📚Har qanday kitob yoki matnni audiokitobga aylantirib beradigan neyron tarmoq chiqdi.

Diktor yoki o’zingizni ovozingizni yuklashingiz mumkin, 16 ta til mavjud, to’g’ridan-to’g’ri brauzerda, ro’yxatdan o’tmasdan bepul foydalanish mumkin.

👉 Sinab ko’rish uchun havola.

📟 DigiTech

⚡️Olimlar hayvon hujayralarini yorug’likdan energiya olishga «o’rgatishdi». Ilgari bu mumkin emas deb hisoblangan.

Yaponiyalik olimlar sichqon hujayralarini suv o’tlari bilan birlashtirishdi, natijada yangi hujayralar 2 kun davomida o’simliklar kabi — «oziq-ovqatsiz» shunchaki quyoshda yashadi.

Tokio universiteti professori Sachihiro Matsunaga'ning ta’kidlashicha — «Bu kashfiyot texnologiyalarni o’zgartiradi va jamiyatning ekologik transformatsiyasiga yordam beradi».

📟 DigiTech

🏞️ Taumata­whakatangihanga­koauau­o­tamatea­turi­pukaka­piki­maunga­horo­nuku­pokai­whenua­ki­tana­tahu!

Yo’q, klaviaturada harflar adashib bosilib ketmadi, bu Yangi Zelandiyadagi dunyodagi eng uzun bir so’zli geografik nomga ega tepalik nomidir.

Bu nom taxminan «Dumalab, ko’tarilib, tog’larni yutib yuborgan, yer yeyuvchi nomi bilan mashhur bo’lgan katta tizzali Tamatea o’z sevgilisi uchun nay chalgan tepalik» deb tarjima qilinadi, ammo mahalliy aholi tepalikni oddiygina «Taumata» deb atashadi.

Nomi uzunligidan Google Xaritada ekranga sig’mayapti :)

📟 DigiTech

👓 Haqiqiy hayotdagi chiterlik.

AR ko’zoynaklar uchun mo’ljallangan Spectacles ilovasi bilyardda to’plarni to’g’ri tushirish uchun qanday urish kerakligini, xuddi kompyuter o’yinidagi kabi ko’rsatib turadi. Foydalanuvchidan talab qilinadigan narsa — zarba kuchini hisoblash va to’g’ri nuqtaga urish, bu ham albatta oson emas.

Ko’zoynaklar hali prototip bosqichida va faqat dasturchilar ularni bir yilga 1188 dollarga ijaraga olishlari mumkin.

📟 DigiTech

🖼️ Sun’iy intellekt nihoyat barmoqlar sonini to’g’ri generatsiya qilishni o’rgandi.

Lekin faqat barmoqlar sonini, qo’lni o’zini emas 😁

📟 DigiTech

📲 Matnli so’rovdan butun boshli ilovalarni bir daqiqada yaratib beradigan neyrotarmoq chiqdi! Bolt neyrotarmog’ida umuman dasturlashni bilmasdan veb-sayt yoki ilova yaratishingiz mumkin.

Shunchaki kerakli narsani yozing, masalan, «Discord'ga o’xshagan ilova yarat» bir daqiqada ilova tayyor bo’ladi! Dasturni darhol sinab ko’rishingiz, biror narsa qo’shishingiz va kodini tahrirlashingiz mumkin. Eng muhimi, undan BEPUL foydalanish mumkin.

«Deploy» tugmasini bossangiz, tayyor ilova bulutga yuklanadi va undan hamma foydalana oladi.

👉 Sinab ko’rish uchun havola.

📟 DigiTech

🖼️ Robot-rassom chizgan surat Sotheby's auksionida sotilmoqda. Hozir auksiondagi narx — 140 000 dollar.

Ai-Da roboti o’zining yangi ishini «AI God: Portrait of Alan Turing» deb atadi, unda matematik va sun’iy intellektlar «otasi» Alan Tyuring abstrakt uslubida tasvirlangan. Bu odamsimon robotning kim oshdi savdosiga qo’yilgan birinchi suratidir. Auksion 8-noyabrgacha davom etadi.

Rassomlar kasbi ham xavf ostida.

📟 DigiTech

⚡️Microsoft PC Manager dasturini yangiladi, endi u kompyuter ishlashini optimallashtirish uchun qurilma holatini doimiy ravishda kuzatib boradi.

Qulayliklari:
— Internet tezligini bevosita Windows vazifalar panelida kuzatib turishingiz mumkin;
— Dasturning o’zi eski, keraksiz fayllarni topadi va ularni o’chiradi;
— PC Manager'ni bir tugmani bosish orqali tezda ochish mumkin, buning uchun uni Windows 11 vidjetlariga qo’shish kifoya.

Bundan tashqari, uning yordamida operativ xotirani tezda tozalab turishingiz mumkin, ilova bepul. Yuklab olish uchun havola.

📟 DigiTech

📱Ilon Mask: Tesla o’z smartfonini chiqarishi mumkin, lekin hozircha bunday rejalar yo’q.

Ilon Mask Jo Roganga bergan intervyusida, agar «Apple va Google ilovalarni cheklash yoki senzuralash kabi juda yomon ishlarni qilishni boshlashsa», ana shunda Tesla o’z smartfonini chiqarishi mumkinligini aytdi.

Maskning so’zlariga ko’ra, Tesla butunlay yangi texnologik smartfonni bozorga chiqarishni boshqalarga qaraganda yaxshiroq qila oladigan kompaniyadir, chunki dasturiy ta’minot yaratishda katta tajribaga ega.

📟 DigiTech

🛫 19 yoshli uchuvchi saraton kasalligini davolash yo’llarini o’rganish uchun 1 million dollar yig’ish maqsadida dunyo bo’ylab sayohatga chiqdi.

Amerikalik Itan Guo 18 yoshida barcha qit’alarni aylanib chiqish uchun samolyotga o’tirdi. U 71 kundan beri yo’lda. Itan butun dunyoni yolg’iz uchib aylanib chiqqan birinchi uchuvchi bo’lishi mumkin.

U allaqachon Kanada, Grenlandiya, Islandiya, Buyuk Britaniya va bir qator Yevropa mamlakatlariga borishga ulgurgan. Itan so’nggi videosini Misrdan to’rt kun oldin joylashtirgan.

Maqsadiga yetishini tilab qolamiz, uni ushbu havola orqali kuzatib borish mumkin.

📟 DigiTech

🖼️ Rasmlarni tiniqlashtirib beruvchi InstantIR neyrotarmog’i chiqdi. Shunchaki sifatsiz rasmni yuklab, «InstantIR magic!» tugmasini bosish kifoya — bir necha soniya ichida piksellar yuqori sifatli fotosuratga aylanadi.

Neyrotarmoq juda yaxshi ishlaydi, faqat juda past sifatdagi fotosuratni hayotga qaytarishga uringanda natija kutilgandek bo’lmasligi mumkin. Eng muhimi bepul va hechqanday cheklovlarsiz.

👉 Sinab ko’rish uchun havola.

📟 DigiTech

🤖 Unitree robotlarini yana xafa qilishmoqda.

Xitoyning Unitree kompaniyasi o’z robot-itiga sirk ijrochisi kabi muvozanatni saqlashni o’rgatishdi — endi u bir panjasida sakrab, ikki oyoqda yura oladi, hatto tayoq bilan kuchli urilsa ham muvozanatini saqlaydi.

Robot bu qiynoqlarni eslab qolmaydi degan umiddamiz :(
Aytgancha, uning narxi 1600 dollardan boshlanadi.

📟 DigiTech