⚡️Adobe kompaniyasi odamlarning videolarini sotib olmoqda — ular bir daqiqalik video uchun o’rtacha 3 dan 7 dollargacha to’lashmoqda.

Kompaniyaga Sora bilan raqobatlasha oladigan neyrotarmoqni o’rgatish uchun yuz minglab videolar kerak — shuning uchun odamlarning kundalik ishlarni qilayotgani yoki emotsiyalarni ifoda etayotgan videolarini sotib olishmoqda.

📟 DigiTech

📲 Telegram yana bir yangilanishni taqdim etdi. Nimalar qo’shildi:

1. Stikerlar uchun alohida muharrir paydo bo’ldi — endi ikki marta bosish orqali istalgan rasmni stikerga aylantirishingiz mumkin.

2. O’z profilingizni boshqalar nazarida ko’rish va baholashingiz mumkin.

3. Premium obunaga ega foydalanuvchilar reklamalarni yana yoqishlari mumkin bo’ladi (bu kimga kerak bo’ladi, bilmadik 🤷‍♂️).

4. Xabarlar ostidagi reaksiyalar sonini cheklash mumkin. Agar bitta reaksiya chegarasi qo’yilsa, unda qaysi biri birinchi bosilsa o’sha qoladi va undan boshqasini qo’yib bo’lmaydi.

📟 DigiTech

⚡️Adobe Premiere Pro video tahrirlash dasturiga sun’iy intellekt qo’shadi. Uning yordamida obyektlarni qo’shish va olib tashlash, ramkani kengaytirish va videolarning davomiyligini oshirish mumkin bo’ladi.

Ular shuningdek, matnli so’rov asosida noldan video yaratish uchun alohida neyrotarmoqni qo’shishlari mumkin. Bu bo’yicha kompaniya allaqachon OpenAI va Runway bilan muzokaralar olib bormoqda.

Premiere Pro'ga yangi funksiyalar shu yil oxirigacha qo’shiladi. Hozircha sun’iy intellekt yordamida tahrirlangan videolarni ko’rib baholashingiz mumkin.

📟 DigiTech

⚡️Olimlarning aniqlashicha, sun’iy intellektlar ataylab o’zini ahmoq qilib ko’rsatishi mumkin.

GPT-4 va Gemini kabi til modellari bolalarning tafakkurini mohirlik bilan taqlid qilib, o‘z aql-idrokini ataylab kamaytira oladi.

Olimlar ta’kidlashicha, bu xavfsiz emas — insoniyat ushbu texnologiyalarning haqiqiy imkoniyatlarini juda kech anglab yetishi mumkin.

📟 DigiTech

⚡️Amerikalik jurnalist Taker Karlson Pavel Durov bilan bir soatlik intervyuni YouTube'ga joyladi.

Ular asosan, albatta, Telegram haqida gaplashishdi: Durov uni qachon va nima uchun yaratgani, nima uchun bosh ofis Dubayda ekanligi va messenjer qanday qilib nol reklama xarajatlari bilan shu qadar mashhur bo’lganini so’zlab berdi.

Durov, shuningdek, Telegram'ning shifrlash standarti uning akasi Nikolay tomonidan ishlab chiqilgani, shuning uchun «messenjer xavfsizligiga hech qanday shubha yo‘qligini» aytdi.

Durov shaxsiy hayoti haqida hardoimgidek gapirmadi: u faqat VKdagi o’z ulushini sotishdan kelgan pulni hashamatli xaridlarga «yuzlab million dollar» sarflamaganini va boshlashni rejalashtirmayotganini aytdi.

👉 To’liq intervyuni ko’rish uchun havola.

📟 DigiTech

🤖 Boston Dynamics Atlas robotlarining yangi avlodini namoyish etdi — ular endi bitta ham gidravlik elementsiz, butunlay elektrda ishlaydi.

Ularning ta’kidlashicha, ushbu robot endi «dunyodagi eng epchil gumanoid robot» bo’lib, zavodlarda ishlay oladi va odamlarga kundalik hayotda yordam bera oladi.

Kompaniya yangi Atlas ustida Hyundai bilan birga ishlamoqda, ular pul va ishlab chiqarishda yordam berishmoqda.

📟 DigiTech

⚡️InstantMesh neyron tarmog’i chiqdi, u har qanday rasmni 3D obyektga aylantirib beradi.

Generatsiya o’rtacha 10 soniya vaqtni oladi, neyron tarmoq sizga 3D model yaratilishining barcha bosqichlarini ko’rsatib beradi. Ishlatish mutlaqo bepul, lekin kompyuterda ishlatishni maslahat beramiz, telefonda yaxshi ishlamasligi mumkin.

👉 Bepul sinab ko’rish uchun havola.

📟 DigiTech

⚡️Singapurlik olimlar kiborg suvaraklarning «armiyasini» ko’rsatishdi. Ulardan, masalan, qutqaruv operatsiyalari paytida foydalanishmoqchi.

G’oyaning o’zi yangi emas: AQShda hasharotlarni nazorat qilish uchun shunga o’xshash moslamalar uzoq vaqtdan beri sotilib keladi, ammo bu yerda ular bir vaqtning o’zida 20 ta suvarakni nazorat qilishga muvaffaq bo’lishgan, ushbu suvaraklar hatto bir-birlariga yordam berishlari mumkin (masalan, qaysi biridir dumalab ketsa).

Ham hayratlanarli, ham qo’rqinchli ko’rinadi.

📟 DigiTech

🤖 Agar qachondir robo-itlarga qarshi chiqishga to’g’ri kelsa, ushbu videoni eslang.

Ularni uloqtirish, ag’darish yoki tayoq bilan urish — variant emas! Batareya quvvati tugashini kutish osonroq :)

📟 DigiTech

🚘 Bundan yaxshiroq reklama bo’lmasa kerak: Porsche Taycan avtomobili Dubayda suv toshqinini kesib o’tgani aks etgan video internetda mashhurlashib bormoqda.

📟 DigiTech

🚘 Xiaomi o’zining SU7 elektromobili panelida telefon ushlagichi uchun o’rnatma joylashtiradi.

Uning o’lchami barcha ushlagichlarga mos keladimi yoki yo’qmi hali aniq emas, lekin u old oynaga yopishtiriladigan har qanday ushlagichdan yaxshiroqdir.

Nega avtomobil brendlari bu narsani oldinroq qilishmagan?

📟 DigiTech