🤖 Angliyalik olimlar miyaga qon quyilishini tezda to’xtata oladigan nanorobotlarni ishlab chiqishdi, ular yorilgan tomirlar joyiga tezda yetib borib qonni to’xtatuvchi dorini sepishadi.

Ushbu nanorobotlar yaqin kelajakda anevrizma va aorta yorilishidan o’limning oldini olishga yordam beradi, shuningdek, ularni boshqa sohalarda ham qo’llash mumkin bo’ladi.

📟 DigiTech

🚀 Kecha sayyohlar uchirilgan SpaceX kosmik kemasi Yerdan 1400 km rekord balandlikka yetdi.

«Apollon» davridan beri odamlar bunchalik uzoqqa uchishmagan edi: taqqoslash uchun, hozir hamma uchayotgan XKS 400 km balandlikda joylashgan.

Ertaga esa to’rtta ekipaj a’zosidan ikkitasi kosmik turizm tarixida birinchi marta ochiq kosmosga chiqishadi.

📟 DigiTech

🎧 129 dollarlik yangi AirPods 4 qutisida endi hatto zaryadlovchi kabel ham yo’q — faqat quloqchinlar.

Kompaniya «har qanday mos keluvchi» USB-C kabelidan foydalanishni tavsiya qilmoqda, masalan, iPhone'nikidan.

Apple'ning alohida USB-C kabeli 19 dollar turadi, adapter uchun esa yana 38 dollar to’lashga to’g’ri keladi.

Bahonalari ham tayyor, ekologiyani asrashyapti :)

📟 DigiTech

🚀 Kosmik sayyohlar tarixda birinchi bor ochiq koinotga chiqishdi.

Kosmik kema bortini birinchi bo’lib milliarder Jared Ayzekman tark etdi, sal o’tib unga SpaceX muhandisi Sara Gillies qo’shildi. Ular Yerdan 700 km dan ortiq balandlikda proyektsiyali displeyga ega yangi skafandrlarni sinovdan o’tkazishdi.

Aytgancha, Crew Dragon kapsulasida havo shlyuzi yo’q, shuning uchun bortda qolgan odamlar ham skafandrda o’tirishgan.

📟 DigiTech

⚡️OpenAI ChatGPT-ning yangi versiyasini chiqardi. o1 sun’iy intellekti GPT-4o dan 500% kuchliroq — hozir yangi model so’rovlarga FANLAR DOKTORI darajasida javob bera oladi va bu faqat boshlanishi.

o1 dasturlashda oldingi modeldan 6 barobar yaxshiroq, matematikani esa olimpiadalar darajasida biladi, aniq fanlar va falsafada ham juda kuchli.

Bunday natijalarga sabab, o1 faqat ma’lumotlar to’plamidagi so’zlardan javob bermaydi, u deyarli inson kabi FIKRLAY OLADI.

📟 DigiTech

🚘 Ford avtomobilni o’g’rilardan himoya qilish uchun kuchuk gologrammasini chiqaradigan texnologiyani patentlash uchun ariza berdi.

IHCMs tizimidan foydalangan holda, mashina itlar yoki qo’riqchilarning harakatlanuvchi gologrammalarini chiqaradi. Agar kimdir gologrammaga «tegish» yoki undan o’tishga harakat qilsa, haydovchiga xabarnoma keladi.

📟 DigiTech

🏎️ McLaren LEGO'dan haqiqiy sport avtomobilini yasadi. Poygachi Lando Norris uni Silverstoun trassasida sinovdan o’tkazdi.

McLaren P1 ning haqiqiy o’lchamdagi nusxasini yig’ish uchun 8 433 soat va 342 000 qism kerak bo’ldi. Uning hatto dvigateli ham Lego'dan yig’ilgan — 786 ta Lego motorchalari birlashtirilgan.

Avtomobil 65 km/soat tezlikka erisha oladi, faqat g’ildiraklar va boshqaruv paneli asl mashinadan olingan. Uning og’irligi 1225 kg ni tashkil etdi.

📟 DigiTech

⚡️GPT-o1 dunyo aholisining 90 foizidan aqlliroq — neyron tarmoq Norvegiyaning nufuzli Mensa IQ testidan o’tdi va 120 ball to’pladi.

Taqqoslash uchun, O’zbekiston aholisining o’rtacha IQ darajasi 94.81 ballni tashkil qiladi. Ammo eng qizig’i shundaki: model o’zi o’rgana oladi, ya’ni u kundan-kunga aqlliroq bo’lib boradi.

Kinolardagi syujetni eslatyapti.

📟 DigiTech

👩‍💻Ajoyib yangilik! Yandex Uzbekistan Toshkentda yosh mutaxassislar uchun ilk bor mobil va bekend dasturiy ta’minot ishlab chiqish maktablarini ochmoqda.

O‘quv dasturlari leksiyalar, amaliy mashg‘ulotlar va Yandex xizmatlaridagi haqiqiy biznes-vazifalar ustida jamoaviy ishlarni o‘z ichiga oladi. Maktablar dasturlash bo‘yicha bilimlarini chuqurlashtirmoqchi bo‘lganlar uchun mo‘ljallangan. Eng yaxshi talabalar kompaniyada kasbiy faoliyatlarini boshlash imkoniyatiga ega bo‘ladilar.

Ta’lim bepul. Maktabga kirish uchun arizani to‘ldirish va 13 oktyabrgacha test topshirig‘ini bajarish lozim. Eng yaxshilar suhbatga taklif qilinadilar. Tanlov natijalari 23-24 oktyabr kunlari e’lon qilinadi. Ta’lim 28 oktyabrda boshlanadi.

Yandex 2011 yildan beri shunday maktablarni boshqarib kelmoqda. Shundan beri 72 ta maktab tashkil etilgan bo‘lib, ularda 3500 dan ortiq kishi ta’lim olgan. Talabalarning yarmidan ko‘pi kompaniyada amaliyotchi yoki xodimga aylanadi.

🚘 Xitoyliklarning Denza Z9 GT avtomobilida parallel to’xtash funksiyasi shunday ishlaydi — haydovchi oldini joylashtiradi, avtomobil esa orqa tomonni «tortadi».

Avtomobil BYD va Mercedes qo’shma korxonasi tomonidan ishlab chiqarilgan. Top versiyasida 965 ot kuchiga ega elektr motor mavjud, 0/100 km/soat tezlikka 3,4 soniyada erishadi va bir zaryadda 630 km masofani bosib o’tishi mumkin.

Xitoyda narxi 47 000 dollardan boshlanadi.

📟 DigiTech

🎥 Ijtimoiy tarmoqlarda yangilangan Gen-3 Alpha'ning birinchi sinovlari paydo bo’ldi. Videoni yuklab, uni qanday uslubga o’zgartirish kerakligini yozish kifoya, bir necha daqiqada kerakli video tayyor bo’ladi.

Haqiqiy videoni animatsiyaga aylantirishingiz, manzarani, kiyimni va hatto odamning tashqi ko’rinishini o’zgartirishingiz mumkin. Lekin funksiya faqat pulli obunada mavjud.

📟 DigiTech