlar va boshqa ichki ma’lumotlar tarmoqqa sizib chiqdi.

Wiz Research tadqiqotchilari ma’lumotlar bazasini tarmoqda topishdi, u hech qanday parol bilan himoyalanmagan.

Chatbot bir necha kundan beri xakerlar hujumiga uchrab kelmoqda, ehtimol ma’lumotlar bazasi tarmoqqa shu tarzda tarqalgan. DeepSeek jamoasi muammodan xabardor, lekin vaziyatga hechqanday izoh berishmadi.

📟 DigiTech

🛩️ Boom Supersonic XB-1 xususiy samolyot prototipi birinchi marta tovush tezligini buzib o’tib, 1.1 Mah (1350 km/soatdan tezroq) tezlikka erishdi.

Samolyot AQSh'da 2014-yildan beri takomillashtirilib kelinmoqda, uning asosida tarixda uchinchi bo’ladigan tovushdan tez uchadigan yo’lovchi samolyotni ishlab chiqishmoqchi.

Reja bo’yicha, u 1,7 Mah (2080 km/soat) gacha tezlasha oladi va Londondan Nyu-Yorkka ~3,5 soatda yetib boradi. Oddiy samolyotlarda parvoz 7-8 soat davom etadi.

📟 DigiTech