⚡️Telegram'da «bir martalik» ovozli xabarlar paydo bo’ldi: qabul qiluvchi u ovozli xabarni tinglashi bilanoq o’chib ketadi.

Funksiyani aktivlashtirish uchun ovozli xabar yozayotganingizda mikrofon belgisini uzoqroq bosib turing, so’ng tepaga suring va aylana ichidagi «1» tugmasini bosing.

Bunday xabarni repost qilib bo’lmaydi, ekran yozib olinsa ovoz eshitilmaydi.

📟 DigiTech

📲 Kompyuter va smartfonni qo’lingizdan foydalanmasdan boshqarish imkonini beruvchi MouthPad qurilmasining demo versiyasi ko’rsatildi.

Tashqi tomondan, u tish plastinkasiga o’xshaydi va til harakati bilan boshqariladi. MouthPad dastlab imkoniyati cheklangan va orqa miya jarohati bo’lgan odamlar devayslardan be’malol foydalana olishlari uchun yaratilgan.

📟 DigiTech

⚡️Top kompaniyalarga ishga joylashishga yordam beruvchi neyrotarmoqlar ro’yxati. Ushbu neyrotarmoqlar sizga rezyumengizni tuzib berishlari va suhbatga tayyorlanishga yordam berishlari mumkin.

📟 DigiTech

⚡️Professional sharhlovchilar va to’g’ri rakurs hatto kichik to’plar poygasini ham juda qiziqarli tomoshaga aylantirishi mumkin.

Shuningdek, YouTube'da faqat kichik to’plar poygasiga bag’ishlangan kanal ham mavjud, bu bo’yicha hatto chempionatlar ham o’tkaziladi.

Bizda hatto futbolni ham bunday sharhlashmaydi )

📟 DigiTech

⚡️Duolingo tarjimonlarni ommaviy ravishda ishdan bo’shatib, ularni neyron tarmoqlar bilan almashtirmoqda.

Qisqartirishlar dekabr oyining o’rtalaridan boshlangan, biroq ijtimoiy tarmoqlarda shov-shuv endi boshlandi. Aniq raqamlar hozircha ma’lum emas, biroq taxminiy hisob-kitoblarga ko’ra, kamida mingta tarjimon ishsiz qoladi.

Sun’iy intellektlar mana tarjimonlarga ham yetib kelishdi, keyingilar kimlar bo’ladi?

📟 DigiTech

🤖 Google o’z robotlariga odamlarga zarar yetkazishni taqiqladi.

Bu kompaniya avtonom robotlar uchun o’quv ma’lumotlariga kiritgan asosiy xavfsizlik qoidasidir. Ushbu cheklovlar to’plami "Robotlar Konstitutsiyasi" deb nomlandi.

"Robotlar Konstitutsiyasi"ga ko’ra, ular odamlar yoki hayvonlar, o’tkir tig’li narsalar va elektr jihozlari bilan bog’liq ishlarni qila olmaydilar. Bundan tashqari, barcha robotlarda favqulodda o’chirish jismoniy tugmasi bo’lishi kerak, favquloddagi vaziyatlarda inson operatorlar ularni o’chirib qo’ya olishlari uchun.

📟 DigiTech

📺 Samsung ham kelajak haqidagi filmlardagidek umuman ramkalarsiz shaffof displeyni namoyish etdi.

Aytishlaricha, tasvir havoda suzayotgandek tuyuladi va sifati oddiy monitordan farq qilmaydi, tasvir yorqin.

LG televizoridan farqli o’laroq, buni hali sotuvga chiqarish niyatlari yo’q — faqat texnologiyani ko’rsatishdi.

📟 DigiTech

📱iPhone samolyotdan tushib ketib «omon» qoldi.

Shanba kuni Alaska Airlines aviakompaniyasining Boeing 737 Max 9 samolyoti havoga ko’tarilayotganda favqulodda chiqish eshigi uzilib ketgan. Yo’lovchi smartfonini havo tortib ketib 5 km balandlikdan pastga qulagan.

Ikki kun o’tib qurilmani yo’lovchilardan biri topib olgan. Uning so’zlariga ko’ra, ekranda Alaska Airlines aviakompaniyasining baxtsiz reysi uchun chipta ko’rsatilgan, ulagichda esa uzilgan zaryadlash kabelining bir qismi qolgan. Eng qizig’i smartfonga hech narsa qilmagan, hatto tirnalmagan ham.

Buni ko’rgan Nokia 3310 va fizika qonunlari shokda :)

📟 DigiTech

⚡️Endi ChatGPT hatto avtomobillarga ham o’rnatiladi. Birinchi navbatda Volkswagen'ga: ushbu brend mashinalariga ChatGPT ovozli yordamchi sifatida o’rnatiladi.

Yil oxirigacha chatbot Tiguan, Passat va Golf modellarida, shuningdek, ID elektromobillarida paydo bo’ladi. Birinchi Yevropada, keyin esa AQSh'da ishlatish mumkin bo’ladi.

📟 DigiTech

🚘 Sony o'zining birinchi elektromobilini namoyish etdi, uni DualSense geympadi yordamida masofaviy boshqarib sahnaga olib chiqishdi.

Avtomobil Honda kompaniyasi bilan hamkorlikda ishlab chiqilgan, unda Unreal Engine 5 da yaratilgan eng zamonaviy o’yinlarni o’ynash mumkin bo’ladi.

Narxi va chiqarilish sanasini hali aytishmadi.

📟 DigiTech

💻 Chiroyli taqdimotlar yaratib beruvchi neyrotarmoq. Decktopus hamma narsani o’zi qiladi — rasmlar, ma’lumotlarni topadi va barchasini slaydlar shaklida tuzib beradi.

Ishlatish uchun mavzuni belgilash kifoya. Tayyor taqdimotlarni tarkibi va tashqi ko’rinishini o’zingiz xohlagan tarzda o’zgartirishingiz mumkin. Saqlab qo’ying, asqotadi.

👉 Sinab ko’rish uchun havola.

📟 DigiTech

📱Bu odam AliExpress'dan iPhone buyurtma berganida, bir vaqtning o’zida Motorola, Nokia, Lenovo va iPhone bo’lgan super-versiyasi kelibdi :)

📟 DigiTech

🚘 2023-yilda (yanvar-avgust) eng ko’p sotilgan elektromobillar ro’yxati: ikkita Tesla, oltita Xitoy avtomobili va bitta Volkswagen.

Ushbu davr uchun butun dunyo bo’ylab sotuvlar soni quyidagicha:

Tesla Model Y - 772,364 ($43 900 dan)
Tesla Model 3 - 364,403 ($38 900 dan)
BYD Yuan+ - 265,688 ($19 700 dan)
BYD Dolphin - 222,825 ($14 000 dan)
GAC Aion S - 160,693 ($22 500 dan)
Wuling MINI EV - 153,399 ($4600 dan)
GAC Aion Y - 136,619 ($15 500 dan)
VW ID 4 - 120,154 ($34 590 dan)
BYD Seagull - 95,202 ($10 500 dan)

📟 DigiTech