⚡️Google juda foydali neyrotarmoqni chiqardi — u ekraningizni kuzatib, sizga nima qilish kerakligini aytib turadi.

Yangi Gemini 2.0 Flash modeli chiqdi. Kod va matnlarning sifati yaxshilandi va eng asosiy narsa — Stream Realtime funksiyasi qo’shildi.

Uning juda ko’p qulayliklari mavjud, misol uchun: unga yozgan kodingizni ko'rsatib, xatolarni aytishini so’rashingiz, o’yinlarda qahramon tanlash yoki shaxmatda to’g’ri harakat qilish bo’yicha maslahatlar so’rashingiz mumkin.

Eng muhimi, uni AI Studioda BEPUL sinab ko’rish mumkin. Hozircha faqat ingliz tilida ishlaydi va VPN kerak bo’lishi mumkin.

👉 Sinab ko’rish uchun havola.

📟 DigiTech

⚡️Ilon Mask boyligi 400 milliard dollarga yetdi — u ikkinchi o’rindagi Jeff Bezosdan endi 1,8 barobar boyroq.

Uning boyligini keskin o’sishi (bir yil oldin 225 milliard dollar edi) SpaceX aksiyalarining ichki sotilishi hisobiga bo’ldi, yangi xAI startapi qiymati ham ikki baravarga oshdi, shuningdek, Tesla kompaniyasidan 10 yillik maoshi o’rniga 55 milliard dollar «bonus» oldi.

📟 DigiTech

⚡️Insoniyat ahmoqlashib bormoqda — OECD tadqiqot o’tkazib quyidagilarni aniqladi:

— Hozir sayyoramizning har beshinchi aholisi o’qish va arifmetik vazifalarni boshlang’ich sinf o’quvchisi darajasida bajara oladi;

— Ishchilarning qariyb uchdan bir qismi o’z ishlari uchun yetarlicha malakaga ega emaslar: ularda ko’nikmalar yoki bilim yetishmaydi;

— Bir qator mamlakatlardagi zumerlarda (16–24 yosh) savodxonlik darajasi kuchli pasaygan;

— Hatto so’nggi 100 yil davomida o’sib borayotgan IQ darajasi hozirda dunyoning ba’zi qismlarida pasayib bormoqda.

📟 DigiTech

🏎️ Kino sehri — hatto poygalar ham haqiqiy mashinalarsiz suratga olinadi.

Yaqinda chiqqan «Senna» seriali jamoasi trekdagi poyga effektiga erishishga yordam bergan oddiy fokuslarni ko’rsatishdi.

Tez o'zgaruvchan fon — displey va proyektorlar, yomg’ir va shamol — ventilyator va suv purkagichlar, driftlar — aylanuvchi platforma.

📟 DigiTech

📲 iPhone uchun boshqa odamlarning zaryadlash simlaridan foydalanish xavfli bo’lishi mumkin: bu orqali ular sizni kuzatib turishlari, login va parollarni o’g’irlashlari va qurilmaga viruslarni yuklashlari mumkin. Buni hatto sezmaysiz.

Kiberxavfsizlik bo'yicha mutaxassis bunday kabel qanday ishlashini ko’rsatdi: uning ko’rinishi oddiy kabel bilan bir xil, lekin ichida Wi-Fi chip o’rnatilgan. Bunday «josuslik» kabellari 2019 yildan beri 190 dollardan erkin sotilib kelinmoqda.

📟 DigiTech

⚡️YouTube'da ovozli izohlar paydo bo’ladi. Yangi funksiyani ThioJoe blogeri videosi ostida payqashdi.

Veb-versiyada faqat transkriptsiya ko’rsatiladi, ovozli izohlarni faqat mobil ilovada tinglash mumkin.

Google bunday funksiyani hali rasman e’lon qilmagan. Ehtimol, hozircha uni faqat ayrim blogerlar sinovdan o'tkazishayotgan bo’lishlari mumkin.

📟 DigiTech

⚡️Buklanadigan iPad 2028-yilda chiqishi mumkin. Mark Gurman Apple haqiqatdan shunday qurilmani ishlab chiqayotganini aniqladi.

Planshet kattaligi ikkita iPad Pro o’lchamiga teng bo’ladi. Bunday iPad iPadOS tizimida ishlaydi, lekin macOS tizimidagi ilovalarini ham ishga tushirish mumkin bo’ladi.

📟 DigiTech

⚡️Kelajak allaqachon shu yerda: Dasturchi Gemini 2 asosida ishlaydigan to'liq ovozli SI yordamchini yaratdi. U qurilma sozlamalarini o’zgartirishi, dasturlarni ochishi va ularda ishlashi mumkin.

Neyrotarmoq ish stolidagi matndan kerakli ma’lumotni tezda topdi, terminalni ochdi va unda darhol ob-havoni ko’rsatadigan oddiyroq ilova kodini yozdi.

Eng qizig’i: sun’iy intellektning o’zi API bilan xatosini payqab, uni darhol tuzatdi.

📟 DigiTech